• HOME
  • »
  • NEWS
  • »
  • kerala
  • »
  • Saji Cheriyan | മന്ത്രിസ്ഥാനം ഒഴിഞ്ഞ സജി ചെറിയാൻ എംഎൽഎ സ്ഥാനവും രാജി വെക്കണം: വിഡി സതീശൻ

Saji Cheriyan | മന്ത്രിസ്ഥാനം ഒഴിഞ്ഞ സജി ചെറിയാൻ എംഎൽഎ സ്ഥാനവും രാജി വെക്കണം: വിഡി സതീശൻ

സജി ചെറിയാന്റെ രാജി ധാർമ്മികത ഉയർത്തിപ്പിടിച്ചല്ല.

വി.ഡി. സതീശൻ

വി.ഡി. സതീശൻ

  • Last Updated :
  • Share this:
    തിരുവനന്തപുരം: സജി ചെറിയാൻ എംഎൽഎ സ്ഥാനവും രാജിവെക്കണമെന്നാവർത്തിച്ച് പ്രതിപക്ഷ നേതാവ് വിഡി സതീശൻ. മുഖ്യമന്ത്രി പിണറായി വിജയൻ നിലപാട് വിശദീകരിക്കണമെന്നും പാർട്ടിയുടെ നിലപാടി സിപിഎം വ്യക്തമാക്കണമെന്നും വിഡി സതീശൻ ആവശ്യപ്പെട്ടു. സജി ചെറിയാന്റെ രാജി ധാർമ്മികത ഉയർത്തിപ്പിടിച്ചല്ല.

    ഗുരുതരമയ കുറ്റമാണെന്നും നിയമപരമായി രാജി വയ്ക്കാൻ ബാധ്യതയുണ്ടെന്നും അദ്ദേഹം പറഞ്ഞു. അതേസമയം വിവാദ പരാമർശത്തില്‍ സജി ചെറിയാനെതിരെ പൊലീസ് കേസെടുത്തു. പത്തനംതിട്ട മല്ലപ്പള്ളിയിൽ നൂറിന്റെ നിറവിൽ എന്ന പരിപാടിയിൽ സംസാരിക്കുന്നതിനിടെയാണ് മന്ത്രിയുടെ വിവാദ പരാമര്‍ശം.

    Also Read-ഖേദം പ്രകടിപ്പിക്കാൻ തയ്യാറാവത്തത് നിർഭാഗ്യകരം; ക്യാപ്റ്റന്റെ വിക്കറ്റും തെറിക്കും; കെ സുധാകരൻ

    നേരത്തെ സമ്മർദം ശക്തമായതിന് പിന്നാലെ സജി ചെറിയാൻ മന്ത്രിസ്ഥാനം രാജിവെച്ചു. ഭരണഘടനാ വിരുദ്ധ പ്രസ്താവനയുടെ പേരിലാണ് രാജി. രാവിലെ രാജിയില്ലെന്ന് ആവർത്തിച്ച സജി ചെറിയാൻ, പാർട്ടി നേതൃത്വത്തിന്റെ ആവശ്യപ്രകാരമാണ് വൈകിട്ടോടെ രാജി സമർപ്പിച്ചതെന്നാണ് വിവരം. എന്നാൽ രാജി സ്വതന്ത്ര തീരുമാനപ്രകാരമാണെന്ന് സജി ചെറിയാൻ മാധ്യമങ്ങളോട് പറഞ്ഞു.

    Also Read-Saji Cheriyan | രാജി സൂചന നൽകാതെ മുഖ്യമന്ത്രിയും സജി ചെറിയാനും മന്ത്രിസഭാ യോഗത്തിൽ; ക്ലിഫ് ഹൗസിൽ പതിവ് സൽക്കാരം

    ഭരണഘടനയെ ബഹുമാനിക്കുകയും ഭരണഘടനാ മൂല്യങ്ങളെ ആദരിക്കുകയും ചെയ്യുന്ന പൊതുപ്രവർത്തകനാണ് താനെന്ന് വാർത്താസമ്മേളനത്തിൽ സജി ചെറിയാൻ പറഞ്ഞു. നിയമപരമായും രാഷ്ട്രീയമായും എല്ല മാർഗങ്ങളും ഉപയോഗിച്ച് ഭരണഘടനാ മൂല്യങ്ങൾ ശാക്തീകരിക്കാൻ ശ്രമിക്കുന്ന പാർട്ടിയാണ് സിപിഎം. ഭരണഘടനാ ലക്ഷ്യങ്ങൾ പലപ്പോഴും അട്ടിമറിക്കപ്പെട്ടു. അതിനെതിരേ സിപിഎം അഭിമാനാർഹമായ പോരാട്ടങ്ങൾ നടത്തി. പ്രസംഗത്തിൽ പറഞ്ഞതു മുഴുവൻ മാധ്യമങ്ങൾ കാട്ടിയില്ല. ഭരണഘടനയോടുള്ള അവമതിപ്പായി ഇത് വ്യാഖ്യാനിക്കുമെന്നു കരുതിയില്ല. സർക്കാരിന്റെയും മുന്നണിയുടെയും നയങ്ങളെ ദുർബലപ്പെടുത്താൻ പ്രസംഗത്തെ ദുരുപയോഗപ്പെടുത്തിയെന്നും അദ്ദേഹം പറഞ്ഞു.
    Published by:Jayesh Krishnan
    First published: