• HOME
  • »
  • NEWS
  • »
  • kerala
  • »
  • Accident | താറാവ് കൂട്ടത്തെ കണ്ട് വെട്ടിച്ചു; സ്കൂള്‍ വാന്‍ തോട്ടിലേയ്ക്ക് മറിഞ്ഞു

Accident | താറാവ് കൂട്ടത്തെ കണ്ട് വെട്ടിച്ചു; സ്കൂള്‍ വാന്‍ തോട്ടിലേയ്ക്ക് മറിഞ്ഞു

  • Share this:
    കോട്ടയം: വൈക്കം തലയാഴത്ത് താറാവ് കൂട്ടത്തെ കണ്ട് വെട്ടിച്ചുമാറ്റിയ സ്കൂള്‍ മാന്‍ നിയന്ത്രണം വിട്ട് തോട്ടിലേയ്ക്ക് മറിഞ്ഞു. തലയാഴം മാരാംവീടിന് സമീപം ഇന്നലെ വൈകിട്ട് അഞ്ച് മണിയോടെയാണ് അപകടം നടന്നത്. വാനിലുണ്ടായിരുന്ന കുട്ടികളെല്ലാവരും പരിക്കേല്‍ക്കാതെ രക്ഷപ്പെട്ടു. വാനിലെ സഹായിയായ ജീവനക്കാരനെ നിസാര പരിക്കുകളോടെ വൈക്കം താലൂക്ക് ആശുപത്രിയില്‍ പ്രവേശിപ്പിച്ചു. ചാലാപറമ്പിലെ സ്വകാര്യ സ്കൂള്‍ ബസാണ് മറിഞ്ഞത്. വീതി കുറഞ്ഞ റോഡിലൂടെ വന്ന വാനിന്‍റെ ഡ്രൈവര്‍ താറാവ് കൂട്ടത്തെ കണ്ട് വെട്ടിച്ചുമാറ്റിയതാണ് അപകട കാരണം. ഡ്രൈവര്‍ ഡോര്‍ വഴിയാണ് കുട്ടികളെ പുറത്തെടുത്തത്.

    ഹെൽമെറ്റ് ഇല്ലാത്ത യാത്രയ്ക്കും ലൈസൻസ് മരവിപ്പിച്ചേക്കും; വാഹനപരിശോധന കർശനമാക്കാൻ മോട്ടോർ വാഹന വകുപ്പ്


    തിരുവനന്തപുരം: സംസ്ഥാനത്ത് റോഡപകടങ്ങൾ വർദ്ധിച്ച സാഹചര്യത്തിൽ വാഹന പരിശോധന കർശനമാക്കാൻ മോട്ടോർ വാഹന വകുപ്പ്. ചെറിയ നിയമലംഘനങ്ങൾക്ക് പോലും കനത്ത ശിക്ഷ നൽകാനാണ് തീരുമാനം. ഹെൽമെറ്റ് ഇല്ലാത്ത യാത്ര ഉൾപ്പടെ കുറ്റങ്ങൾ ആവർത്തിച്ചാൽ ഡ്രൈവിങ് ലൈസൻസ് മരവിപ്പിക്കുന്നതടക്കമുള്ള നടപടികൾ കൈക്കൊള്ളും. ഇതുസംബന്ധിച്ച നിർദേശം മോട്ടോർ വാഹനവകുപ്പ് എൻഫോഴ്സ്മെന്‍റ് ജോയിന്‍റ് ആർടിഒയ്ക്ക് നൽകിയിട്ടുണ്ട്.

    ഇരുചക്രവാഹനങ്ങളില്‍ മൂന്നുപേര്‍ സഞ്ചരിക്കുക, ഹെല്‍മെറ്റ് ധരിക്കാതിരിക്കുക, അമിതവേഗത്തില്‍ വാഹനം ഓടിക്കുക, ചുവപ്പ് സിഗ്നല്‍ തെറ്റിച്ചു ഡ്രൈവ് ചെയ്യുക, പരിശോധിക്കാനൊരുങ്ങുമ്ബോള്‍ വാഹനം നിർത്താതെപോവുക, ഡ്രൈവിംഗിനിടെ മൊബൈല്‍ ഫോണ്‍ ഉപയോഗിക്കുക, മദ്യപിച്ചുള്ള ഡ്രൈവിങ് തുടങ്ങിയവയ്‌ക്ക് ആദ്യം പിഴ ഈടാക്കുകയും തെറ്റ് ആവര്‍ത്തിച്ചാല്‍ ലൈസന്‍സ് മരവിപ്പിക്കുകയും ചെയ്യാനാണ് തീരുമാനം.

    വരുംദിവസങ്ങളിൽ ഇതിന്റെ ഭാഗമായി പരിശോധനകളും നടപടികളും ശക്തമാക്കും. ഇപ്പോള്‍ ഈ നിയമലംഘനങ്ങള്‍ക്കെല്ലാം പിഴയീടാക്കുകയാണ് ചെയ്യുന്നത്. എന്നാല്‍ പിഴയടയ്ക്കുന്നത് പ്രശ്നമല്ലെന്ന മനോഭാവം ചിലര്‍ക്കുണ്ടെന്നാണ് മോട്ടോര്‍വാഹനവകുപ്പ് അധികൃതര്‍ പറയുന്നത്. മോട്ടോർവാഹനവകുപ്പ് സ്ഥാപിച്ച ക്യാമറകൾ പരിശോധിച്ചും നടപടികൾ കർശനമാക്കും.
    Published by:Arun krishna
    First published: