• HOME
  • »
  • NEWS
  • »
  • kerala
  • »
  • Online Class| വിദ്യാർഥികൾക്ക് സഹായഹസ്തവുമായി SFI; കൊല്ലം ജില്ലയിൽ വിതരണം ചെയ്യുന്നത് 300 ടിവികൾ

Online Class| വിദ്യാർഥികൾക്ക് സഹായഹസ്തവുമായി SFI; കൊല്ലം ജില്ലയിൽ വിതരണം ചെയ്യുന്നത് 300 ടിവികൾ

വിദ്യാർത്ഥികൾക്ക് പഠന സൗകര്യം ഒരുക്കുന്നതിൻ്റെ ഭാഗമായാണ് സംഘടനയുടെ ഇടപെടൽ

sfi distributes 300 television in kollam

sfi distributes 300 television in kollam

  • Share this:
ടി വിയോ സ്മാർട്ട് ഫോണോ ഇല്ലാതെ എങ്ങനെ പഠിക്കുമെന്നറിയാതെ ബുദ്ധിമുട്ടുന്ന കുട്ടികൾക്കു മുന്നിലേക്കാണ് സഹായവുമായി സംഘടനകളും വ്യക്തികളും എത്തുന്നത്. എസ്എഫ്ഐ കൊല്ലം ജില്ലാ കമ്മിറ്റി നേതൃത്വത്തിൽ ജില്ലയിൽ 300 ടിവികൾ ആദ്യഘട്ടത്തിൽ വിതരണം ചെയ്യും. വിദ്യാർത്ഥികൾക്ക് പഠന സൗകര്യം ഒരുക്കുന്നതിൻ്റെ ഭാഗമായാണ് സംഘടനയുടെ ഇടപെടൽ.

ടെലിവിഷനുകൾ വിതരണം ചെയ്യുന്നതിൻ്റെ ജില്ലാതല ഉദ്ഘാടനം പട്ടത്താനം എസ്എൻഡിപി യുപിഎസിൽ നടന്നു. എസ്എഫ്ഐ സംസ്ഥാന സെക്രട്ടറി കെഎം സച്ചിൻദേവ് ഉദ്ഘാടനം ചെയ്തു. ജില്ലാ പ്രസിഡൻ്റ് മുഹമ്മദ് നെസ്മൽ അധ്യക്ഷനായി. സെക്രട്ടറി അനന്ദു, സംസ്ഥാന പ്രസിഡൻ്റ് വിഎ വിനീഷ്, യുവജനകമ്മീഷൻ ചെയർപേഴ്സൺ ചിന്താജെറോം, സ്കൂൾ ഹെഡ്മാസ്റ്റർ വിജയകുമാർ എന്നിവർ പങ്കെടുത്തു.
TRENDING:Corona-Lockdown effect| എഞ്ചിനിയർമാരും ബിരുദധാരികളും തൊഴിലുറപ്പ് പദ്ധതിയിൽ ജോലിക്കിറങ്ങി[NEWS]India-China Border Violence| ലഡാക്കിലെ സംഘർഷം ചർച്ച ചെയ്യാൻ സർവകക്ഷി യോഗം വിളിച്ച് പ്രധാനമന്ത്രി[NEWS] Covid 19 in Kerala | ഇന്ന് സംസ്ഥാനത്ത് 75 പേർക്ക് കോവിഡ്; 90 പേർക്ക് രോഗമുക്തി: മുഖ്യമന്ത്രി[NEWS]
ടി വി ഇല്ലാത്ത വീടുകൾ കണ്ടെത്താൻ എസ്എഫ്ഐ നേതൃത്വത്തിൽ സർവെയും നടക്കുന്നു. നന്മയുള്ള പ്രവർത്തനം കൊണ്ട് ശ്രദ്ധേയമാകുകയാണ്  പ്രവാസി വ്യവസായി കൊല്ലം പോരുവഴി സ്വദേശി മുഹമ്മദ് റാഫി കുഴുവേലിലിൻ്റെ നടപടിയും. കോവിഡ്  പശ്ചാത്തലത്തിലാണ് വിവിധ പ്രദേശങ്ങൾ കേന്ദ്രീകരിച്ച് എം ആർ ഗ്രൂപ്പിൻ്റെ പ്രവർത്തനം.

സ്കൂളുകൾ അടഞ്ഞു കിടക്കുന്ന സാഹചര്യത്തിൽ ഓൺലൈൻ പഠനത്തിനായി ബുദ്ധിമുട്ടുന്ന വിദ്യർത്ഥികൾക്കും പഠന സൗകര്യങ്ങൾ ഏർപ്പെടുത്താൻ തയ്യാറായിട്ടുള്ള സന്നദ്ധ സംഘടനകൾക്കും അംഗനവാടികൾക്കുമാണ് ടെലിവിഷൻ എത്തിച്ചു നൽകിയത്. 25  ടിവികൾ ഇതിനകം വിതരണം ചെയ്തു. ശൂരനാട് തെക്ക്, ശൂരനാട് വടക്ക് ,പോരുവഴി തുടങ്ങിയ പ്രദേശങ്ങളിലാണ് ടെലിവിഷനുകൾ വിതരണം ചെയ്തത്. വിവിധയിടങ്ങളിൽ കോവൂർ കുഞ്ഞുമോൻ MLA വിതരണം നിർവഹിച്ചു.
Published by:user_49
First published: