വധശ്രമക്കേസ്; SFI സംസ്ഥാന സെക്രട്ടറി അർഷോയുടെ ജാമ്യ ഹർജി വിധി പറയാന്‍ മാറ്റി

കൊച്ചി: വധശ്രമക്കേസിൽ എസ്എഫ്ഐ സംസ്ഥാന സെക്രട്ടറി പിഎം അർഷോയുട ജാമ്യ ഹർജി ഹൈക്കോടതി വിധി പറയാൻ മാറ്റി. പരീക്ഷ എഴുതാൻ ഇടക്കാല ജാമ്യം അനുവദിച്ചിരുന്നു. അതേസമയം അർഷോയ്ക്ക് ജാമ്യം അനുവദിക്കരുതെന്ന് പരാതിക്കാരൻ ആവശ്യപ്പട്ടു. അർഷോ രാഷ്ട്രീയ സ്വാധീനമുള്ള വ്യക്തിയാണെന്നും ജാമ്യവ്യവസ്ഥ ലഘിച്ചുകൊണ്ട് നിയമത്തെ വെല്ലുവിളിച്ചെന്നും യൂത്ത് കോൺഗ്രസ് സംസ്ഥാന സെക്രട്ടറി പി വൈ ഷാജഹാൻ ഹൈക്കോടതിയിൽ വാദിച്ചു.

ആക്രമണത്തിന് ഇരയായ വ്യക്തിയുമായി പ്രോസിക്യൂഷൻ സഹകരിക്കുന്നില്ലെന്നു പരാതിക്കാരൻ കോടതിയിൽ പറഞ്ഞു. ജാമ്യപേക്ഷയിൽ വാദം പൂര്‍ത്തിയാക്കിയ കോടതി വിധി പറയാൻ മാറ്റുകയായിരുന്നു.

Also Read-നായ്ക്കളെ കൊന്ന് പ്രകടനം നടത്തിയ കേസിൽ കേരള കോൺഗ്രസ് നേതാക്കളടക്കം 15 പ്രതികളെ വെറുതെ വിട്ടു

2018ൽ നിസാമുദ്ദീൻ എന്ന വിദ്യാർഥിയെ മർദിച്ചതുമായി ബന്ധപ്പെട്ട കേസിലാണ് അർഷോയ പൊലീസ് അറസ്റ്റ് ചെയ്തിരുന്നത്. 2018ൽ ഈരാറ്റുപേട്ട സ്വദേശി നിസാമിനെ മർദ്ദിച്ച കേസിൽ ജാമ്യം കിട്ടി പുറത്തിറങ്ങിയിട്ടും നിരവധി കേസുകളിൽ തുടർന്നും അർഷോ പ്രതിയായി. ഇതോടെ ജാമ്യ ഉപാധികൾ ലംഘിച്ചെന്ന് കാട്ടിയാണ് ജസ്റ്റിസ് സുനിൽ തോമസ് അധ്യക്ഷനായ ബഞ്ച് പിഎം ആർഷോയുടെ ജാമ്യം റദ്ദാക്കിയിരുന്നു. തുടർന്നാണ് അർഷോയെ പൊലീസ് അറസ്റ്റ് ചെയ്തത്.

എഐഎസ്എഫ് വനിതാ നേതാവായ നിമിഷയെ എംജി സർവകലാശാല തെരഞ്ഞെടുപ്പിൽ എസ്എഫ്ഐ പ്രവർത്തകർ മർദ്ദിച്ച സംഭവത്തിലും അർഷോ പ്രതിയാണ്. ജാതിപേര് വിളിച്ച് ആക്ഷേപിച്ചു എന്ന പരാതിയാണ് അർഷോക്കെതിരെ അന്ന് ഉയർന്നത്.

Also Read-നവോത്ഥാന സംരക്ഷണ സമിതി കൺവീനർ സ്ഥാനം പുന്നല ശ്രീകുമാർ രാജിവച്ചു; പി രാമഭദ്രന് താൽക്കാലിക ചുമതല

അതേസമയം പരീക്ഷ എഴുതുന്നതിന് അർഷോയ്ക്ക് മതിയായ ഹാജർനില ഇല്ലയെന്ന് ചൂണ്ടിക്കാട്ടി യൂത്ത് കോൺഗ്രസ് സംസ്ഥാന സെക്രട്ടറി പിവൈ ഷാജഹാൻ ഗവർണർക്ക് പരാതി നൽകിയിരുന്നു.