• HOME
  • »
  • NEWS
  • »
  • kerala
  • »
  • കോഴിക്കോട് മില്‍ക്ക് ഷെയ്ക്കില്‍ കഞ്ചാവ് കുരുവല്ല; ഭക്ഷ്യ സുരക്ഷാ അതോറിറ്റി അനുവദിച്ച ഹെംപ് കുരുവെന്ന് കടയുടമ

കോഴിക്കോട് മില്‍ക്ക് ഷെയ്ക്കില്‍ കഞ്ചാവ് കുരുവല്ല; ഭക്ഷ്യ സുരക്ഷാ അതോറിറ്റി അനുവദിച്ച ഹെംപ് കുരുവെന്ന് കടയുടമ

''ഹെംപ് സീഡുകൾ വളരെ പോഷക ഗുണമുള്ളവയാണ്. പ്രോട്ടീൻ അളവ് വളരെ കൂടുതലാണ്. അതുപോലെ ഒമേഗ 2, ഒമേഗ 3, ഫാറ്റി ആസിഡ്സ് എന്നിവയും അടങ്ങിയിട്ടുണ്ട്''

പ്രതീകാത്മക ചിത്രം

പ്രതീകാത്മക ചിത്രം

  • Last Updated :
  • Share this:
    കോഴിക്കോട്: ഗുജറാത്തി സ്ട്രീറ്റിൽ മിൽക് ഷെയ്ക്കിൽ കഞ്ചാവ് കുരു ചേർത്തു നൽകി എന്ന എക്സൈസ് കേസിൽ വഴിത്തിരിവ്. ഷെയ്ക്കിൽ ചേർത്തത് കഞ്ചാവിന്റെ കുരു അല്ലെന്നും ഭക്ഷ്യ സുരക്ഷാ അതോറിറ്റി അനുവദിച്ച ഹെംപ് കുരുവാണെന്നും കടയുടമ ഡോ. സുഭാഷിഷ്. സമൂഹമാധ്യമങ്ങൾ വഴി ‘കഞ്ചാവ് ഷെയ്ക്കി’ന് വ്യാപക പ്രചാരണം ലഭിച്ചതോടെയാണ് എക്സൈസ് പരിശോധന നടത്തിയത്. വിദ്യാർഥികൾ ഇത് കൂടുതലായി ഉപയോഗിക്കുന്നെന്നും പരാതി ഉയർന്നിരുന്നു.

    Also Read- 'നിങ്ങള്‍ വലിയ വണ്ടിയാണെന്ന് കരുതി ചെറിയ വണ്ടിക്കാര്‍ക്ക് ജീവിക്കണ്ടേ'; നടുറോഡില്‍ ബസ് തടഞ്ഞു നിര്‍ത്തിയ സാന്ദ്ര

    ‘ഹെംപ് സീഡുകൾ വളരെ പോഷക ഗുണമുള്ളവയാണ്. പ്രോട്ടീൻ അളവ് വളരെ കൂടുതലാണ്. അതുപോലെ ഒമേഗ 2, ഒമേഗ 3, ഫാറ്റി ആസിഡ്സ് എന്നിവയും അടങ്ങിയിട്ടുണ്ട്. മുടിയുടെ വളർച്ചയ്ക്കും ത്വക്കിനും വളരെ ഗുണപ്രദമായവയാണ്. 2021 നവംബർ 15ന് ഭക്ഷ്യ സുരക്ഷാ അതോറിറ്റി ഇതിന് അനുമതി നൽകിയിരുന്നു. അവർ പറഞ്ഞ മാനദണ്ഡങ്ങൾ എല്ലാം പാലിച്ചു കൊണ്ടാണ് ഈ കട നടത്തുന്നത്’- കട ഉടമ പറഞ്ഞു.

    Also Read- കരിമീൻ പൊള്ളിച്ചതിന് 550 രൂപ; വറുത്ത തിലോപ്പിയക്ക് 300 രൂപ; ചേർത്തലയിലെ ഹോട്ടലിനെതിരെ നടപടിക്ക് ശുപാർശ

    ഇന്നലെ രാവിലെയാണ് ജ്യൂസ് സ്റ്റാളുകളിൽ എൻഫോഴ്‌സ്‌മെന്റ് നാർക്കോട്ടിക് സ്‌ക്വാഡ് പരിശോധന നടത്തിയത്. ഈ പരിശോധനയിൽ കഞ്ചാവിന്റെ കുരു ഓയിൽ രൂപത്തിലാക്കി മിൽക്ക് ഷെയ്ക്കിൽ കലക്കി കൊടുക്കുന്നതിനെതിരെ കേസെടുത്തെന്നാണ് എക്സൈസ് ഇന്നലെ രാത്രി പുറത്തിറക്കിയ വാർത്താ കുറിപ്പിൽ അറിയിച്ചത്.

    Also Read- 'ഓപ്പറേഷന്‍ ജാസൂസ്'; കൈക്കൂലി വാങ്ങാൻ Google Pay; ഒരു ഉദ്യോഗസ്ഥനിൽ നിന്ന് 9 ATM കാർഡുകൾ

    കടയിൽനിന്നു ഹെംപ് സീഡ് ഓയിലും കഞ്ചാവിന്റെ കുരുവും ചേർത്ത 200 മില്ലി ദ്രാവകവും പിടികൂടി. സ്ഥാപനത്തിനെതിരെ ലഹരിമരുന്ന് നിയമ പ്രകാരമാണ് കേസ് എടുത്തത്. സീഡ് ഓയിൽ രാസപരിശോധനക്കായി റീജണൽ കെമിക്കൽ ലാബിൽ പരിശോധനക്കയച്ചു. പരിശോധനഫലം ലഭിക്കുന്ന മുറക്ക് തുടർനടപടികൾ സ്വീകരിക്കുമെന്നും അസിസ്റ്റൻ‌ഖെ എക്‌സൈസ് കമ്മീഷണർ എൻ സുഗുണൻ അറിയിച്ചത്.
    Published by:Rajesh V
    First published: