• HOME
  • »
  • NEWS
  • »
  • kerala
  • »
  • കാമുകനൊപ്പം ചേർന്ന് പേരക്കുട്ടിയെ ബക്കറ്റിലെ വെള്ളത്തിൽ മുക്കിക്കൊന്ന കേസിലെ പ്രതി കുഴഞ്ഞുവീണു മരിച്ചു

കാമുകനൊപ്പം ചേർന്ന് പേരക്കുട്ടിയെ ബക്കറ്റിലെ വെള്ളത്തിൽ മുക്കിക്കൊന്ന കേസിലെ പ്രതി കുഴഞ്ഞുവീണു മരിച്ചു

കേസിൽ അറസ്റ്റിലായി റിമാൻഡിൽ കഴിയുകയായിരുന്ന സിപ്സി ജാമ്യത്തിൽ ഇറങ്ങിയിരുന്നു. കേസിലെ മറ്റൊരു പ്രതിയായ ജോൺ ബിനോയി ഡിക്രൂസിനൊപ്പം പള്ളിമുക്കിലെ ലോഡ്ജിലെത്തിയ സിപ്സി 22നു രാത്രി കുഴഞ്ഞു വീഴുകയായിരുന്നു.

  • Last Updated :
  • Share this:
    കൊച്ചി: പിഞ്ചുകു‍ഞ്ഞിനെ ഹോട്ടൽ മുറിയിലെ ബക്കറ്റിലെ വെള്ളത്തിൽ മുക്കിക്കൊലപ്പെടുത്തിയ കേസിൽ പ്രതിയായ അമ്മൂമ്മ പള്ളിമുക്കിലെ ലോഡ്ജിൽ കുഴഞ്ഞുവീണു മരിച്ചു. അങ്കമാലി പാറക്കടവ് കോടുശേരി പി എം സിപ്സിയാണ് (50) മരിച്ചത്. മരണത്തിൽ അസ്വാഭാവികതയില്ലെന്ന് സെൻട്രൽ പൊലീസ് പറഞ്ഞു.

    കേസിൽ അറസ്റ്റിലായി റിമാൻഡിൽ കഴിയുകയായിരുന്ന സിപ്സി ജാമ്യത്തിൽ ഇറങ്ങിയിരുന്നു. കേസിലെ മറ്റൊരു പ്രതിയായ ജോൺ ബിനോയി ഡിക്രൂസിനൊപ്പം പള്ളിമുക്കിലെ ലോഡ്ജിലെത്തിയ സിപ്സി 22നു രാത്രി കുഴഞ്ഞു വീഴുകയായിരുന്നു. തുടർന്ന് ആംബുലൻസിൽ അടുത്തുള്ള ആശുപത്രിയിൽ എത്തിച്ചെങ്കിലും മരിച്ചു. പോസ്റ്റ്മോർട്ടത്തിൽ ഹൃദയാഘാതമാണ് മരണകാരണമെന്നാണു കണ്ടെത്തിയത്. തുടർന്നു നടപടികൾ പൂർത്തിയാക്കി ഇന്നലെ രാവിലെ മൃതദേഹം ബന്ധുക്കൾക്കു വിട്ടു നൽകി.

    കലൂരിലെ ലോഡ്ജ് മുറിയിൽ കഴിഞ്ഞ മാർച്ച് എട്ടിനാണു സിപ്സിയുടെ മകന്റെ മകളെ ലോഡ്ജ് മുറിയിൽ ബക്കറ്റിലെ വെള്ളത്തിൽ മുക്കി കൊലപ്പെടുത്തിയ നിലയിൽ കണ്ടെത്തിയത്. സിപ്സിക്ക് ഒപ്പമുണ്ടായിരുന്ന കാമുകൻ ജോൺ ബിനോയി ഡിക്രൂസാണ് കൊലപാതകം നടത്തിയതെന്നു പൊലീസ് അന്വേഷണത്തിൽ കണ്ടെത്തി. സിപ്സിയെ തിരുവനന്തപുരത്തുനിന്നു പിന്നീട് അറസ്റ്റ് ചെയ്തു.

    സ്കൂൾ വിദ്യാർത്ഥിനിയെ കടപ്പുറത്തെ കൂടത്തിൽ കൊണ്ടുപോയി കൂട്ടബലാത്സംഗം ചെയ്തു; 4 പേര്‍ അറസ്റ്റില്‍

    സ്കൂൾ വിദ്യാർത്ഥിനിയെ സംഘം ചേർന്ന് കടപ്പുറത്തെ കൂടത്തിൽ കൊണ്ടുപോയി കൂട്ടബലാത്സംഗം ചെയ്ത കേസിലെ നാല് പ്രതികളെ വർക്കല ഡിവൈഎസ്പി പി നിയാസിന്റെ നേതൃത്വത്തിലുള്ള അഞ്ചുതെങ്ങ് പോലീസ് അന്വേഷണ സംഘം അറസ്റ്റ് ചെയ്തു .

    വെട്ടൂർ സ്വദേശി മുശിട് എന്ന് വിളിക്കുന്ന കബീർ (57), അഞ്ചുതെങ്ങു സ്വദേശികളായ സമീർ (33), നവാബ് (25),
    ഷൈല എന്ന് വിളിക്കുന്ന സൈനുൽലാബീദീൻ ( 59) എന്നിവരാണ് അറസ്റ്റിലായത്. 2020 - 2021 കോവിഡ് കാലഘട്ടത്തിലും തുടർന്നും സ്കൂൾ വിദ്യാർത്ഥിനിയെ നിരവധി തവണ വീടിനടുത്തുള്ള ആളൊഴിഞ്ഞ കെട്ടിടത്തിന്റെ മുകളിലും കടപ്പുറത്തെ കൂടത്തിലും കൊണ്ടുപോയി സംഘം ചേർന്ന് ശാരീരികമായി പീഡിപ്പിക്കുകയായിരുന്നു.

    ഈ വര്‍ഷവും കുട്ടിയെ ശാരീരികമായി നിരവധി തവണ പീഡിപ്പിച്ചതായാണ് പരാതി. 11 വയസ്സ് മുതൽ 13 വയസ്സ് വരെയുള്ള കാലയളവിൽ പെണ്‍കുട്ടി ശാരീരികമായി പീഡിപ്പിക്കപ്പെട്ടു എന്നുള്ള ചൈൽഡ് വെൽഫെയർ കമ്മിറ്റിയുടെ പരാതിയിലാണ് വർക്കല ഡിവൈഎസ്പി കേസ് നേരിട്ട് അന്വേഷിച്ചത്.

    ഒന്നാം പ്രതിയായ കബീറാണ് പെണ്‍കുട്ടിയുടെ വീടിന് സമീപമുള്ള കൂടത്തിൽ വച്ചു കുട്ടിയെ പീഡിപ്പിച്ചത്. സംഭവത്തിന് ശേഷം വിവരം പുറത്തറിഞ്ഞാൽ കൊല്ലുമെന്ന് ഭീഷണിപ്പെടുത്തുകയും ചെയ്തിരുന്നു . തുടർന്ന് സമീർ, നവാബ്, എന്നിവർ ചേർന്ന് കുട്ടിയെ പീഡിപ്പിക്കുകയും ചെയ്തതായി പെണ്‍കുട്ടി മൊഴി നൽകിയിട്ടുണ്ട്. സൈനുൽലാബീദീൻ ഈ വർഷം കുട്ടിയെ ഒന്നിലധികം തവണ ശാരീരികമായി ഉപയോഗിച്ചിട്ടുണ്ടെന്നും മൊഴിയുണ്ട്.

    പിന്നീട് സ്കൂളിൽ എത്തിയ കുട്ടിയുടെ സ്വഭാവത്തിലേയും പെരുമാറ്റത്തിലെയും വ്യത്യാസങ്ങൾ കണ്ട് വിവരങ്ങൾ ചോദിച്ചറിഞ്ഞ സ്കൂൾ അധികൃതർ ചൈൽഡ് വെൽഫെയർ കമ്മിറ്റിയെ വിവരമറിയിക്കുകയായിരുന്നു . തുടർന്ന് ചൈൽഡ് വെൽഫെയർ കമ്മിറ്റിയുടെ പരാതിയിന്മേൽ പോലീസ് കേസ് എടുത്തു . കൗൺസിലിംഗ് ലഭ്യമാക്കിയ ശേഷം വനിതാ പോലീസ് ഉദ്യോഗസ്ഥർ വിദ്യാർഥിനിയുടെ മൊഴി രേഖപ്പെടുത്തുകയായിരുന്നു. 2020 മുതൽ 2022 വരെയുള്ള കാലയളവിൽ കുട്ടി പീഡിപ്പിക്കപ്പെട്ടിരുന്നു എന്നാണ് പോലീസിന്റെ കണ്ടെത്തൽ.
    Published by:Rajesh V
    First published: