ആരോഗ്യപ്രവര്‍ത്തകര്‍ക്കെതിരായ സമൂഹമാധ്യമങ്ങളിലെ ആക്രമണങ്ങളും നിയമപരിധിയിൽ ഉൾപ്പെടുത്തണം; ഐ.എം.എ

തിരുവനന്തപുരം: ആരോഗ്യപ്രവർത്തകർക്കെതിരെയുണ്ടാകുന്ന സമൂഹമാധ്യമങ്ങളിലെ ആക്രമണങ്ങളും ആശുപത്രിക്ക് പുറത്തുള്ള ആക്രമണങ്ങളും പുതിയ നിയമപരിധിയില്‍ ഉള്‍പ്പെടുത്തണമെന്ന് ഐഎംഎ. സംരക്ഷണം നൽകാനുള്ള ഓർഡിനൻസിൽ മാറ്റം വരുത്തിയതിനെ ഐ.എം. എ സ്വാഗതം ചെയ്യുന്നു. ആശുപത്രികളെ സുരക്ഷിത മേഖലകളായി  പ്രഖ്യാപിക്കാനുള്ള നടപടികൾ വേഗത്തിലാക്കണം.

ഡോക്ടര്‍മാരെ അക്രമിക്കുന്നവര്‍ക്ക് ഏഴുവർഷം വരെ ശിക്ഷ; ഓർഡിനൻസിന് അംഗീകാരം

ഡോ. വന്ദന ദാസിന്റെ മരണത്തിൽ കലാശിച്ച സംഭവത്തിൽ പൊലീസ് നിഷ്ക്രിയത്വത്തെക്കുറിച്ച് അന്വേഷിച്ച് തുടര്‍ നടപടികള്‍ സ്വീകരിക്കണമെന്ന് സംസ്ഥാന പ്രസിഡൻറ് ഡോ. സുൽഫി നൂഹു, സെക്രട്ടറി ഡോ. ജോസഫ് ബെനവൻ എന്നിവർ വാർത്തസമ്മേളനത്തിൽ ആവശ്യപ്പെട്ടു.