യാത്രയ്ക്കിടെ തൊപ്പി പറന്നു; ബ്രേക്ക് ചെയ്ത ബൈക്ക് നിയന്ത്രണം തെറ്റി യുവാവ് മരിച്ചു

യാത്രയ്ക്കിടെ തൊപ്പി പറന്നു പോയതിനെത്തുടർന്ന് ബ്രേക്ക് ചെയ്ത ബൈക്ക് നിയന്ത്രണം തെറ്റി മറിഞ്ഞ് യുവാവ് മരിച്ചു. രണ്ടു പേർക്ക് സാരമായി പരുക്കേറ്റു.നാവായിക്കുളം പലവക്കോട് മരുതിക്കുന്ന് എഫ്.എസ്.മൻസിലിൽ ഫസിലുദ്ദീൻ,സുലൈഖാബീവി ദമ്പതികളുടെ മകൻ മുഹമ്മദ്ഫൈസി(19)ആണ് മരിച്ചത്.

തട്ടുപാലം ആസിഫ് മൻസിലിൽ ആസിഫ്(16),നാവായിക്കുളം ഈഞ്ചവിളയിൽ ഉമറുൽ ഫാറൂഖ്(15)എന്നിവർക്കാണു പരുക്ക്. മൂന്ന് പേരാണ് ബൈക്കിലുണ്ടായിരുന്നത്.
You may also like:കോവിഡിനിടെ കൊള്ള; ഇന്ധന വില വർധനവിൽ കണ്ണടച്ച് സർക്കാർ [NEWS]UAPA CASE| 'ജീവനക്കാരെ ഭീഷണിപ്പെടുത്തുന്നു'; അലനും താഹയ്ക്കുമെതിരെ ജയിൽ വകുപ്പ് [NEWS] COVID 19| ഡല്‍ഹിയിലെ കേരള ഹൗസ് ജീവനക്കാരന് രോഗം സ്ഥിരീകരിച്ചു [NEWS]
ബൈക്ക് ഓടിച്ചിരുന്ന മുഹമ്മദ്ഫൈസിയുടെ തൊപ്പി കാറ്റിൽ പറന്നു പോയത് പിടിക്കാനായി പെട്ടെന്ന് ബ്രേക്കിടുകയായിരുന്നു. നിയന്ത്രണം വിട്ട് അടുത്തുള്ള വീടിന്റെ മതിലിൽ ഇടിച്ച ശേഷം ബൈക്ക് താഴ്ചയിലുള്ള പുരയിടത്തിലേക്ക് തെറിച്ചു വീഴുകയായിരുന്നു. മുഹമ്മദ് ഫൈസിക്ക് തലക്കാണ് ഗുരുതരമായി പരുക്കേറ്റത്.