കുളിക്കാനിറങ്ങിയ വിദ്യാര്‍ഥിയെ കാണാതായി; വിവരം അറിഞ്ഞെത്തിയ അയല്‍വാസി കുഴഞ്ഞുവീണു മരിച്ചു

പത്തനംതിട്ട: വലിയതോട്ടില്‍ കുളിക്കാനിറങ്ങിയ വിദ്യാര്‍ഥിയെ ഒഴുക്കില്‍പെട്ടു കാണാതായി. ഈ വിവരം അറിഞ്ഞ് അയല്‍വാസിയായ വ്യാപാരി കുഴഞ്ഞുവീണ് മരിച്ചു. അങ്ങാടി ചെട്ടിമുക്ക് മുള്ളംകുഴി തടത്തില്‍ ചാക്കോ ജോണിന്റെ മകന്‍ ജോണ്‍ ചാക്കോയെയാണ് (മോനിഷ്-19) കാണാതായത്. എരുമേലി ഷേര്‍മൗണ്ട് കോളജില്‍ ഡിഗ്രി വിദ്യാര്‍ഥിയായിരുന്നു. ഇട്ടിയപ്പാറ പരീത് സ്റ്റോഴ്‌സ് ഉടമ ചെട്ടിമുക്ക് കരിങ്കുറ്റി വടക്കേതില്‍ എം.എം. പരീത് റാവുത്തര്‍ (കുഞ്ഞുമോന്‍, 68) ആണ് മോനിഷ് ഒഴുക്കില്‍പെട്ട പുള്ളോലി പാലത്തിനു സമീപം നില്‍ക്കുമ്പോള്‍ കുഴഞ്ഞുവീണ് മരിച്ചത്.

നിര്‍മാണത്തിലിക്കുന്ന പുള്ളോലി പാലത്തിനു സമീപം ഇന്നലെ വൈകിട്ട് നാലു മണിയോടെ രണ്ടു സുഹൃത്തുക്കള്‍ക്കൊപ്പമാണ് മോനിഷ് കുളിക്കാനെത്തിയത്. വെള്ളത്തിലേക്ക് ചാടിയപ്പോള്‍ കാണാതാകുകയായിരുന്നു. നീന്തല്‍ വശമുണ്ടെങ്കിലും സമീപത്തെ തടയണയിലോ പൊളിച്ച പാലത്തിന്റെ അവശിഷ്ടങ്ങളിലോ തല ഇടിച്ചതാകാമെന്ന് കരുതുന്നു.

Also Read ബാർജ് ദുരന്തം: മുന്നറിയിപ്പ് ലഭിച്ചിട്ടും മടങ്ങിയില്ല, ദുരന്തം ക്യാപ്റ്റന് സംഭവിച്ച വീഴ്ചയെന്ന് രക്ഷപ്പെട്ട പാലക്കാട് സ്വദേശി

ഇവിടെ നല്ല ഒഴുക്കുള്ള ഭാഗമാണ്. അഗ്‌നി രക്ഷാസേനയും പൊലീസും നാട്ടുകാരും ചേര്‍ന്ന് വൈകിട്ട് ആറര വരെ തിരഞ്ഞിട്ടും കണ്ടെത്താനായില്ല.

തിരച്ചില്‍ നടക്കുന്നതിനിടെ അഞ്ചു മണിയോടെയാണ് പരീത് റാവുത്തല്‍ കുഴഞ്ഞുവീണത്. സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു. കബറടക്കം ഇന്ന് 10ന് പേട്ട മുസ്ലിം ജുമാ മസ്ജിദില്‍. ഭാര്യ: കാഞ്ഞിരപ്പള്ളി മടുക്കോലിപറമ്പില്‍ റംലാ ബീവി. മക്കള്‍: നിഷാന, ആഷ്‌ന, സുബിന്‍. മരുമക്കള്‍: ഹാഷിം, മുഹമ്മദ്, ഷൈമ.

Also Read താന്‍ കെപിസിസി അധ്യക്ഷനാവും എന്ന വാര്‍ത്ത തെറ്റെന്ന് ഉമ്മന്‍ ചാണ്ടി

ഗുസ്തി താരത്തിന്റെ കൊലപാതകം; സുശീല്‍ കുമാറിനെ പൊലീസ് കസ്റ്റഡിയില്‍ വിട്ടു