• HOME
  • »
  • NEWS
  • »
  • kerala
  • »
  • ഇടുക്കി അഞ്ചുരുളി ജലാശയത്തിൽ കുളിക്കാനിറങ്ങിയ വിദ്യാർഥിയെ കാണാതായി

ഇടുക്കി അഞ്ചുരുളി ജലാശയത്തിൽ കുളിക്കാനിറങ്ങിയ വിദ്യാർഥിയെ കാണാതായി

പാറയിടുക്കും വെളിച്ചക്കുറവും തിരച്ചിലിനു തടസമായി.

പ്രതീകാത്മക ചിത്രം

പ്രതീകാത്മക ചിത്രം

  • Share this:
    അഞ്ചുരുളി ജലാശയത്തില്‍ കുളിക്കാനിറങ്ങിയ സ്കൂൾ വിദ്യാര്‍ഥിയെ കാണാതായി. കാല്‍വരിമൗണ്ട് ഒന്‍പതാംമൈല്‍
    കണ്ടത്തില്‍ ടോമിയുടെ മകന്‍ അലനെ (15)യാണ് കാണാതായത്. വെള്ളയാംകുടി സെന്റ് ജെറോംസ് സ്‌കൂളിലെ 10ാം ക്ലാസ് വിദ്യാര്‍ഥിയാണ്. ഉച്ചയോടെയാണ് അലന്‍ സുഹൃത്തിനൊപ്പം അഞ്ചുരുളി ജലാശയത്തില്‍ കുളിക്കാനിറങ്ങിയത്. മന്നാക്കുടിയ്ക്ക് സമീപം അധികമാരും എത്താത്ത ഇടത്തായിരുന്നു ഇവര്‍ കുളിച്ചുകൊണ്ടിരുന്നത്. ഇതിനിടെ അലന്‍ ആഴത്തിലേക്ക് താണു പോവുകയായിരുന്നു.

    Also Read- കാട്ടാക്കട കൊലപാതകം: വിവരം അറിഞ്ഞ പൊലീസ് പട്രോളിംഗ് സംഘം എതിർദിശയിലേക്ക് വാഹനം ഓടിച്ചുപോയി

    ഒപ്പമുണ്ടായിരുന്ന സുഹൃത്ത് വിവരം അറിയിച്ചതിനെ തുടര്‍ന്ന് നാട്ടുകാര്‍ പൊലീസിലും ഫയര്‍ ആന്‍ഡ് റെസ്‌ക്യൂ സംഘത്തിലും വിവരം അറിയിക്കുകയായിരുന്നു. സ്ഥലത്തെത്തിയ ഫയര്‍ ആന്‍ഡ് റെസ്‌ക്യൂ സംഘത്തിന്റെ നേതൃത്വത്തില്‍ മൂന്നു മണിക്കൂറോളം തിരച്ചില്‍ നടത്തിയെങ്കിലും ഫലമുണ്ടായില്ല. പാറയിടുക്കും വെളിച്ചക്കുറവും തിരച്ചിലിനു തടസമായി. തൊടുപുഴയില്‍ നിന്നുള്ള സ്‌കൂബ ടീം വൈകിട്ടോടെ കട്ടപ്പനയിലെത്തിയിട്ടുണ്ട്. ഞായറാഴ്ച രാവിലെ ഏഴിന് സംഘം ജലാശയത്തില്‍ തിരച്ചില്‍ തുടങ്ങും.
    First published: