കോൽക്കളി വേദിയിൽ തെന്നിവീണ് വിദ്യാർ‌ഥിക്ക് പരിക്ക്; പ്രതിഷേധത്തേത്തുടർന്ന് ഹൈസ്കൂള്‍ വിഭാഗം മത്സരം നിർത്തിവെച്ചു

കോഴിക്കോട്: കലോത്സവ വേദിയിൽ പ്രതിഷേധം. കോൽക്കളി നടന്ന വേദിയിലാണ് പ്രതിഷേധമുണ്ടായത്. പ്രതിഷേധം കാരണം ഹൈസ്കൂൾ വിഭാഗം മത്സരം നിർത്തിവെച്ചു. വേദിയിൽ‌ തെന്നിവീണ് വിദ്യാർഥിക്ക് പരിക്കേറ്റിരുന്നു. ഇതിന് പിന്നാലെയാണ് പ്രതിഷേധം ഉണ്ടായത്.

വേദിയിലെ കാർപ്പറ്റ് മാറ്റണമെന്നാവശ്യപ്പെട്ടാണ് വിദ്യാർഥികളുടെ പ്രതിഷേധം. കാർപ്പറ്റിൽ തെന്നിവീണാണ് കോൽക്കളി മത്സരാർഥിക്ക് പരിക്കേറ്റത്. വിദ്യാർഥികളുടെ പ്രതിഷേധം ശാന്തമാക്കാൻ പൊലീസ് ഇടപെടൽ നടത്തുന്നുണ്ട്.