Sabarimala Verdict Live: ഹർജികൾ വിശാല ബെഞ്ചിലേക്ക്; 'യുവതീപ്രവേശനം' തുടരുമോ എന്ന കാര്യത്തിൽ അവ്യക്തത

വിശാല ബ‍ഞ്ച് വിധി പറയുന്നത് വരെ ശബരിമലയിൽ സ്ത്രീകളെ പ്രവേശിപ്പിക്കാൻ സർ‌ക്കാർ തയ്യാറാകില്ലെന്നാണ് പ്രതീക്ഷയെന്ന് പന്തളം കൊട്ടാരം പ്രതിനിധി. 

ആരാധനാലയങ്ങളിൽ സ്ത്രീകൾക്ക് പ്രവേശനം നൽകണമെന്ന നിലപാടാണ് സിപിഎമ്മിനുള്ളതെന്ന് മുതിർന്ന നേതാവ് പ്രകാശ് കാരാട്ട്. ജീവിതത്തിലെ എല്ലാ തലങ്ങളിലും സ്ത്രീകൾക്ക് തുല്യ അവകാശമുണ്ട്. പക്ഷെ നിലവിൽ വിഷയം വിശാല ബഞ്ചിന് വിട്ട സാഹചര്യത്തിൽ വിധി വരുന്നത് വരെ കാത്തിരിക്കെമെന്നും കാരാട്ട്. 

വിശ്വാസത്തിന്റെയും വിശ്വാസികളുടെയും വിജയം.. വിധിയിൽ തൃപ്തരെന്ന് എന്‍എസ്എസ്.. ശബരിമലക്കേസിലെ മുഖ്യ പരാതിക്കാരിൽ ഒന്ന് എന്‍എസ്എസ് ആയിരുന്നു. 

ശബരിമല വിഷയം വിശാല ബ‍ഞ്ചിലേക്ക് വിട്ട നടപടി സ്വാഗതം ചെയ്യുന്നതായി ശശി തരൂർ MP. 

യുഡിഎഫ് എപ്പോഴും  വിശ്വാസികൾക്കൊപ്പമായിരുന്നു,. ആ നിലപാട് ശരിവയ്ക്കുന്ന തരത്തിലുള്ള വിധിയാണ് വന്നിരിക്കുന്നതെന്നും കോണ്‍ഗ്രസ് നേതാവ് ഉമ്മൻ ചാണ്ടി

പുനഃപരിശോധന വിധി വരുന്നത് വരെ ശബരിമലയിലെ സ്ഥിതി പഴയപോലെ തുടരണമെന്ന് ബിജെപി നേതാവ് കുമ്മനം രാജശേഖരന്‍.. വീണ്ടും യുവതികളെ പ്രവേശിപ്പിച്ച് പ്രശ്നങ്ങളുണ്ടാക്കാനാണ് സർക്കാർ ശ്രമിക്കുന്നതെങ്കിൽ പ്രത്യാഘാതം നേരിടേണ്ടി വരുമെന്നും കുമ്മനം.

വിശാല ഭരണഘടനാ ബ‍ഞ്ചും സ്ത്രീകൾക്ക് അനുകൂല നിലപാട് സ്വീകരിക്കുമെന്ന് പ്രത്യാശിക്കുന്നതായി ആക്ടിവിസ്റ്റ് തൃപ്തി ദേശായി