• HOME
  • »
  • NEWS
  • »
  • kerala
  • »
  • Suspension | 'മുട്ടുകാല്‍ തല്ലിയൊടിക്കും, ഇറങ്ങിപ്പോടാ'; രോഗിയുടെ ബന്ധുവിനോട് അപമര്യാദയായി പെരുമാറിയ ഡോക്ടര്‍ക്ക് സസ്പെന്‍ഷന്‍

Suspension | 'മുട്ടുകാല്‍ തല്ലിയൊടിക്കും, ഇറങ്ങിപ്പോടാ'; രോഗിയുടെ ബന്ധുവിനോട് അപമര്യാദയായി പെരുമാറിയ ഡോക്ടര്‍ക്ക് സസ്പെന്‍ഷന്‍

ഡോക്ടറും രോഗിയുടെ ബന്ധുക്കളും തമ്മിലുള്ള തര്‍ക്കം സാമൂഹികമാധ്യമങ്ങളിലൂടെ പുറത്തുവന്നിരുന്നു.

  • Share this:
    തിരുവനന്തപുരം: തിരുവനന്തപുരം മെഡിക്കല്‍ കോളേജില്‍ രോഗിയുടെ ബന്ധുവിനോട് അപമര്യാദയായി പെരുമാറിയ ഡോക്ടര്‍ക്ക് സസ്‌പെന്‍ഷന്‍. ഡോ. അനന്തകൃഷ്ണനെതിരെയാണ് നടപടി. മെഡിക്കല്‍ കോളേജ് അത്യാഹിതവിഭാഗത്തില്‍ ഡോക്ടറും രോഗിയുടെ ബന്ധുക്കളും തമ്മിലുള്ള തര്‍ക്കം സാമൂഹികമാധ്യമങ്ങളിലൂടെ പുറത്തുവന്നിരുന്നു.

    കഴിഞ്ഞ ദിവസം രോഗിയുടെ എക്‌സ്റേ എടുക്കാന്‍ ഡോക്ടര്‍ എഴുതിയ കുറിപ്പടിയില്‍ ലാബ് ടെക്നീഷ്യന്‍ സംശയമുന്നയിച്ചു. തെറ്റാണെന്നും മാറ്റിയെഴുതണമെന്നും ആവശ്യപ്പെട്ടതിനെ തുടര്‍ന്ന് ഡോക്ടറെ സമീപിക്കുകയായിരുന്നു. എന്നാല്‍ തന്നെ പഠിപ്പിക്കേണ്ടെന്നും പറഞ്ഞതുപോലെ എക്‌സ്‌റേ എടുത്താല്‍ മതിയെന്നുമായിരുന്നു ഡോക്ടറുടെ പ്രതികരണം.

    തുടര്‍ന്ന് രോഗിയുടെ ബന്ധുവും ഡോക്ടറും തമ്മില്‍ വാക്കേറ്റം ഉണ്ടായത്. 'മുട്ടുകാല് ഞാന്‍ തല്ലിയൊടിക്കും, ഇറങ്ങിപ്പോടാ...' എന്ന് ആക്രോശിച്ചായിരുന്നു പെരുമാറ്റം.


    അതേസമയം വിഷയത്തില്‍ ആരോഗ്യവകുപ്പിന് വിശദീകരണം നല്‍കാന്‍ വൈകി എന്ന കാരണമാണ് ഡെപ്യൂട്ടി സൂപ്രണ്ട് എസ്എസ് സന്തോഷ് കുമാറിനെ സ്ഥാനത്ത് നിന്ന് മാറ്റാനിടയാക്കിയത്. കോവിഡ് വ്യാപന ഘട്ടത്തില്‍ സര്‍ക്കാര്‍ പ്രതിരോധത്തിലായ സാഹചര്യത്തിലെല്ലാം സര്‍ക്കാരിന് വേണ്ടി വാദിച്ച ആരോഗ്യപ്രവര്‍ത്തകനാണ് ഡോക്ടര്‍ എസ്എസ് സന്തോഷ് കുമാര്‍. കോവിഡ് വ്യാപനം രൂക്ഷമായപ്പോള്‍ കാസര്‍കോട് ആരോഗ്യ സംവിധാനം ഒരുക്കാനും, കോവിഡ് പ്രതിരോധത്തിനായി മഹാരാഷ്ട്രയിലേയ്ക്കുള്ള കേരള ടീമിനെ നയിച്ച ആളുമാണ് ഡോക്ടര്‍ എസ്.എസ് സന്തോഷ് കുമാര്‍.

    Also Read-Health Department | ഷൈലജ ടീച്ചറുടെ ടീമിലംഗമായിരുന്ന ഡോക്ടർ എസ്.എസ് സന്തോഷ് കുമാറിന്റെയും സ്ഥാനം തെറിച്ചു

    ഇദ്ദേഹത്തെയാണ് കൃത്യവിലോപം ആരോപിച്ച് ഡെപ്യുട്ടി സൂപ്രണ്ട് സ്ഥാനത്ത് നിന്ന് മാറ്റിയത്. പിജി ഡോക്ടര്‍മാരുടെ സമരത്തെ സന്തോഷ് കുമാര്‍ പിന്തുണച്ചിരുന്നു. ഇതും സ്ഥാനമാറ്റത്തിന് കാരണമായെന്നാണ് സൂചന. കെകെ ശൈലജ ആരോഗ്യമന്ത്രിയായിരുന്നപ്പോള്‍ ടീമിലെ അംഗമായിരുന്നു ഡോക്ടര്‍ എസ്എസ് സന്തോഷ് കുമാര്‍. ആര്‍എം ഒ മോഹന്‍ റോയിക്കാണ് പകരം കാഷ്വാലിറ്റി ചുമതല നല്‍കിയത്.
    Published by:Jayesh Krishnan
    First published: