Breaking: പാലാരിവട്ടം പാലം അഴിമതി: മുൻ മന്ത്രി വി കെ ഇബ്രാഹിംകുഞ്ഞിനെതിരെ ടി ഒ സൂരജ്

കൊച്ചി: പാലാരിവട്ടം പാലം അഴിമതിയിൽ മുൻ പൊതുമരാമത്ത് മന്ത്രി ഇബ്രാഹിംകുഞ്ഞിനെതിരെ ഒന്നാം പ്രതി ടി ഒ സൂരജ്. മന്ത്രിയുടെ നിര്‍ദേശാനുസരണമാണ് നിർമാണം പൂര്‍ത്തിയാകുന്നതിന് മുന്‍പ് കരാറുകാരന് പണം നല്‍കിയതെന്നും ഹൈക്കോടതിയിൽ നൽകിയ ജാമ്യ ഹർജിയിൽ സൂരജ് പറയുന്നു. പലിശ ഈടാക്കാതെ തുക നല്‍കാനാണ് മന്ത്രി നിര്‍ദേശിച്ചതെന്നും ഹർജിയിൽ പറയുന്നു. ഏഴുശതമാനം പലിശ ഈടാക്കാൻ ഉത്തരവിട്ടത് താനാണെന്നും സൂരജ് പറയുന്നു. ടി ഒ സൂരജിന്റെ ഹര്‍ജി നാളെ പരിഗണിക്കും.