• HOME
  • »
  • NEWS
  • »
  • kerala
  • »
  • Palakkad | കിണറുകളിൽ തീ പടരുന്ന പ്രതിഭാസം; പാലക്കാട് കൂറ്റനാട് മേഖലയിൽ വാതക സാന്നിദ്ധ്യമെന്ന് സംശയം

Palakkad | കിണറുകളിൽ തീ പടരുന്ന പ്രതിഭാസം; പാലക്കാട് കൂറ്റനാട് മേഖലയിൽ വാതക സാന്നിദ്ധ്യമെന്ന് സംശയം

കിണറിലേക്ക് കടലാസ് കത്തിച്ചിട്ടാൽ തീ പടരുന്ന സാഹചര്യമാണുള്ളതെന്ന് നാട്ടുകാർ പറയുന്നു. ഇതേത്തുടർന്ന് വിദഗ്ദ്ധർ സ്ഥലത്തെത്തി പരിശോധന നടത്തി

fire

fire

  • Share this:
    പാലക്കാട്: കിണറുകളിൽ തീ (Fire in Wells) പടരുന്ന അപൂർവ്വ പ്രതിഭാസം കണ്ടെത്തി. പാലക്കാട് (Palakkad) ജില്ലയിലെ കൂറ്റനാടും പരിസരപ്രദേശങ്ങളിലുമാണ് സംഭവം റിപ്പോർട്ട് ചെയ്തത്. പ്രദേശത്തെ ഭൂഗർഭമേഖലയിൽ വാതകസാന്നിദ്ധ്യമുണ്ടെന്നാണ് വിദഗ്ദ്ധർ സംശയിക്കുന്നത്. കിണറിലേക്ക് കടലാസ് കത്തിച്ചിട്ടാൽ തീ പടരുന്ന സാഹചര്യമാണുള്ളതെന്ന് നാട്ടുകാർ പറയുന്നു. ഇതേത്തുടർന്ന് വിദഗ്ദ്ധർ സ്ഥലത്തെത്തി പരിശോധന നടത്തി. വാതക സാന്നിദ്ധ്യമാണ് തീ പടരാൻ കാരണമെന്നാണ് പ്രാഥമിക വിലയിരുത്തൽ.

    കൂറ്റനാട്ടെയും പരിസരങ്ങളിലെയും കിണറില്‍ തീ കത്തുന്നതിന്റെ ദൃശ്യങ്ങള്‍ കഴിഞ്ഞ ദിവസം സമൂഹമാധ്യമങ്ങളിൽ വൈറലായിരുന്നു. കഴിഞ്ഞ കുറച്ച്‌ ദിവസമായി പ്രദേശത്തെ വീടുകളിലെ കിണറുകളില്‍ ഇതുതന്നെയാണ് അവസ്ഥ. ഇതോടെ കിണറിൽ തീ പടരുന്നതിന്‍റെ കാരണം അറിയാനായി വീട്ടുടമസ്ഥർ വെള്ളം പരിശോധനയ്ക്ക് അയച്ചിരുന്നു. വെള്ളത്തിൽ മിനറല്‍ ഓയിലിന്റെ സാന്നിധ്യമുണ്ടെന്നായിരുന്നു കണ്ടെത്തൽ.

    ഏഴുമാസമായി ഈ പ്രശ്നം നേരിടുന്നതായി നാട്ടുകാർ പറയുന്നു. ആദ്യം പ്രദേശത്തെ ഒരു വീട്ടിലാണ് ഇങ്ങനെ കണ്ടെത്തിയത്. രൂക്ഷ ഗന്ധവും രുചി വ്യത്യാസവുമുള്ള വെള്ളം അവർ ഉപയോഗിക്കാതെയായി. വൈകാതെ പ്രദേശത്തെ മറ്റ് വീടുകളിലും ഈ പ്രശ്നം അനുഭവപ്പെട്ടു തുടങ്ങി. സമീപത്തെ പെട്രോൾ പമ്പിലെ മണ്ണിനടിയിലെ ടാങ്കിൽ നിന്ന് ഇന്ധനം ചോർന്ന് കിണറിലെ വെള്ളവുമായി ചേരുന്നതാണെന്ന സംശയം നാട്ടുകാർ ഉന്നയിച്ചിട്ടുണ്ട്. ഇതേക്കുറിച്ച് വിശദമായ പഠനം നടന്നുവരികയാണ്. വിദഗ്ദ്ധർ സ്ഥലത്തെത്തി സാംപിൾ ശേഖരിച്ചിട്ടുണ്ട്. പഠന ഫലം പുറത്തുവരുമ്പോൾ പ്രശ്നത്തിന് പരിഹാരമുണ്ടാകുമെന്ന പ്രതീക്ഷയിലാണ് നാട്ടുകാർ.

    വിലക്കൂടുതൽ പ്രശ്നമല്ല; പത്ത് ഹൈഡ്രജൻ ബസുകൾ കേരളം വാങ്ങുന്നു; പൊതു ഗതാഗതത്തിന് രാജ്യത്താദ്യം

    തിരുവനന്തപുരം: സംസ്ഥാനത്ത് കോടികൾ ചെലവിട്ട് ഹൈഡ്രജൻ ബസുകൾ വാങ്ങുന്നു. മോട്ടോർ വാഹന വകുപ്പിന്‍റെ നേതൃത്വത്തിലാണ് ചെലവേറിയ പത്ത് ഹൈഡ്രജൻ ബസുകൾ വാങ്ങുന്നത്. കൊച്ചി മെട്രോയുടെ അനുബന്ധ സർവീസിന് ഉപയോഗിക്കാനാണ് ബസുകൾ വാങ്ങുന്നത്. ഒരു ബസിന് രണ്ടു മുതൽ മൂന്ന് കോടിയോളം രൂപ വില വരുമെന്നാണ് കണക്കാക്കുന്നത്. ബസ് വാങ്ങുന്നതിനുള്ള കരാർ നടപടികൾ ഉടനെ തുടങ്ങുമെന്ന് മനോരമ റിപ്പോർട്ട് ചെയ്യുന്നു. രാജ്യത്തെ മറ്റ് നഗരങ്ങളിൽ സ്വകാര്യ കമ്പനികൾ പരീക്ഷണാടിസ്ഥാനത്തിൽ ഹൈഡ്രജൻ ബസുകൾ വാങ്ങിയിട്ടുണ്ടെങ്കിലും പൊതുഗതാഗത മേഖലയിൽ ഒരു സംസ്ഥാനം ഹൈഡ്രജൻ ബസ് വാങ്ങുന്നത് ഇതാദ്യമായാണ്.

    Also Read- ബിവറേജസ് കോർപറേഷൻ 1608 കോടി രൂപ നഷ്ടത്തിൽ; ലാഭത്തിൽ മുന്നിൽ KSFE

    പരിസ്ഥിതി മലിനീകരണം ഉണ്ടാക്കുന്നില്ലെങ്കിലും ഹൈഡ്രജൻ ഇന്ധനത്തിന്‍റെ അമിതമായ ചെലവ് കാരണം ലോകത്ത് അപൂർവ്വമായാണ് ഹൈഡ്രജൻ ബസുകൾ ഓടിക്കുന്നത്. സംസ്ഥാനം കൂടുതൽ കടക്കെണിയിലേക്ക് പോകുമ്പോൾ 30 കോടിയോളം മുടക്കം ഹൈഡ്രജൻ ബസുകൾ വാങ്ങുന്നത് തെറ്റായ തീരുമാനം ആകുമെന്നാണ് ഈ രംഗത്തെ വിഗ്ദ്ദർ പറയുന്നത്. ഇന്ത്യയിൽ ടാറ്റയാണ് പരീക്ഷണാർത്ഥം ഹൈഡ്രജൻ ബസുകൾ പുറത്തിറക്കുന്നത്. ഹൈഡ്രജന് ചെലവേറിയതിനാൽ ഇത്തരം ബസുകൾ ലോകത്ത് ഒരിടത്തും പൊതുഗതാഗതത്തിന് ഉപയോഗിക്കാറില്ല.

    ഹൈഡ്രജൻ ഫ്യുവൽ സെലും കപ്പാസിറ്ററും ഉപയോഗിച്ച് ഓടിക്കുന്ന ഇത്തരം ബസുകൾ വെള്ളമാണ് മാലിന്യമായി പുറന്തള്ളുന്നത്. പരിസ്ഥിതി മലിനീകരണം ഉണ്ടാക്കാത്തതിനാൽ ഇത്തരം ബസുകൾ ഓടിക്കുന്നതിനായി വിദേശ രാജ്യങ്ങൾ കൂടുതലായി മുന്നോട്ട് വരുന്നുണ്ട്. ഒരു ബസിന് രണ്ട് കോടിയോളം രൂപ ചെലവ് വരും. കൂടാതെ നിലവിൽ ലഭ്യമാകുന്ന ഹൈഡ്രജൻ ഫ്യുവൽ സെല്ലും ചെലവേറിയതാണ്. എന്നാൽ വെള്ളത്തിൽനിന്നോ എൽഎൻജി ഇന്ധനത്തിൽനിന്നോ വ്യാവസായിക അടിസ്ഥാനത്തിൽ ഹൈഡ്രജൻ ഉൽപാദിപ്പിക്കാനായാൽ ചെലവ് കുറയ്ക്കാനാകുമെന്ന് വിദഗ്ദ്ധർ ചൂണ്ടിക്കാട്ടുന്നു.

    കേരളത്തിൽ ഹൈഡ്രജൻ ബസുകൾ ഓടിക്കുമെന്ന് 2020ൽ ദ ഹിന്ദു റിപ്പോർട്ട് ചെയ്തിരുന്നു. കൊച്ചി-തിരുവനന്തപുരം റൂട്ടിലാണ് സർവ്വീസെന്നും, പരീക്ഷണാടിസ്ഥാനത്തിൽ ഒക്ടോബറിൽ രണ്ടു ബസുകൾ ഓടിക്കുമെന്നും റിപ്പോർട്ടിൽ പറഞ്ഞിരുന്നു. കൊച്ചിൻ സ്മാർട്ട് മിഷൻ ലിമിറ്റഡിന്‍റെ നേതൃത്വത്തിലാണ് ഈ നീക്കം നടന്നത്. ഈ പദ്ധതിയ്ക്കായി ഹൈഡ്രജൻ ലഭ്യമാക്കാൻ അനർട്ടിനെ ചുമതലപ്പെടുത്തുമെന്നാണ് അന്ന് വ്യക്തമാക്കിയിരുന്നത്. രണ്ടു വർഷം മുമ്പ് ഒരു കിലോഗ്രാം ഹൈഡ്രജന് ഏകദേശം 150 രൂപ ചെലവ് കണക്കാക്കിയിരുന്നു. ഒരു ദിവസം അഞ്ഞൂറ് കിലോമീറ്റർ ഓടുന്ന ബസിന് അഞ്ച് കിലോഗ്രാം ഹൈഡ്രജനാണ് ആവശ്യമായി വരുന്നത്. ദിവസം രണ്ടായിരം രൂപയാണ് ഇതിൽ ചെലവ് പ്രതീക്ഷിച്ചിരുന്നത്. എന്നാൽ അത് നടപ്പിലായില്ല. അതിനിടെയാണ് മോട്ടോർ വാഹനവകുപ്പ് കൊച്ചി മെട്രോയുമായി സഹകരിച്ച് ഹൈഡ്രജൻ ബസുകൾ വാങ്ങാൻ ഒരുങ്ങുന്നത്.
    Published by:Anuraj GR
    First published: