• HOME
  • »
  • NEWS
  • »
  • kerala
  • »
  • PC George | വിവാദ 'വെണ്ണല പ്രസംഗം' കോടതി ഇന്ന് കേള്‍ക്കും; പിസി ജോര്‍ജിനെ പിടികൂടാനാകാതെ പൊലീസ്

PC George | വിവാദ 'വെണ്ണല പ്രസംഗം' കോടതി ഇന്ന് കേള്‍ക്കും; പിസി ജോര്‍ജിനെ പിടികൂടാനാകാതെ പൊലീസ്

മുന്‍കൂര്‍ ജാമ്യാപേക്ഷ കോടതി തള്ളിയതിനെത്തുടര്‍ന്നു ജോര്‍ജിനു വേണ്ടി പൊലീസ് തിരച്ചില്‍ ശക്തമാണ്.

  • Share this:
    തിരുവനന്തപുരം: പിസി ജോര്‍ജിന്റെ(PC George) വെണ്ണല വിദ്വേഷ പ്രസംഗം(Hate Speech) തിരുവനന്തപുരം മജിസ്‌ട്രേറ്റ് ഇന്ന് കേള്‍ക്കും. പി സി ജോര്‍ജിന്റെ ജാമ്യം റദ്ദാക്കണമെന്ന് ആവശ്യപ്പെട്ടുകൊണ്ടുള്ള സര്‍ക്കാരിന്റെ ഹര്‍ജി പരിഗണിക്കവെയാണ് കോടതിമുറിയില്‍ പ്രസംഗം പ്രദര്‍ശിപ്പിക്കാന്‍ സൗകര്യം ഒരുക്കാന്‍ കോടതി പൊലീസിന് നിര്‍ദേശം നല്‍കിയത്. പ്രസംഗം പരിശോധിച്ച ശേഷം 26നു കോടതി വിധി പറയും.

    പിസി ജോര്‍ജ് ഹൈക്കോടതിയില്‍ ജാമ്യാപേക്ഷ നല്‍കുമെന്നു മകന്‍ ഷോണ്‍ ജോര്‍ജ് അറിയിച്ചിരുന്നു. മുന്‍കൂര്‍ ജാമ്യാപേക്ഷ കോടതി തള്ളിയതിനെത്തുടര്‍ന്നു ജോര്‍ജിനു വേണ്ടി പൊലീസ് തിരച്ചില്‍ ശക്തമാണ്. പി സി ജോര്‍ജ് നടത്തിയ മതവിദ്വേഷ പ്രസംഗത്തിന്റെ ഡിവിഡി കോടതിക്ക് പ്രോസിക്യൂഷന്‍ കൈമാറിയിരുന്നു. ഈ പ്രസംഗം കാണാന്‍ തിങ്കളാഴ്ച ഉച്ചയ്ക്ക് 12 മണിക്ക് സൗകര്യം ഒരുക്കാനാണ് ജുഡീഷ്യല്‍ ഒന്നാം ക്ലാസ് മജിസ്ട്രേറ്റ്- രണ്ട് നിര്‍ദേശം നല്‍കിയത്.

    Also Read-VD Satheesan | പി സി ജോർജ് നടത്തിയ വിദ്വേഷ പ്രസംഗം സിപിഎമ്മിന് വേണ്ടി വിവാദ ദല്ലാൾ ആസൂത്രണം ചെയ്തത്; വി ഡി സതീശൻ

    രാഷ്ട്രീയ ലക്ഷ്യത്തോടെയാണ് സര്‍ക്കാര്‍ തനിക്കെതിരെ കേസെടുത്തിരിക്കുന്നത് എന്ന പി.സി.ജോര്‍ജിന്റെ വാദം തള്ളിയാണ് ജാമ്യപേക്ഷ കോടതി തള്ളിയത്. തിരുവനന്തപുരം കിഴക്കേക്കോട്ടയിലെ വിദ്വേഷ പ്രസംഗത്തിന് സമാനമായ നടപടി പിസി ജോര്‍ജ് വീണ്ടും ആവര്‍ത്തിച്ചത് ഗൂഡലക്ഷ്യങ്ങളോടെ മനപൂര്‍വമാണെന്നാണ് സര്‍ക്കാര്‍ നിലപാട് എടുത്തത്. സമാന കുറ്റം ആവര്‍ത്തിക്കരുതെന്ന് തിരുവനന്തപുരം കോടതി നിര്‍ദേശിച്ചിരുന്നില്ലേയെന്ന് എറണാകുളം സെഷന്‍സ് കോടതി വാദത്തിനിടെ ചോദിച്ചിരുന്നു.

    Also Read-Vismaya Case | 'കാറിന്റെ കാര്യം പറ, നിങ്ങളുടെ എച്ചിത്തരം മനസ്സിലായി'; വിസ്മയോട് വിലപേശി കിരണ്‍; സംഭാഷണം പുറത്ത്

    തിരുവനന്തപുരത്തെ കേസില്‍ അറസ്റ്റ് ചെയ്‌തെങ്കിലും കോടതി അദ്ദേഹത്തിന് ജാമ്യം അനുവദിച്ചിരുന്നു. ജാമ്യ വ്യവസ്ഥ ലംഘിച്ചുവെന്ന് ചൂണ്ടിക്കാട്ടി പോലീസ് നല്‍കിയ അപ്പീല്‍ നിലവില്‍ കോടതിയുടെ പരിഗണനയിലാണ്. പി സി ജോര്‍ജിനെ വെണ്ണലയില്‍ പ്രസംഗിക്കാന്‍ ക്ഷണിച്ചതിലെ ഗൂഢാലോചന അന്വേഷിക്കുമെന്ന് കൊച്ചി സിറ്റി പൊലീസ് കമ്മീഷണര്‍ സി എച്ച് നാഗരാജു കഴിഞ്ഞ ദിവസം പറഞ്ഞിരുന്നു. മുന്‍ പ്രസംഗം ആവര്‍ത്തിക്കാനുള്ള സാഹചര്യമുണ്ടെന്നത് മനസിലാക്കിയാണോ ക്ഷണമെന്ന് സംശയമുണ്ട്. സംഘാടകര്‍ക്കെതിരെ ആവശ്യമെങ്കില്‍ കേസെടുക്കുമെന്ന് അദ്ദേഹം അറിയിച്ചു.
    Published by:Jayesh Krishnan
    First published: