നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • പാരിസ് ഉടമ്പടിയുടെ അഞ്ചാം വാർഷിക ദിനത്തിൽ കൊച്ചി സന്ദർശിച്ച് മൂന്ന് അംബാസഡർമാർ

    പാരിസ് ഉടമ്പടിയുടെ അഞ്ചാം വാർഷിക ദിനത്തിൽ കൊച്ചി സന്ദർശിച്ച് മൂന്ന് അംബാസഡർമാർ

    കൊച്ചി വാട്ടർ മെട്രോ - കൊച്ചി മെട്രോ പദ്ധതികളുമായി ബന്ധപ്പെട്ട വികസന സംരംഭങ്ങളാണ് അംബാസഡർമാർ പ്രധാനമായും പരിശോധിച്ചത്.

    (image credit: kochi metro fb)

    (image credit: kochi metro fb)

    • Share this:
    കൊച്ചി: പാരിസ് ഉടമ്പടിയുടെ അഞ്ചാം വാർഷിക ദിനത്തിൽ മൂന്ന് അംബാസഡർമാർ കൊച്ചി കാണാനെത്തി. കാലാവസ്ഥാ നിയന്ത്രണ കരാറിൽ ഒപ്പിട്ട രാജ്യങ്ങളുടെ പ്രതിനിധി സംഘമാണ് കൊച്ചിയിൽ എത്തിയത്. 2015ൽ 195 രാജ്യങ്ങൾ അംഗീകരിച്ച് ഒപ്പിട്ടതാണു കാലാവസ്ഥാ വ്യതിയാനം സംബന്ധിച്ച പാരിസ് ഉടമ്പടി.

    അന്തരീക്ഷ മലിനീകരണം കുറയ്ക്കുന്നതിനു കാർബൺ നിർഗമനം ലഘൂകരിക്കുകയും ആഗോള താപനില രണ്ടു ഡിഗ്രി വർധിക്കുന്നതു തടയുകയുമാണ് പാരിസ് ഉടമ്പടിയുടെ ലക്ഷ്യം. ഇതിന് അനുകൂലമായ മുന്നേറ്റം നടത്തുന്ന നഗരമെന്ന വിലയിരുത്തലിലാണ് ജർമനി, ഫ്രാൻസ്, യൂറോപ്യൻ രാജ്യങ്ങൾ എന്നിവിടങ്ങളിലെ നയതന്ത്ര പ്രതിനിധികൾ , ഉടമ്പടിയുടെ അഞ്ചാം വാർഷിക ദിനത്തിൽ കൊച്ചി സന്ദർശിക്കാൻ തീരുമാനിച്ചത്.

    കൊച്ചി വാട്ടർ മെട്രോ - കൊച്ചി മെട്രോ പദ്ധതികളുമായി ബന്ധപ്പെട്ട വികസന സംരംഭങ്ങളാണ് അംബാസഡർമാർ പ്രധാനമായും പരിശോധിച്ചത്. കൊച്ചി മെട്രോയുമായി ബന്ധപ്പെട്ട് നിർമ്മിച്ച ഇടപ്പളളി ജംഗ്ഷൻ നവീകരണം ഇവർ നോക്കിക്കണ്ടു. ഫ്രഞ്ച് വികസന ഏജൻസി 5 കോടി രൂപയുടെ സാമ്പത്തിക സഹായത്തോടെയാണ് ഇടപ്പള്ളി ജംഗ്ഷർ വികസിപ്പിച്ചത്.

    കൊച്ചി കപ്പൽശാല സന്ദർശിച്ച പ്രതിനിധി സംഘം വാട്ടർ മെട്രോയുടെ ബോട്ടിന്റെ നിർമ്മാണത്തെക്കുറിച്ച് മനസ്സിലാക്കി. തുടർന്ന് സംഘം പവൻ ഡൂട്ട് ഇ-ബസ്സിൽ കയറി വൈറ്റില മെട്രോ സ്റ്റേഷനിൽ എത്തി. വൈറ്റില വാട്ടർ മെട്രോ സ്റ്റേഷനിലെ പ്രവർത്തന പുരോഗതി കെഎംആർഎൽ ടീം വിശദീകരിച്ചു. വൈറ്റില മെട്രോ സ്റ്റേഷനിലേക്കുള്ള യാത്രയിൽ സംഘം സൈക്കിൾ ചവിട്ടി മെട്രോ ട്രെയിനിൽ കയറി.

    കൊച്ചി മെട്രോ റെയിൽ പദ്ധതിയുടെ സമ്പൂർണ്ണ സംവിധാനം മനസിലാക്കാൻ സംഘം മുട്ടത്തെ ഒ.സി.സി കെട്ടിടം സന്ദർശിച്ചു. കൊച്ചി നഗരത്തിലെ സുസ്ഥിരത, പ്രസരണം തടയൽ, പ്രതിരോധം എന്നിവയ്ക്കായി വിവിധ സംരംഭങ്ങളെക്കുറിച്ചും ഭാവി പദ്ധതികളെക്കുറിച്ചും പ്രതിനിധി സംഘം കെ‌എം‌ആർ‌എൽ ടീമുമായി ചർച്ച നടത്തി.



    വാട്ടർ മെട്രോ പദ്ധതിയിൽ കെ‌എം‌ആർ‌എൽ കൈവരിച്ച പുരോഗതിയിൽ ജർമ്മൻ അംബാസഡർ വാൾട്ടർ ജെ. ലിൻഡ്നർ സന്തോഷം പ്രകടിപ്പിച്ചു. "കോവിഡിനും മൺസൂണിനുമിടയിൽ പോലും കെ‌എം‌ആർ‌എൽ വളരെയധികം പുരോഗതി കൈവരിച്ചു. ഉദ്ഘാടനത്തിനായി രണ്ട് മാസത്തിനുള്ളിൽ തിരിച്ചുവരാൻ എനിക്ക് കാത്തിരിക്കാനാവില്ല. കെ‌എം‌ആർ‌എൽ ഒരു മികച്ച പങ്കാളിയാണ്. ഫലങ്ങൾക്ക് സാക്ഷ്യം വഹിക്കുന്നതിൽ ഞങ്ങൾക്ക് സന്തോഷമുണ്ട്' - അദ്ദേഹം പറഞ്ഞു.
    Published by:Gowthamy GG
    First published:
    )}