തൃശുരില്‍ ഡോഗ് ഷോയ്ക്കിടെ മരം കടപുഴകിവീണ് മൂന്ന് പേര്‍ക്ക് പരിക്ക്; ഒരാളുടെ നില ഗുരുതരം

തൃശൂർ: ഡോഗ് ഷോയ്ക്കിടെ മരം കടം പുഴകിവീണ് മൂന്ന് പേർക്ക് പരിക്കേറ്റു. മണ്ണുത്തി വെറ്ററിനറി കോളേജ് ഗ്രൗണ്ടില്‍ നടന്ന ഡോഗ് ഷോയ്ക്കിടെയാണ് കൂറ്റൻ വാകമരം കടപുഴകിവീണത്. അപകടത്തിൽ ഒരു കാർ തകർന്നു. ഈ കാറിലുണ്ടായിരുന്ന രണ്ടു നായകളെ രക്ഷപ്പെടുത്തി.

മറ്റു സംസ്ഥാനങ്ങളിൽ നിന്നടക്കം നിരവധി ആളുകള്‍ നായകളുമായി പ്രദർശനത്തിൽ പങ്കെടുക്കാനെത്തിയിരുന്നു. തൃശ്ശൂര്‍ കെന്നല്‍ ക്ലബ്ബിന്റെ നേതൃത്വത്തിലാണ് ഡോഗ് ഷോ നടന്നത്. കടപുഴകി വീഴുന്ന ശബ്ദം കേട്ട് മരത്തിന് കീഴിലുണ്ടായിരുന്ന പലരും ഓടിരക്ഷപ്പെടുകയായിരുന്നു.

Also Read-പുഴയിൽ മീൻ പിടിക്കുന്നതിനിടെ അച്ഛനും പ്ലസ് വൺ വിദ്യാർഥിനിയായ മകളും മുങ്ങി മരിച്ചു

മരത്തിന്റെ വേരുകളടക്കം തകര്‍ന്ന് കടഭാഗത്തിന് പൂര്‍ണമായും കേട് സംഭവിച്ചിട്ടുണ്ട്. പരിക്കേറ്റവരിൽ ഒരാളുടെ നില ഗുരുതരമാണ്. ഞായറാഴ്ച ഉച്ചയ്ക്ക് 12.15 ഓടെയാണ് അപകടം സംഭവിച്ചത്.