Death | കളിക്കുന്നതിനിടെ കുപ്പിയുടെ അടപ്പ് തൊണ്ടയില്‍ കുടുങ്ങി മൂന്നു വയസ്സുകാരി മരിച്ചു

കോഴിക്കോട്: കുപ്പിയുടെ അടപ്പ് തൊണ്ടയില്‍ കുടുങ്ങി മൂന്നുവയസ്സുകാരിയ്ക്ക് ദാരുണാന്ത്യം(Death). മുക്കം നഗരസഭയിലെ മുത്താലം കിടങ്ങില്‍ വീട്ടില്‍ ബിജു-ആര്യ ദമ്പതികളുടെ മകള്‍ വേദികയാണ് മരിച്ചത്. കളിക്കുന്നതിനിടെ കുപ്പിയുടെ അടപ്പ് തൊണ്ടയില്‍ കുടുങ്ങുകയായിരുന്നു.

ഞായറാഴ്ച വൈകുന്നേരമായിരുന്നു സംഭവം. ഉടന്‍ തന്നെ കുട്ടിയെ മുക്കത്തെ സ്വകാര്യ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. പിന്നീട് ഇവിടെ നിന്ന് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല. രാത്രി 11 മണിയോടെ മരണം സംഭവിക്കുകയായിരുന്നു.

Also Read-Lightning | കാറ്റിൽ മരം വീണ് സ്ത്രീ മരിച്ചു; ഇടിമിന്നലിൽ വീട് തകർന്നു; ഇടുക്കിയിൽ കനത്ത മഴ

Cracker Accident | ഈസ്റ്റർ കുർബാനയ്ക്കിടെ കൈയിലിരുന്ന പടക്കം പൊട്ടി; യുവാവിന് ഗുരുതര പരിക്ക്

കൊല്ലം: ഈസ്റ്റർ പാതിരാകുർബാന ചടങ്ങുകൾക്കിടെ കൈയിലിരുന്ന പടക്കം പൊട്ടി യുവാവിന് ഗുരുതര പരിക്ക്. പെരിങ്ങാലം ഷാനു ഭവനിൽ റോബർട്ട്(21) എന്നയാൾക്കാണ് പരിക്കേറ്റത്. അപകടത്തിൽ ഇയാളുടെ കൈപ്പത്തി പൂർണമായും തകർന്നു. തലയ്ക്കും ഗുരുതരമായി പരിക്കേറ്റു. റോബർട്ടിനെ കൊല്ലത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.

ശനിയാഴ്ച കൊല്ലം മൺറോതുരുത്ത് പെരിങ്ങാലം സ്വർഗാരോഹിതമാതാ പള്ളിയിൽ പാതിരാ കുർബാന ചടങ്ങൾക്കിടെ രാത്രി പതിനൊന്നരയോടെയാണ് സംഭവം ഉണ്ടായത്. ഉയിർത്തെഴുന്നേൽപ്പിന്‍റെ പ്രതീകാത്മകദൃശ്യം അവതരിപ്പിക്കുന്നതിനിടെയാണ് റോബർട്ടിന്‍റെ കൈയിലിരുന്ന പടക്കം പൊട്ടിയത്. അപകടത്തിൽ ഒരു കൈപ്പത്തി പൂർണമായും തകർന്നും. റോബർട്ടിന്‍റെ തലയ്ക്കും ഗുരുതരമായി പരിക്കേറ്റിട്ടുണ്ട്. ഇയാളെ ഉടൻ തന്നെ കൊല്ലം പാലത്തറയിലുള്ള സഹകരണ ആശുപത്രിയിൽ പ്രവേശിപ്പിക്കുകയായിരുന്നു.