• HOME
  • »
  • NEWS
  • »
  • kerala
  • »
  • TP PEETHAMBARAN MASTER REACTS ON PALA SEAT CONTROVERSY AS TV

പാലാ സീറ്റ് നഷ്ടപ്പെട്ടതിൽ പ്രതിഷേധവും സങ്കടവും ഉണ്ടെന്ന് NCP നേതാവ് ടി.പി പീതാംബരന്‍

സീറ്റ് നഷ്ടപ്പെട്ടതിൽ പ്രതിഷേധവും സങ്കടവും ഉണ്ടെന്നും ജോസ് കെ മാണിയെ വേദിയിൽ ഇരുത്തി പീതാംബരൻ മാസ്റ്റര്‍

ജോസ് കെ മാണി, ടി.പി.പീതാംബരൻ മാസ്റ്റർ

ജോസ് കെ മാണി, ടി.പി.പീതാംബരൻ മാസ്റ്റർ

  • Share this:
    കൊച്ചി:  ഇടത് മുന്നണിയുടെ  തെക്കന്‍ മേഖലാ ജാഥ ഉദ്ഘാടന സമ്മേളന ചടങ്ങിൽ പാല സീറ്റ് തർക്കം ഉന്നയിച്ച് എന്‍സിപി സംസ്ഥാന പ്രസിഡന്റ് ടി പി പീതാംബരൻ മാസ്റ്റർ. സീറ്റ് നഷ്ടപ്പെട്ടതിൽ പ്രതിഷേധവും സങ്കടവും ഉണ്ടെന്നും ജോസ് കെ മാണിയെ വേദിയിൽ ഇരുത്തി പീതാംബരൻ മാസ്റ്റര്‍ പറഞ്ഞു. പ്രസംഗത്തിനു തൊട്ടുപിന്നാലെ ജോസ് കെ മാണി വേദി വിട്ട് ഇറങ്ങുകയും ചെയ്തു.

    Also Read- 'മോഹിച്ചത് പാലായെ മാത്രം'; പാലാക്കാർക്ക് മാണി സി കാപ്പന്റെ വികാര നിർഭരമായ കുറിപ്പ്

    മറൈൻ ഡ്രൈവിൽ നടന്ന തെക്കൻമേഖലാ ജാഥയുടെ ഉദ്ഘാടന വേദിയിലായിരുന്നു ‌ടി പി പീതാംബരൻ മാസ്റ്റര്‍ പ്രതിഷേധവും സങ്കടവും പ്രകടിപ്പിച്ചത്.  മാണി സി.കാപ്പൻ പോയതിൽ സങ്കടമുണ്ടെങ്കിലും എൽഡിഎഫിൽ ഉറച്ചുനിൽക്കുമെന്നും അദ്ദേഹം വ്യക്തമാക്കി. ജോസ് കെ മാണി അടക്കമുള്ളവർ വേദിയിലിരിക്കെയാണ് പീതാംബരൻ മാസ്റ്റര്‍ പ്രതിഷേധം അറിയിച്ചത്. പ്രസംഗം അവസാനിപ്പിച്ച ഉടൻ ജോസ് കെ മാണി വേദി വിട്ടത് ശ്രദ്ധേയമായി.

    Also Read- പാലായിലെ പാലം വലിയും രാഷ്ട്രീയ വഞ്ചനയും; രാഷ്ട്രീയ നേതാക്കൾ മുന്നണിയുടെ വോട്ടർമാരോട് ചെയ്യുന്നത്

    ജാഥയുടെ ഉദ്ഘാടനം സിപിഐ ജനറൽ സെക്രട്ടറി ഡി രാജ നിർവ്വഹിച്ചു. ശബരിമല യുഡിഎഫ് ചർച്ചാവിഷയമാക്കുന്നത് തെരഞ്ഞെടുപ്പ് മുന്നിൽ കണ്ടാണെന്ന് ഡി രാജ പറഞ്ഞു.
    മോദി സർക്കാർ രാജ്യത്തിന് വെല്ലുവിളിയാണെന്നും  ഏകാധിപത്യത്തിൽ വിശ്വസിക്കുന്നയാളാണെന്നും അദ്ദേഹം വിമർശിച്ചു. കർഷകരോട് സംസാരിക്കാൻ പ്രധാനമന്ത്രിക്ക് സമയമില്ലെന്നും അദ്ദേഹം കുറ്റപ്പെടുത്തി.

    Also Read- 'കാപ്പന്റേത് ശുദ്ധ പോക്രിത്തരം; മന്ത്രിസ്ഥാനം കിട്ടാത്തതിന്റെ ചൊരുക്ക്': എം.എം മണി

    കാനം രാജേന്ദ്രൻ ,  എം വി ഗോവിന്ദൻ അടക്കമുള്ളവർ യോഗത്തിൽ പങ്കെടുത്തു. തിങ്കളാഴ്ച ഞാറക്കൽ പറവൂർ മുപ്പത്തടം ആലുവ എന്നിവിടങ്ങളിലെ പര്യടനത്തിന് ശേഷം അങ്കമാലിയിൽ ജാഥ സമാപിക്കും. ഓരോ  നിയോജകമണ്ഡലത്തിലെയും   ഒരു കേന്ദ്രത്തിലാണ് യാത്രയ്ക്ക് സ്വീകരണം നൽകുക
    Published by:Asha Sulfiker
    First published:
    )}