• HOME
  • »
  • NEWS
  • »
  • kerala
  • »
  • മുത്തലാഖ് ക്രിമിനല്‍ കുറ്റം; രാജ്യസഭയും ബില്‍ പാസാക്കി

മുത്തലാഖ് ക്രിമിനല്‍ കുറ്റം; രാജ്യസഭയും ബില്‍ പാസാക്കി

2017-ല്‍ മുത്തലാഖ് ഭരണഘടനാ വിരുദ്ധമാക്കിയുള്ള സുപ്രീംകോടതി വിധിയുടെ ചുവടുപിടിച്ചാണ് സര്‍ക്കാര്‍ മുത്തലാഖ് നിരോധന ബില്‍ കൊണ്ടുവന്നത്.

പ്രതീകാത്മക ചിത്രം

പ്രതീകാത്മക ചിത്രം

  • Last Updated :
  • Share this:
    ന്യൂഡല്‍ഹി: ഒറ്റയടിക്ക് മൂന്നു തലാഖ് ചൊല്ലി വിവാഹബന്ധം വേര്‍പെടുത്തുന്നത് ക്രിമിനല്‍ കുറ്റമാക്കിയുള്ള മുത്തലാഖ് നിരോധന ബില്‍ രാജ്യസഭ പാസാക്കി. 84 നെതിരെ 99 വോട്ടുകള്‍ക്കാണ് ബില്‍ പാസാക്കിയത്. നേരത്തെ 78നെതിരെ 302 വോട്ടുകള്‍ക്ക് ബില്‍ ലോക്സഭ പാസാക്കിയിരുന്നു. 2017-ല്‍ മുത്തലാഖ് ഭരണഘടനാ വിരുദ്ധമാക്കിയുള്ള സുപ്രീംകോടതി വിധിയുടെ ചുവടുപിടിച്ചാണ് സര്‍ക്കാര്‍ മുത്തലാഖ് നിരോധന ബില്‍ പാർലമെന്റിൽ അവതരിപ്പിച്ചത്.

    മുത്തലാഖ് ചൊല്ലി വിവാഹബന്ധം വേര്‍പെടുത്തുന്ന പുരുഷന് മൂന്നുവര്‍ഷം വരെ ജയില്‍ശിക്ഷ വ്യവസ്ഥ ചെയ്യുന്നതാണ് ബില്‍. പാര്‍ലമെന്റ് പാസാക്കിയ ബില്ലില്‍ രാഷ്ട്രപതി ഒപ്പുവയ്ക്കുന്നതോടെ നിയമം പ്രബല്യത്തില്‍ വരും.

    ബി.ജെ.ഡി അംഗങ്ങള്‍ ബില്ലിനെ പിന്തുണച്ചപ്പോള്‍ ജെ.ഡി.യു, എ.ഐ.എഡി.എം.കെ അംഗങ്ങള്‍ വോട്ടെടുപ്പില്‍ പങ്കെടുക്കാതെ ഇറങ്ങിപ്പോയി. 242 അംഗ രാജ്യസഭയില്‍ 107 അംഗങ്ങളാണ് എന്‍.ഡി.എയ്ക്കുള്ളത്. എസ്.പി, ബി.എസ്.പി. ടി.ആര്‍.എസ്, വൈ.എസ്.ആര്‍ കോണ്‍ഗ്രസ് അംഗങ്ങള്‍ വോട്ടെടുപ്പില്‍ പങ്കെടുക്കാത്തതും രാജ്യസഭയിലും ബില്‍ പാസാക്കിയെടുക്കാന്‍ സര്‍ക്കാരിന് സഹായകമായി.

    Also Read മുത്തലാഖ് നിരോധിച്ച ഇന്ത്യയുടെ വഴിയെ പാകിസ്ഥാനും; സ്ത്രീകൾക്ക് 'വിവാഹമോചനം' അവകാശമാക്കുന്നു

    2017ല്‍ സുപ്രീം കോടതി ഉത്തരവിനുശേഷം മാത്രം 574 കേസുകളാണു രജിസ്റ്റര്‍ ചെയ്തതെന്ന് നിയമമന്ത്രി രവിശങ്കര്‍ പ്രസാദ് പറഞ്ഞു. അതേസമയം ബില്ലില്‍ മുസ്ലീം വിഭാഗത്തിൽപ്പെട്ട സ്ത്രീകളെക്കുറിച്ചു മാത്രമാണു പറയുന്നതെന്ന് പ്രതിപക്ഷവും ആരോപിച്ചു.

    First published: