• HOME
  • »
  • NEWS
  • »
  • kerala
  • »
  • Accident Death | പിക്കപ്പ് വാനിന്റെ പഞ്ചറായ ടയര്‍ മാറ്റിക്കൊണ്ടിരിക്കെ ലോറിയിടിച്ച് രണ്ടു പേര്‍ മരിച്ചു

Accident Death | പിക്കപ്പ് വാനിന്റെ പഞ്ചറായ ടയര്‍ മാറ്റിക്കൊണ്ടിരിക്കെ ലോറിയിടിച്ച് രണ്ടു പേര്‍ മരിച്ചു

റോഡരികിലേക്ക് വണ്ടി ഒതുക്കി ടയര്‍ മാറ്റുന്നതിനിടെ ഇതുവഴി സൈക്കിളില്‍ വന്ന വാസുദേവന്‍ ബിജുവിനെ സഹായിക്കാന്‍ കൂടുകയായിരുന്നു

  • Share this:
    ആലപ്പുഴ: പിക്കപ്പ് വാനിന്റെ പഞ്ചറായ ടയര്‍ മാറ്റിക്കൊണ്ടിരിക്കെ ലോറിയിടിച്ച് രണ്ടുപേര്‍ക്ക് ദാരുണാന്ത്യം(Death). പിക്കപ്പ് വാനിന്റെ ഡ്രൈവര്‍ എറണാകുളം സ്വദേശി ബിജു, ടയര്‍ മാറ്റാന്‍ സഹായിക്കാനെത്തിയ വാസുദേവന്‍(58) എന്നിവരാണ് മരിച്ചത്. ദേശീയപാതയില്‍ ആലപ്പുഴ പൊന്നാംവെളിയില്‍ രാവിലെ ആറു മണിയോടെയാണ് അപകടം നടന്നത്.

    കുപ്പിവെള്ളം ലോഡുമായി എറണാകുളം ഭാഗത്തേക്ക് പോകുകയായിരുന്നു ബിജു. ഇതിനിടെ ടയര്‍ പഞ്ചറാവുകയായിരുന്നു. റോഡരികിലേക്ക് വണ്ടി ഒതുക്കി ടയര്‍ മാറ്റുന്നതിനിടെ ഇതുവഴി സൈക്കിളില്‍ വന്ന വാസുദേവന്‍ ബിജുവിനെ സഹായിക്കാന്‍ കൂടുകയായിരുന്നു.

    ഇരുവരും ചേര്‍ന്ന് ടയര്‍ മാറ്റുന്നതിനിടെയാണ് എതിര്‍ദിശയില്‍ വന്ന ലോറി ഇവരുടെ ദേഹത്തേക്ക് പാഞ്ഞുകയറിയത്. സംഭവസ്ഥലത്ത് വെച്ചുതന്നെ ഇരുവരും മരിച്ചു. ഇവരുടെ മൃതദേഹം ചേര്‍ത്തല താലൂക്ക് ആശുപത്രി മോര്‍ച്ചറിയിലേക്ക് മാറ്റി.

    Also Read-Child saved | അന്നനാളത്തില്‍ സേഫ്റ്റി പിന്‍; ഡോക്ടര്‍മാരുടെ കരുതലില്‍ എട്ടുമാസം പ്രായമായ കുഞ്ഞിന് പുതുജീവന്‍

    വെളിച്ചക്കുറവ് മൂലം വാഹനം നിര്‍ത്തിയിട്ടത് കണ്ടില്ലെന്നാണ് ലോറി ഡ്രൈവര്‍ പൊലീസിന് നല്‍കിയ മൊഴി. ഇയാളെ കസ്റ്റഡിയിലെടുത്തിട്ടുണ്ട്.

    Death | പ്രസവശേഷം അബോധാവസ്ഥയിലായി; ഇരട്ടക്കുട്ടികളെ ഒരുനോക്ക് കാണാതെ കൃഷ്ണപ്രിയ യാത്രയായി

    കോട്ടയം: ജന്മം നല്‍കിയ ഇരട്ടകുട്ടികളെ ഒരു നോക്ക് കാണുവാന്‍ സാധിക്കാതെ കൃഷ്ണപ്രിയ യാത്രയായി. തമ്പലക്കാട് പാറയില്‍ ഷാജി-അനിത ദമ്പതികളുടെ മകള്‍ കൃഷ്ണപ്രിയ(24) ആലുവയിലെ സ്വകാര്യ ആശുപത്രിയില്‍ ചികിത്സയില്‍ കഴിയവെ ശനിയാഴ്ചയാണ് മരിച്ചത്. കൃഷ്ണപ്രിയയുടെ ചികില്‍സയ്ക്കായി നാട്ടില്‍ സഹായധനം സ്വരൂപിക്കുന്നതിനിടെയാണ് മരണം

    ജനുവരി 29ന് മുവാറ്റുപ്പുഴയിലെ സ്വകാര്യ ആശുപത്രിയില്‍ ഇരട്ടക്കുട്ടികള്‍ക്ക് ജന്മം നല്‍കിയ കൃഷ്ണപ്രിയ അബോധാവസ്ഥയിലായി. തുടര്‍ന്ന് ആലുവയിലെ സ്വകാര്യ ആശുപത്രിയിലേക്ക് ചികിത്സയ്ക്കായി മാറ്റിയിരുന്നു. പ്രസവശേഷം ശ്വാസംമുട്ടല്‍ അനുഭവപ്പെട്ട് കൃഷ്ണപ്രിയ അബോധാവസ്ഥയിലായി.

    അണുബാധയെതുടര്‍ന്ന് രക്തസമ്മര്‍ദം കുറഞ്ഞ് സെപ്റ്റിക് ഷോക്ക് ഉണ്ടായതായും വിവിധ അവയവങ്ങളുടെ പ്രവര്‍ത്തനങ്ങളുടെ പ്രവര്‍ത്തനങ്ങളെ ബാധിച്ചതായും ഡോക്ടര്‍മാര്‍ പറയുന്നു. കൃഷ്ണപ്രിയയുടെ ഭര്‍ത്താവ് മൂവാറ്റുപുഴ സ്വദേശി പ്രവീണ്‍ ഡ്രൈവിംഗ് ജോലികള്‍ ചെയ്താണ് കുടുംബം കഴിഞ്ഞുവന്നത്.

    Also Read-Malampuzha Rescue| ബാബുവിനെ കാണാൻ ലെഫ്. കേണൽ ഹേമന്ദ് രാജും സംഘവും ഒരിക്കൽക്കൂടി എത്തും

    ക്രഷറില്‍ ജോലി ചെയ്തുവന്ന പിതാവ് ഷാജിയ്ക്ക് ശ്വാസം മുട്ടല്‍ രൂക്ഷമായതിനെ തുടര്‍ന്ന് ജോലി ചെയ്യാത്ത അവസ്ഥയിലാണ്. അമ്മ അനിത പശുവിനെ വളര്‍ത്തിയാണ് കുടുംബം കഴിയുന്നത്. സഹോദരന്‍ അനന്ദു പ്ലസ്ടുവിന് ശേഷം പഠനം തുടരാന്‍ കഴിയാതെ നില്‍ക്കുന്നു.

    കൃഷ്ണപ്രിയയുടെ ചികില്‍സയ്ക്കായി സാമ്പത്തിക ബുദ്ധിമുട്ടുകള്‍ നേരിട്ടപ്പോള്‍ നാട്ടുകാര്‍ സഹായഹസ്തം നീട്ടിയത്. ഇതിനായി ദം സ്വരൂപിക്കുന്നതിനിടയാണ് മരണം സംഭവിച്ചത്. കൃഷ്ണപ്രിയയയുടെ സംസ്‌കാരം ഇന്ന് തമ്പലക്കാട്ടെ വീട്ടുവളപ്പില്‍ നടക്കും.
    Published by:Jayesh Krishnan
    First published: