Uthra Murder | പാമ്പിനെയെടുത്ത് ഉത്രയുടെ കൈത്തണ്ടയിൽ നേരിട്ട് കൊത്തിച്ചു; പാമ്പിന്‍റെ ഡിഎൻഎ പരിശോധന ഫലം സൂരജിനെതിരെ

മൂർഖന്‍ പാമ്പിനെയെടുത്ത് ഉത്രയുടെ കൈത്തണ്ടയിൽ നേരിട്ട് കൊത്തിച്ചുവെന്നാണ് അന്വേഷണ സംഘത്തിന്‍റെ റിപ്പോർട്ട്. ഇത് ശരിവയ്ക്കുന്ന തരത്തിലുള്ളതാണ് പാമ്പിന്‍റെ ഡിഎൻഎ പരിശോധന ഫലവും.

News18 Malayalam | news18-malayalam
Updated: July 26, 2020, 8:14 AM IST
Uthra Murder | പാമ്പിനെയെടുത്ത് ഉത്രയുടെ കൈത്തണ്ടയിൽ നേരിട്ട് കൊത്തിച്ചു; പാമ്പിന്‍റെ ഡിഎൻഎ പരിശോധന ഫലം സൂരജിനെതിരെ
സൂരജ്
  • Share this:
കൊല്ലം: ഉത്ര കൊലപാതക കേസിൽ ഭർത്താവായ സൂരജിനെതിരെ കൂടുതൽ ശാസ്ത്രീയ തെളിവുകൾ. യുവതിയെ കൊലപ്പെടുത്താൻ ഉപയോഗിച്ച പാമ്പിന്‍റെ ഡിഎൻഎ പരിശോധനഫലമാണ് സൂരജിനെതിരെ പുതിയ തെളിവായിരിക്കുന്നത്. മൂർഖന്‍ പാമ്പിനെയെടുത്ത് ഉത്രയുടെ കൈത്തണ്ടയിൽ നേരിട്ട് കൊത്തിച്ചുവെന്നാണ് അന്വേഷണ സംഘത്തിന്‍റെ റിപ്പോർട്ട്. ഇത് ശരിവയ്ക്കുന്ന തരത്തിലുള്ളതാണ് പാമ്പിന്‍റെ ഡിഎൻഎ പരിശോധന ഫലവും. കൊത്തിയപ്പോഴുണ്ടായ മുറിവുകളിലല്ലാതെ ഉത്രയുടെ ശരീരത്തിലോ വസ്ത്രങ്ങളിലോ പാമ്പിന്‍റെ ഡിഎൻഎ സാന്നിധ്യമില്ലെന്നാണ് തിരുവനന്തപുരം രാജീവ് ഗാന്ധി ബയോടെക്നോളജിയിൽ നടത്തിയ പരിശോധനയിൽ കണ്ടെത്തിയിരിക്കുന്നത്.

ഉത്ര ധരിച്ചിരുന്ന വസ്ത്രങ്ങളും കിടക്കവിരിയും ഉൾപ്പെടെ പരിശോധനയ്ക്ക് വിധേയമാക്കിയിരുന്നു. യുവതിയുടെ മുറിവിലെ ഡിഎൻഎ സാമ്പിളുകളും പാമ്പിന്‍റെ ഡിഎൻഎയും ഒന്നാണെന്ന് നേരത്തെ തന്നെ കണ്ടെത്തിയിരുന്നു. ഡിഎൻഎയുടെ അന്തിമഫലം കഴിഞ്ഞദിവസമാണ് പൊലീസിന് ലഭിച്ചത്.

TRENDING:പാർക്കിംഗ് തർക്കം; വയോധികയെ മാനസികമായി പീഡിപ്പിച്ചെന്ന പരാതിയിൽ എബിവിപി ദേശീയ പ്രസിഡന്‍റിനെതിരെ കേസ്‌‌‌‌[NEWS]ബക്രീദിന് പശുക്കളെ ബലി നൽകുന്നത് ഒഴിവാക്കണം; തെലങ്കാന ആഭ്യന്തര മന്ത്രി മഹമ്മൂദ് അലി[PHOTOS]#CourageInKargil | കാർഗിൽ യുദ്ധ വിജയത്തിന് ഇന്ന് 21 വയസ്; വിജയ സ്മരണയിൽ രാജ്യം[NEWS]
ഇക്കഴിഞ്ഞ മെയ് ആറിനായിരുന്നു അഞ്ചൽ സ്വദേശിയായ ഉത്ര എന്ന യുവതിയുടെ മരണം. പാമ്പു കടിയേറ്റ് ചികിത്സ കഴിഞ്ഞ് വീട്ടിലെത്തിയ യുവതി വീണ്ടും പാമ്പു കടിയേറ്റ് മരിച്ചു എന്നായിരുന്നു ആദ്യ വാർത്തകൾ. പാമ്പു കടിയേറ്റുള്ള മരണമായി ആദ്യം കണക്കാക്കപ്പെട്ടെങ്കിലും പിന്നീടുയര്‍ന്ന സംശയം കേരളം ഇതുവരെ കേട്ടിട്ടില്ലാത്ത ഒരു കൊലപാതക രീതിയുടെ ചുരുൾ അഴിക്കുകയായിരുന്നു.

ഉത്രയുടെ ഭര്‍ത്താവായ സൂരജ് മൂർഖൻ പാമ്പിനെക്കൊണ്ട് വന്ന് യുവതിയെ കടിപ്പിച്ചു കൊലപ്പെടുത്തിയെന്നാണ് കേസ്. ആദ്യ തവണ അണലിയുടെ കടിയേറ്റതിലും ഇയാളുടെ പങ്ക് സംശയിക്കുന്നുണ്ട്. ആദ്യ ശ്രമം പരാജയപ്പെട്ടതോടെയാണ് രണ്ടാമത് കിടപ്പു മുറിയിൽ പാമ്പിനെയെത്തിച്ചത്. ഭാര്യയെ പഴച്ചാറിൽ ഉറക്കഗുളികകൾ നൽകി മയക്കിയ ശേഷം പ്ലാസ്റ്റിക് ടിന്നിൽ കരുതിയ മൂർഖൻ പാമ്പിനെക്കൊണ്ട് കൊത്തിക്കുകയായിരുന്നു. ഇടതു കൈത്തണ്ടയിൽ രണ്ട് തവണയാണ് പാമ്പ് കൊത്തിയത്.


കൊത്തിച്ച ശേഷം പാമ്പിനെ വീണ്ടും ടിന്നിലാക്കാനുള്ള ശ്രമം പാളിയതോടെ അതിനെ മുറിയുടെ മൂലയിലേക്ക് വലിച്ചെറിഞ്ഞു. പിന്നീട് തല്ലിക്കൊന്ന് കുഴിച്ചിടുകയായിരുന്നു.
Published by: Asha Sulfiker
First published: July 26, 2020, 8:14 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading