'വിരട്ടലും വേട്ടയാടലുമൊന്നും ബിജെപി നേതാക്കളോട് വിലപ്പോവില്ല എന്നോർത്താൽ നല്ലത്': വി.മുരളീധരൻ

കുമ്മനം രാജശേഖരനെ പോലെ ആദർശ ശുദ്ധിയുള്ള ഒരു നേതാവിനെ അപകീർത്തിപ്പെടുത്താനുള്ള സർക്കാർ നീക്കം ജനങ്ങൾ പുച്ഛിച്ചുതള്ളുമെന്ന് മുരളീധരൻ

News18 Malayalam
Updated: October 22, 2020, 9:52 PM IST
'വിരട്ടലും വേട്ടയാടലുമൊന്നും ബിജെപി നേതാക്കളോട് വിലപ്പോവില്ല എന്നോർത്താൽ നല്ലത്': വി.മുരളീധരൻ
വി. മുരളീധരൻ, പിണറായി വിജയൻ
  • Share this:
സാമ്പത്തിക തട്ടിപ്പിൽ ബിജെപി നേതാവ് കുമ്മനം രാജശേഖരനെതിരെ ആറന്മുള പൊലീസ് കേസ് എടുത്ത സംഭവത്തിൽ പ്രതികരണവുമായി കേന്ദ്രമന്ത്രി വി.മുരളീധരൻ. കുമ്മനം രാജശേഖരനെ പോലെ ആദർശ ശുദ്ധിയുള്ള ഒരു നേതാവിനെ അപകീർത്തിപ്പെടുത്താനുള്ള സർക്കാർ നീക്കം ജനങ്ങൾ പുച്ഛിച്ചുതള്ളുമെന്ന് മുരളീധരൻ പറഞ്ഞു.

മടിയിൽ കനമില്ലാത്തവരെന്ന് സ്വയം വിശേഷിപ്പിച്ചവർ ഇപ്പോൾ പൊതുജനമധ്യേ നാണം കെട്ട് നിൽക്കുന്നു. ഇത്തരം സന്ദർഭങ്ങളിൽ ശ്രദ്ധ തിരിച്ചു വിടാൻ പല തന്ത്രങ്ങളും സിപിഎം ഇറക്കുന്നത് പതിവു പരിപാടിയാണ്. ഇത്തവണ പയറ്റുന്ന പുതിയ തന്ത്രം ബിജെപി നേതാക്കളെ കള്ളക്കേസിൽ കുടുക്കുകയെന്നതാണ്. എന്നാൽ ആ പരിപ്പ് ഇനി വേവില്ലെന്നും മുരളീധരൻ ഫേസ്ബുക്ക് പോസ്റ്റിൽ പറഞ്ഞു.

Also Read 'സാമ്പത്തിക തട്ടിപ്പ് കേസുമായി യാതൊരു ബന്ധവുമില്ല; നടക്കുന്നത് രാഷ്ട്രീയ നീക്കം': കുമ്മനം രാജശേഖരന്‍

ഫേസ്ബുക്ക് പോസ്റ്റിന്റെ പൂർണരൂപം

ബിജെപി മുൻ സംസ്ഥാന അധ്യക്ഷൻ കുമ്മനം രാജശേഖരനെതിരെ സാമ്പത്തിക തട്ടിപ്പിന് കേസെടുത്ത സംസ്ഥാന സർക്കാരിന്റെ നീക്കം തീർത്തും അപലപനീയമാണ്. പിണറായിയും കൂട്ടരും തങ്ങളെ വട്ടം കറക്കുന്ന ഒരു കൂട്ടം കേസുകളുടെ പദ്മവ്യൂഹം ഭേദിക്കാനറിയാതെ നട്ടം തിരിഞ്ഞ് നിൽക്കുകയാണല്ലോ. മടിയിൽ കനമില്ലാത്തവരെന്ന് സ്വയം വിശേഷിപ്പിച്ചവർ ഇപ്പോൾ പൊതുജനമധ്യേ നാണം കെട്ട് നിൽക്കുന്നു. ഇത്തരം സന്ദർഭങ്ങളിൽ പൊതുജന ശ്രദ്ധ തിരിച്ചു വിടാൻ പല തന്ത്രങ്ങളും സിപിഎം ഇറക്കുന്നത് പതിവു പരിപാടിയാണ്. ഇത്തവണ പയറ്റുന്ന പുതിയ ഒരു തന്ത്രം ബിജെപി നേതാക്കളെ കള്ളക്കേസിൽ കുടുക്കുകയെന്നതാണ്.. എന്നാൽ ആ പരിപ്പ് ഇനി വേവില്ല.

Also Read 'കുമ്മനം രാജശേഖരനെതിരെ കേസ്; ബിജെപിയെ തകര്‍ക്കാനുള‌ള ഗൂഢനീക്കത്തിന്‍റെ ഭാഗം': കെ.സുരേന്ദ്രന്‍

കുമ്മനം രാജശേഖരനെ പോലെ ആദർശ ശുദ്ധിയുള്ള ഒരു നേതാവിനെ അപകീർത്തിപ്പെടുത്താനുള്ള സർക്കാർ നീക്കം ജനങ്ങൾ പുച്ഛിച്ചുതള്ളും. സ്വർണ്ണക്കടത്തും സ്പ്രിംക്ളറും ലൈഫും മയക്കുമരുന്നും, കോവിഡ് പ്രതിരോധത്തിലെ പാളിച്ച..... ഒട്ടേറെ അമ്പുകളേറ്റ് പരാജയപ്പെട്ട് ജീവച്ഛവമായി കിടക്കുന്ന പിണറായി സർക്കാരിന് വെന്റിലേറ്റർ സഹായമെന്ന നിലയിൽ ഉപദേശികളിറക്കിയ ഒരു ക്യാപ്സൂൾ - അത്ര വിലയേ കുമ്മനത്തിനെതിരെ കെട്ടിച്ചമച്ച ഈ കേസിനുള്ളൂ.

ബിജെപി മുൻ സംസ്ഥാന അധ്യക്ഷൻ കുമ്മനം രാജശേഖരനെതിരെ സാമ്പത്തിക തട്ടിപ്പിന് കേസെടുത്ത സംസ്ഥാന സർക്കാരിന്റെ നീക്കം തീർത്തും...

Posted by V Muraleedharan on Thursday, October 22, 2020


തെരഞ്ഞെടുപ്പുകൾ പടിവാതിൽക്കൽ നിൽക്കേ, സിപിഎം ഇങ്ങനെയെന്തെങ്കിലും ചെയ്യാതെ എങ്ങനെ പിടിച്ചു നിൽക്കും, അല്ലേ സഖാവേ? എല്ലാം ശരിയാക്കാൻ അധികാരത്തിൽ കയറിയിട്ട്, സഖാവിനെ ചുറ്റുമുള്ളവർ ശരിയാക്കിക്കളഞ്ഞില്ലേ! എനിക്ക് ഒന്നേ പറയാനുള്ളൂ .....വിരട്ടലും വേട്ടയാടലുമൊന്നും ബിജെപി നേതാക്കളോട് വിലപ്പോവില്ല എന്നോർത്താൽ സഖാവിനും കൂട്ടർക്കും നല്ലത്!
Published by: user_49
First published: October 22, 2020, 9:50 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading