• HOME
  • »
  • NEWS
  • »
  • kerala
  • »
  • 'ഈ അഭിമാനനിമിഷം സഖാവ് ടി.പിക്ക് സമർപ്പിക്കുന്നു' ; സ്പീക്കര്‍ ചെയറിലെ വനിതാ സാന്നിദ്ധ്യത്തെ കുറിച്ച് കെ.കെ രമ

'ഈ അഭിമാനനിമിഷം സഖാവ് ടി.പിക്ക് സമർപ്പിക്കുന്നു' ; സ്പീക്കര്‍ ചെയറിലെ വനിതാ സാന്നിദ്ധ്യത്തെ കുറിച്ച് കെ.കെ രമ

സ്പീക്കർ പാനലിൽ മൂന്ന് വനിതകൾ തെരെഞ്ഞെടുക്കപ്പെട്ടത് ആഘോഷമാവുന്നത് നമ്മുടെ ജനാധിപത്യ വ്യവസ്ഥിതിയുടെ ആഴത്തിലുള്ള പ്രതിസന്ധിയെയാണ് കാണിക്കുന്നതെന്നും കെ.കെ രമ അഭിപ്രായപ്പെട്ടു

  • Share this:

    പതിനഞ്ചാം കേരള നിയമസഭയുടെ ഏഴാം സമ്മേളനത്തിന് തുടക്കമായപ്പോള്‍ സ്പീക്കര്‍ ചെയറിലെ വനിതാ സാന്നിദ്ധ്യം ശ്രദ്ധേയമായി.  സ്പീക്കറുടെയും ഡെപ്യൂട്ടി സ്പീക്കറുടെയും അഭാവത്തില്‍ സഭ നിയന്ത്രിക്കാനുള്ള താത്കാലിക ചെയര്‍മാന്മാരുടെ പാനലില്‍ മുഴുവന്‍ പേരും വനിതകളായത് സഭാ സമ്മേളനത്തിന്‍റെ പ്രത്യേകതയായി മാറി.

    യു പ്രതിഭയാണ് ഇന്ന് ചെയർമാനായി ആദ്യം സഭ നിയന്ത്രിക്കാൻ എത്തിയത്. പിന്നാലെ സി കെ ആശയും കെ കെ രമയും ചെയറിൽ എത്തി. കേരള നിയമസഭയുടെ ചരിത്രത്തിൽ ആദ്യമായാണ് മൂന്ന് വനിത എംഎൽഎമാർ ചെയർമാൻ പാനലിൽ എത്തുന്നത്. പ്രതിപക്ഷ നിരയില്‍ നിന്ന് തൃക്കാക്കര എംഎല്‍എ ഉമാ തോമസ് എത്തുമെന്ന് പ്രതീക്ഷിച്ചിരുന്നെങ്കിലും സഭ നിയന്ത്രിക്കാനുള്ള അവസരം ആര്‍എംപി നേതാവും വടകര എംഎല്‍എയുമായ കെ.കെ രമയ്ക്ക് നല്‍കുകയായിരുന്നു.

    Also Read-നിയമസഭാ ചരിത്രത്തിലാദ്യം; സ്പീക്കര്‍ പാനലില്‍ മുഴുവന്‍ വനിതകള്‍

    ഒരു വനിതാ സാമാജിക എന്ന നിലയിലും വ്യക്തി എന്ന നിലയിലും സന്തോഷവും ആത്മവിശ്വാസവും പകർന്ന ഒരു ദിനമാണ് കടന്നുപോയതെന്ന് കെ.കെ രമ ഫേസ്ബുക്കില്‍ കുറിച്ചു. നല്ല നിലയിൽ സഭാ നടപടികളുമായി സഹകരിച്ച ഭരണ, പ്രതിപക്ഷ നിരകളിലെ മുഴുവൻ സഹപ്രവർത്തകരേയും സ്നേഹമറിയിക്കുന്നുവെന്നും കെ.കെ രമ പറഞ്ഞു.

    എങ്കിലും സ്പീക്കർ പാനലിൽ മൂന്ന് വനിതകൾ തെരെഞ്ഞെടുക്കപ്പെട്ടത് ആഘോഷമാവുന്നത് നമ്മുടെ ജനാധിപത്യ വ്യവസ്ഥിതിയുടെ ആഴത്തിലുള്ള പ്രതിസന്ധിയെയാണ് കാണിക്കുന്നതെന്നും കെ.കെ രമ അഭിപ്രായപ്പെട്ടു  ഇന്ത്യ സ്വതന്ത്രയാവുകയും കേരള സംസ്ഥാനം രൂപീകരിക്കപ്പെടുകയും ചെയ്തിട്ട് ഇത്രയും വർഷമായിട്ടും സ്പീക്കർ പദവിയിൽ ഒരു സ്ത്രീ ഇരുന്നിട്ടില്ല എന്നത് ദു:ഖകരമായ വസ്തുതയാണ്. അതുകൊണ്ടാണ് ഇപ്പോഴത്തെ ഈ തെരെഞ്ഞടുപ്പ് മഹാ സംഭവമായി ആഘോഷിക്കപ്പെടുന്നത്. ആ ആത്മവിമർശനം കൂടി ആവശ്യപ്പെടുന്നുണ്ട് ഈ സന്ദർഭമെന്നും  ഈ അഭിമാനനിമിഷം സ:ടി.പിക്ക് സമർപ്പിക്കുന്നുവെന്നും കെ.കെ രമ കൂട്ടിച്ചേര്‍ത്തു.
    Published by:Arun krishna
    First published: