സ്പ്രിങ്ക്ളർ കരാർ നടപ്പാക്കാൻ ആവശ്യപ്പെട്ടത് മുഖ്യമന്ത്രിയുടെ മകൾ വീണാ വിജയൻ: ആരോപണവുമായി യൂത്ത് ലീഗ്

കോഴിക്കോട്: കോവിഡ് രോഗികളുടെ വിവരങ്ങൾ ശേഖരിക്കാൻ അമേരിക്കൻ കമ്പനിയുമായുണ്ടാക്കിയ കരാറിനു പിന്നിൽ മുഖ്യമന്ത്രി പിണറായി വിജയന്റെ മകളാണെന്ന് ആരോപണവുമായി യൂത്ത് ലീഗ്.
You may also like:സ്പ്രിങ്ക്ളർ: 'മറ്റാർക്കും ഇതിൽ പങ്കില്ല'; തെറ്റുണ്ടെങ്കിൽ കോടതി പരിശോധിക്കട്ടെയെന്ന് ഐ ടി സെക്രട്ടറി ശവശങ്കർ [NEWS]സ്പ്രിംഗ്ളർ തട്ടിപ്പ് പുറത്തായതോടെ പിണറായിയുടെ മകളുടെ സ്ഥാപനത്തിന്റെ വെബ്സൈറ്റ് കാണാനില്ല: പി.ടി.തോമസ് [NEWS]സ്പ്രിംങ്ക്ളര്‍ തട്ടിപ്പ്: കരാര്‍ റദ്ദാക്കാന്‍ ഇടപെടണമെന്നാവശ്യപ്പെട്ട് BJP ഗവര്‍ണര്‍ക്ക് നിവേദനം നൽകി [NEWS]

സ്പ്രിങ്ക്ളറുമായുള്ള കരാർ നടപ്പാക്കാൻ ആവശ്യപ്പെട്ടത് മുഖ്യമന്ത്രിയുടെ മകൾ വീണാ വിജയനാണ്. എക്സാ ലോജിക്ക് എന്ന കമ്പനിയുടെ ഡയറക്ടറാണ് വീണാ വിജയൻ. എക്സാ ലോജിക്കിൻ്റെ വെബ് സൈറ്റ് രണ്ടു ദിവസമായി കാണാനില്ല. ഈ വെബ്സൈറ്റിൽ സ്പ്രിങ്ക്ളർ സംബന്ധിച്ച വിവരങ്ങളുണ്ടായിരുന്നെന്നും പി.കെ ഫിറോസ് വാർത്താ സമ്മേളനത്തിൽ ചൂണ്ടിക്കാട്ടി.

ഐ.ടി സെക്രട്ടറിക്ക് ഒറ്റക്ക് ഈ കരാറുണ്ടാക്കാനാകില്ല. ഐ.ടി സെക്രട്ടറി കുറ്റമേറ്റെടുത്തത് കൊണ്ട് പിണറായിക്ക് രക്ഷപ്പെടാൻ കഴിയില്ല. പിണറായിയുടെ മകളാണ് ഈ കരാറിലെ  ഇടനിലക്കാരി. കൊറോണക്കാലത്ത് ലാഭമുണ്ടാക്കാനാണ് പിണറായി ശ്രമിച്ചത്. ദുരന്ത കാലത്തും ലാഭമുണ്ടാക്കാനുള്ള കഴുകൻകണ്ണാണ്. ഇതിൽ നിന്ന് രക്ഷപ്പെടാനാണ് കെ.എം ഷാജിക്കെതിരെ കേസെടുത്തതെന്നും ഫിറോസ് ആരോപിച്ചു.