പാലായിലെ ട്രെൻഡ് LDFന് അനുകൂലം; സഹതാപതരംഗം മാണി സി കാപ്പനോടാണെന്ന് വെള്ളാപ്പള്ളി

പാലാ ഉപതെരഞ്ഞെടുപ്പിൽ കേരള കോൺഗ്രസിന് കാര്യങ്ങൾ എളുപ്പമാകില്ലെന്നും വെള്ളാപ്പള്ളി വ്യക്തമാക്കി.

news18
Updated: September 13, 2019, 11:26 AM IST
പാലായിലെ ട്രെൻഡ് LDFന് അനുകൂലം; സഹതാപതരംഗം മാണി സി കാപ്പനോടാണെന്ന് വെള്ളാപ്പള്ളി
വെള്ളാപ്പള്ളി നടേശൻ
  • News18
  • Last Updated: September 13, 2019, 11:26 AM IST
  • Share this:
ചേർത്തല: പാലായിൽ ഇപ്പോഴത്തെ ട്രെൻഡ് എൽ ഡി എഫിന് അനുകൂലമാണെന്ന് എസ് എൻ ഡി പി ജനറൽ സെക്രട്ടറി വെള്ളാപ്പള്ളി നടേശൻ. മാധ്യമപ്രവർത്തകരോട് സംസാരിക്കവെയാണ് വെള്ളാപ്പള്ളി നടേശൻ ഇങ്ങനെ പറഞ്ഞത്. കഴിഞ്ഞ തെരഞ്ഞെടുപ്പുകളിൽ പരാജയപ്പെട്ട മാണി സി കാപ്പനോട് സഹതാപതരംഗമാണ് പാലാ മണ്ഡലത്തിലുള്ളത്.

പാലാ ഉപതെരഞ്ഞെടുപ്പിൽ കേരള കോൺഗ്രസിന് കാര്യങ്ങൾ എളുപ്പമാകില്ലെന്നും വെള്ളാപ്പള്ളി വ്യക്തമാക്കി. രണ്ടില ചിഹ്നം നിലനിര്‍ത്താനാകാത്ത പാര്‍ട്ടിക്ക് എങ്ങനെ തെരഞ്ഞെടുപ്പിനെ നേരിടാന്‍ കഴിയും. ജോസ് ടോമിന് ജനകീയ മുഖമില്ല. നിഷ ജോസ് കെ മാണിക്ക് ജോസ് ടോമിനെക്കാളും ജനപിന്തുണ ഉണ്ടായിരുന്നുവെന്നും അദ്ദേഹം പറഞ്ഞു.

ഫ്ലാറ്റുടമകളെ ഒഴിപ്പിക്കുന്നത് സർക്കാർ നിർദ്ദേശം ഉണ്ടെങ്കിൽ മാത്രം: മരട് നഗരസഭ സെക്രട്ടറി

എസ് എൻ ഡി പി യോഗത്തിന് പ്രത്യേക രാഷ്ട്രീയനിലപാട് ഇല്ല. പാലാ ഉപതെരഞ്ഞെടുപ്പിൽ പ്രത്യേകനിർദ്ദേശം നൽകിയിട്ടില്ലെന്നും വെള്ളാപ്പള്ളി നടേശൻ ആലപ്പുഴയിൽ പറഞ്ഞു. പക്ഷേ, സമുദായംഗങ്ങൾക്ക് ഇടയിൽ മാണി സി കാപ്പൻ അനുകൂല തരംഗമുണ്ടെന്നും വെള്ളാപ്പള്ളി വ്യക്തമാക്കി.

എൽ ഡി എഫ് ഇതേ രീതിയിലാണ് മുന്നോട്ട് പോകുന്നതെങ്കിൽ ഉപതെരഞ്ഞെടുപ്പിൽ വിജയിക്കാൻ കഴിയും. നവോത്ഥാന നിലപാടുകളുമായി എസ് എൻ ഡി പി യോഗം മുന്നോട്ടുപോകുമെന്നും വെള്ളാപ്പള്ളി പറഞ്ഞു.

First published: September 13, 2019, 11:26 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading