HOME » NEWS » Kerala » VELLAPALLY SAID THAT THOSE BELONGING TO THE EZHAVA COMMUNITY ARE BEING IGNORED IN THE CANDIDATURE AA TV SSN

'ഈഴവ സമുദായത്തിൽപ്പെട്ട നേതാക്കൾക്ക് മുന്നണികളിൽ നിന്ന് ലഭിക്കുന്നത് തെരുവ് നായകൾക്ക് തുല്യമായ അവഗണന': വെള്ളാപ്പള്ളി നടേശൻ

എസ് എൻ ഡി പി യുടെ മുഖപ്രസിദ്ധീകരണമായ യോഗനാദത്തിലാണ് മുന്നണികൾക്കെതിരെയുള്ള വെള്ളാപ്പള്ളിയുടെ വിമർശനം.

News18 Malayalam | news18-malayalam
Updated: March 2, 2021, 8:13 AM IST
'ഈഴവ സമുദായത്തിൽപ്പെട്ട നേതാക്കൾക്ക് മുന്നണികളിൽ നിന്ന് ലഭിക്കുന്നത് തെരുവ് നായകൾക്ക് തുല്യമായ അവഗണന': വെള്ളാപ്പള്ളി നടേശൻ
വെള്ളാപ്പള്ളി നടേശൻ
  • Share this:
ആലപ്പുഴ: സ്ഥാനാർത്ഥി നിർണയ ചർച്ചകൾ പുരോഗമിക്കവെ മുന്നണികൾക്ക് താക്കീതുമായി എസ് എൻ ഡി പി യോഗം ജനറൽ സെക്രട്ടറി വെള്ളാപ്പള്ളി നടേശൻ. സ്ഥാനാർത്ഥികളെ പരിഗണിക്കുന്നതിൽ ഈഴവ സമുദായത്തെ തന്ത്രപൂർവ്വം തഴയുകയാണ്. സംഘടിത ന്യൂനപക്ഷങ്ങൾ കോൺഗ്രസിനെ കൈപ്പിടിയിലാക്കിയെന്നും, സി പി എമ്മിലെ പുതു തലമുറ നേതക്കളെ പരിശോധിച്ചാലും സ്ഥിതി വ്യത്യസ്തമല്ലെന്നും വെള്ളാപ്പള്ളി വിമർശിക്കുന്നു.  എസ് എൻ ഡി പി യുടെ മുഖപ്രസിദ്ധീകരണമായ യോഗനാദത്തിലാണ് മുന്നണികൾക്കെതിരെയുള്ള വെള്ളാപ്പള്ളിയുടെ വിമർശനം.

സ്ഥാനാർത്ഥി നിർണയത്തിൽ ഈഴവ സമുദായത്തെ തന്ത്രപൂർവ്വം തഴയുക മാത്രമല്ല, സംഘടിത ന്യൂനപക്ഷങ്ങളാണ് സ്ഥാനാർത്ഥികളെ നിർണയിക്കുന്നതെന്നും വെള്ളാപ്പള്ളി തുറന്നടിക്കുന്നു. മുസ്ലീം മത സംഘടനകളും ക്രിസ്തീയ സഭകളും കോൺഗ്രസിനെ കൈപ്പിടിയിലാക്കി. സി പി എമ്മിലെ പുതു തലമുറ നേതാക്കളെ പരിശോധിച്ചാലും സ്ഥിതി വ്യത്യസ്തമല്ല. ഹൈന്ദവ മുന്നോക്ക സമുദായ നേതാക്കൻമാർക്ക് കിട്ടുന്ന പിന്തുണ ഈഴവ സമുദായക്കാരായ രാഷ്ട്രീയ നേതാക്കൾക്ക് ലഭിക്കുന്നില്ലെന്നും യോഗം ജനറൽ സെക്രട്ടറി വ്യക്തമാക്കുന്നു.

Also Read 'തരൂരിനെ പോലെ ഇംഗ്ലീഷ് സംസാരിക്കാം'; പാക് കൊമേഡിയന്റെ വൈറൽ വീഡിയോയ്‌ക്ക് മറുപടിയുമായി തരൂർ

Also Read 'സാമ്പത്തിക സംവരണം ചതിക്കുഴി'; ഇടതുസർക്കാർ പിന്നാക്കക്കാരെ പി​ന്നി​ൽ നിന്ന് കുത്തിയെന്ന് വെള്ളാപ്പള്ളി നടേശൻ

പിന്നോക്ക സമുദായങ്ങളിൽ നിന്നുള്ള നേതാക്കൻമാർ ഒന്നിച്ച് നിന്ന് വിലപേശാനുള്ള ശക്തി നേടണമെന്നും ലേഖനം ആഹ്വാനം ചെയ്യുന്നു. അവഗണിക്കാനാണ് തീരുമാനമെങ്കിൽ തക്ക മറുപടി നൽകണമെന്ന താക്കീതുമുണ്ട്.

ദിവസങ്ങൾക്ക് മുമ്പ് സ്വന്തം സമുദായംഗം കൂടിയായ പി തിലോത്തമനെ മത്സരിപ്പിക്കാത്തതിൽ സി പി ഐക്കെതിരെ പരസ്യമായ അതൃപ്തി പ്രകടിപ്പിച്ച് വെള്ളാപ്പള്ളി രംഗത്തെത്തിയിരുന്നു .. ഇതിന് പിന്നാലെയാണ് യോഗനാഥത്തിലെ ലേഖനം എന്നതും ശ്രദ്ധേയമാണ്
Published by: Aneesh Anirudhan
First published: March 2, 2021, 8:13 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories