BREAKING: പാലാരിവട്ടം അഴിമതിക്കേസിൽ ഇബ്രാഹിം കുഞ്ഞ് ഉടൻ അറസ്റ്റിലായേക്കും

തിരുവനന്തപുരം: പാലാരിവട്ടം പാലം പണിയിലെ അഴിമതിയിൽ മുൻമന്ത്രി വി.കെ ഇബ്രാഹിംകുഞ്ഞ് ഉടൻ അറസ്റ്റിലായേക്കും. പാലം നിർമാണവുമായി ബന്ധപ്പെട്ട അഴിമതിയിൽ ഇബ്രാഹിംകുഞ്ഞിനെതിരെ തെളിവുണ്ടെന്ന് വിജിലൻസ് വ്യക്തമാക്കി. ശക്തമായ തെളിവുകളുണ്ടെന്നാണ് വിജിലൻസ് വൃത്തങ്ങൾ പറയുന്നു. മുൻമന്ത്രിയുടെ അറസ്റ്റ് സംബന്ധിച്ച് തീരുമാനമെടുക്കാൻ വിജിലൻസ് ഇന്ന് യോഗം ചേരും.

അതിനിടെ ഇബ്രാഹിംകുഞ്ഞിന്‍റെ അറസ്റ്റ് ഉടനുണ്ടാകുമെന്ന സൂചന സ്പീക്കരുടെ ഓഫീസും സ്ഥിരീകരിച്ചു. ഇബ്രാഹിംകുഞ്ഞിനെതിരെ നടപടിയുണ്ടാകുമെന്ന വിവരം വിജിലൻസ് സ്പീക്കറുടെ ഓഫീസിനെ അറിയിച്ചിട്ടുണ്ട്.

ഇബ്രാംഹികുഞ്ഞിനെതിരായ ആരോപണത്തിൽ ഉറച്ച് ടി.ഒ സൂരജ്; റിമാൻഡ് കാലാവധി 14 ദിവസത്തേക്ക് നീട്ടി

കേസിൽ അറസ്റ്റിലായ പൊതുമരാമത്ത് വകുപ്പ് മുൻ സെക്രട്ടറി ടി.ഒ സൂരജിന്‍റെ മൊഴിയാണ് ഇബ്രാഹിംകുഞ്ഞിനെ കുടുക്കുന്നത്. പാലം നിർമിച്ച കമ്പനിക്ക് മുൻകൂറായി പണം നൽകിയത് മന്ത്രിയുടെ നിർദേശാനുസരണമാണെന്ന് ടി.ഒ. സൂരജ് വിജിലൻസിന് മൊഴി നൽകിയിരുന്നു.