മലപ്പുറത്ത് പാലം നിർമ്മിക്കാനെടുത്ത കുഴിയിൽ ബൈക്ക് വീണ് വില്ലേജ് ഓഫീസ് ജീവനക്കാരൻ മരിച്ചു

മലപ്പുറം: പാലം നിർമ്മിക്കാനായി റോഡിൽ എടുത്തിട്ടിരുന്ന കുഴിയിൽ വീണ് വില്ലേജ് ഓഫീസ് ജീവനക്കാരൻ മരിച്ചു. തെന്നല വില്ലേജ് അസിസ്റ്റന്റ് വിനോദ് കുമാറാണ് മരിച്ചത്. തേഞ്ഞിപ്പാലം ദേശീയപാതയിലാണ് സംഭവം. പിന്നാലെ സുരക്ഷാ മുൻകരുതൽ ഇല്ലാതെയാണ് നിർമാണ പ്രവർത്തനങ്ങൾ നടത്തുന്നതെന്ന് ആരോപണം ഉയർന്നിട്ടുണ്ട്.

മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.