കോൺഗ്രസുകാർ​ മരണവ്യാപാരിക​ളെന്ന്​​ ബിനീഷ് കോടിയേരി​; ഇത്തരം പോസ്റ്റിടുന്നവർ മാടമ്പള്ളിയിലെ യഥാർഥ മനോരോഗികളെന്ന് VT​ ബൽറാം

കേരളത്തിൽ ഒരു ദിവസത്തെ കോവിഡ്​ രോഗികളുടെ എണ്ണം ആയിരം കടന്നപ്പോൾ കോൺഗ്രസുകാർ സന്തോഷിക്കുന്നുവെന്ന ബിനീഷ്​ കോടിയേരിയുടെ ​ഫേസ്​ബുക്ക്​ പോസ്​റ്റിന്​ മറുപടിയുമായി വി.ടി ബൽറാം എം.എൽ.എ.

ഇത്തരം ക്രൂരമായ ഒരു നറേറ്റീവ് സൃഷ്ടിച്ചെടുക്കാൻ നോക്കുന്നതിലൂടെ എന്ത് നേട്ടമാണ് ഈ സൈക്കോകൾക്ക് ഉണ്ടാവുന്നതെന്നായിരുന്നു ബൽറാമിന്റെ ചോദ്യം. സ്വന്തം ഉള്ളിലെ വികൃതചിന്തകൾ മറ്റുള്ളവർക്ക് മേൽ ആരോപിച്ച് രക്ഷപ്പെടുന്ന മാടമ്പള്ളിയിലെ യഥാർഥ മനോരോഗികളാണ് ഇത്തരം പോസ്​റ്റിടുന്നവരെന്നും ബൽറാം ഫേസ്ബുക്ക് കുറിപ്പിലെഴുതി.


കോൺഗ്രസുകാർ മരണത്തിന്റെ വ്യാപാരികൾ എന്ന ഹാഷ്ടാടോഗ് കൂടിയായിരുന്നു ബിനീഷിന്റെ ഫേസ്ബുക്ക് പോസ്റ്റ്.

ബിനീഷ്​ കോടിയേരിയുടെ പോസ്​റ്റും ബൽറാമിന്റെ മറുപടിയും ഇരു രാഷ്​ട്രീയ പക്ഷത്തുനിന്നുള്ളവരും ഏറ്റെടുത്തതോടെ സോഷ്യൽ മീഡിയയിൽ ചർച്ച ചൂടുപിടിച്ചു.
TRENDING:'കോവിഡ് രോഗിയുടെ മൃതദേഹത്തിന് മേല്‍ രോഗമില്ലാത്തയാളുടെ മൃതദേഹം വെച്ചു:' വി.വി രാജേഷ് [NEWS]Covid19|സാഹചര്യം ഗുരുതരം; സമ്പൂർണ ലോക്ക്ഡൗൺ പരിഗണിക്കേണ്ടി വരുമെന്ന് മുഖ്യമന്ത്രി [NEWS]Covid 19 in Kerala| സംസ്ഥാനത്ത് പുതിയതായി 51 ഹോട്ട്സ്പോട്ടുകൾ കൂടി; ആകെ 397 ഹോട്ട്സ്പോട്ടുകൾ [NEWS]