• HOME
  • »
  • NEWS
  • »
  • kerala
  • »
  • Solar case | 10 ലക്ഷത്തിന്റെ മാനനഷ്ടക്കേസ്; ഉമ്മന്‍ചാണ്ടിയുടെ കേസിന് സ്റ്റേ കിട്ടാന്‍ വിഎസ് 14.89 ലക്ഷം കോടതിയില്‍ കെട്ടി വയ്ക്കണം

Solar case | 10 ലക്ഷത്തിന്റെ മാനനഷ്ടക്കേസ്; ഉമ്മന്‍ചാണ്ടിയുടെ കേസിന് സ്റ്റേ കിട്ടാന്‍ വിഎസ് 14.89 ലക്ഷം കോടതിയില്‍ കെട്ടി വയ്ക്കണം

വിഎസ് നല്‍കിയ ഹര്‍ജിയിലാണ് ജില്ലാ കോടതി ഉപാധികളോടെ സ്‌റ്റേ നല്‍കാമെന്ന് വ്യക്തമാക്കിയത്.

  • Share this:
    തിരുവനന്തപുരം: സോളാര്‍ കേസുമായി (Solar Case) ബന്ധപ്പെട്ട് നടത്തിയ വിവാദ പരാമര്‍ശത്തില്‍ വിഎസ് അച്യുതാനന്ദനെതിരായ(VS Achuthanandan) മാനനഷ്ടക്കേസ് വിധിയ്ക്ക് സ്റ്റേ ചെയ്തത് ഉപാധികളോടെ. 14.89 ലക്ഷം രൂപ സബ് കോടതിയില്‍ കെട്ടവെക്കണമെന്ന ഉപാധിയോടെയാണ് വിധിയ്ക്ക് സ്‌റ്റേ അനുവദിച്ചത്.

    മുന്‍ മുഖ്യമന്ത്രി ഉമ്മന്‍ചാണ്ടി നല്‍കിയ അപകീര്‍ത്തിക്കേസില്‍ വി എസ് അച്യുതാനന്ദന്‍ 10.10 ലക്ഷം രൂപ നഷ്ടപരിഹാരം നല്‍കണമെന്ന സബ് കോടതിയുടെ ഉത്തരവാണ് പ്രിന്‍സിപ്പല്‍ സെക്ഷന്‍സ് കോടതിയാണ് ഉപാധികളോടെ സ്‌റ്റേ അനുവദിച്ചത്.

    വിഎസ് അച്യുതാനന്ദന്‍ 14.89 ലക്ഷം രൂപ കെട്ടിവയ്ക്കുകയോ തത്തുല്യം ജാമ്യം നല്‍കുകയോ വേണമെന്ന് പ്രിന്‍സിപ്പല്‍ സെക്ഷന്‍സ് കോടതി വിധിച്ചു. ഏതു വേണമെന്ന് സബ് കോടതിയ്ക്ക് തീരുമാനിക്കാം. വിഎസ് നല്‍കിയ ഹര്‍ജിയിലാണ് ജില്ലാ കോടതി ഉപാധികളോടെ സ്‌റ്റേ നല്‍കാമെന്ന് വ്യക്തമാക്കിയത്.

    Also Read-Governor'office | ഗവര്‍ണറുടെ അഡീഷണല്‍ പി.എ ആയി ബിജെപി സംസ്ഥാന സമിതി അംഗം; അതൃപ്തി അറിയിച്ച് സര്‍ക്കാര്‍

    ജനുവരി 22നാണ് വിഎസ് ഉമ്മന്‍ ചാണ്ടിയ്ക്ക് 10 ലക്ഷം നല്‍കണമെന്ന് സബ് കോടതി ഉത്തരവിട്ടത്. അന്യായം നല്‍കിയ ദിവസം മുതല്‍ 6ശതമാനം പലിശയും കോടതിച്ചെലവും നല്‍കണമെന്നായിരുന്നു പ്രിന്‍സിപ്പല്‍ സബ് ജഡ്ജി ഷിബു ദാനിയേല്‍ വിധിച്ചത്. ഈ ഉത്തരവാണ് ജില്ലാ കോടതി സ്റ്റേ ചെയ്തത്.

    2013 ലാണ് കേസിനാസ്പദമായ വിവാദ പരാമര്‍ശം ഉണ്ടായത്. അന്ന് പ്രതിപക്ഷ നേതാവായിരിക്കെയാണ് വി.എസ് ഉമ്മന്‍ചാണ്ടിക്കെതിരെ ആഞ്ഞടിച്ചത്. ഒരു മാധ്യമത്തിന് നല്‍കിയ അഭിമുഖത്തില്‍ മുഖ്യമന്ത്രിയായ ഉമ്മന്‍ ചാണ്ടിയുടെ നേതൃത്വത്തില്‍ ഒരു കമ്പനിയുണ്ടാക്കി തട്ടിപ്പ് നടത്തിയെന്നായിരുന്നു വി എസ് ആരോപണം ഉന്നയിച്ചത്.

    Also Read-Sexual Assault |കോളേജ് വിദ്യാര്‍ഥിനികള്‍ക്ക് ചുംബന സ്‌മൈലിയും അസമയത്തെ വീഡിയോകോളും; അധ്യാപകനെതിരായ റിപ്പോര്‍ട്ട് സര്‍ക്കാരിന്

    ഈ പരാമര്‍ശത്തില്‍ വി.എസിനെതിരെ 2014 ലായിരുന്നു ഉമ്മന്‍ ചാണ്ടി കേസ് നല്‍കിയത്. പ്രസ്താവന പിന്‍വലിക്കണമെന്ന് ആവശ്യപ്പെട്ട് ഉമ്മന്‍ ചാണ്ടി സമര്‍പ്പിച്ച വക്കീല്‍ നോട്ടീസില്‍ ഒരു കോടി രൂപയായിരുന്നു നഷ്ടപരിഹാരമായി ആവശ്യപ്പെട്ടത്. കേസ് കോടതിയില്‍ ഫയല്‍ ചെയ്തപ്പോള്‍ 10.10 ലക്ഷം രൂപയായി.

    ഉമ്മന്‍ചാണ്ടി അഴിമതി നടത്തിയെന്നും വിഎസ് ഒരു ചാനലിന് നല്‍കിയ അഭിമുഖത്തില്‍ ആരോപിച്ചിരുന്നു. ഇതിനെതിരെ കേസിനു പോയ ഉമ്മന്‍ചാണ്ടി 2019 സെപ്റ്റംബര്‍ 24ന് കോടതിയില്‍ നേരിട്ടെത്തി മൊഴി നല്‍കിയിരുന്നു. തുടര്‍ന്നാണ് കോടതി വിധി പ്രസ്താവിച്ചത്.
    Published by:Jayesh Krishnan
    First published: