നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • ഭര്‍ത്താവിനെ അന്വേഷിച്ചിറങ്ങിയ ഭാര്യ ബൈക്കിടിച്ച് മരിച്ചു; ഭര്‍ത്താവ് തൂങ്ങിമരിച്ച നിലയില്‍

    ഭര്‍ത്താവിനെ അന്വേഷിച്ചിറങ്ങിയ ഭാര്യ ബൈക്കിടിച്ച് മരിച്ചു; ഭര്‍ത്താവ് തൂങ്ങിമരിച്ച നിലയില്‍

    സന്ധ്യയായിട്ടും ഭര്‍ത്താവ് മടങ്ങിവരാത്തതിനെ തുടര്‍ന്ന് അന്വേഷിച്ച് പോയ സുജാതയെയാണ് ബൈക്കിടിച്ചത്‌

    • Share this:
      ഇടുക്കി: ഭര്‍ത്താവിനെ അന്വേഷിച്ച് ഇറങ്ങിയ വീട്ടമ്മ മൂലമറ്റം ടൗണിനടുത്ത് ബൈക്കിടിച്ചു മരിച്ചു. കാണാതായ ഭര്‍ത്താവിനെ പിന്നീട് തൂങ്ങിമരിച്ച നിലയില്‍ കണ്ടെത്തി. മൂലമറ്റം രതീഷ് പ്രസ് ഉടമ നീറണാകുന്നേല്‍ ചിദംബരത്തെയാണ് (75) തൂങ്ങിമരിച്ച നിലയില്‍ കണ്ടെത്തിയത്. ഇദ്ദേഹത്തിന്റെ ഭാര്യ സുജാതയാണ് (72) ബൈക്ക് അപകടത്തില്‍ മരിച്ചത്. സ്വന്തം പ്രസിന് സമീപത്തുള്ള കിണറിന്റെ പൈപ്പില്‍ തൂങ്ങിയ നിലയിലാണ് ചിദംബരത്തെ കണ്ടെത്തിയത്.

      കഴിഞ്ഞ ദിവസം വൈകീട്ട് ഏഴരയോടെ മൂലമറ്റം ടൗണിന് സമീപമാണ് സുജാത അപകടത്തില്‍പ്പെട്ടത്. സന്ധ്യയായിട്ടും ഭര്‍ത്താവ് മടങ്ങിവരാത്തതിനെ തുടര്‍ന്ന് അന്വേഷിച്ച് പോയ സുജാതയെ ചെറാടി സ്വദേശി ദിലുവിന്റെ ബൈക്ക് ഇടിക്കുകയായിരുന്നു. ഇവരെ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല.

      തുടര്‍ന്ന് സുജാതയുടെ മരണവിവരം അറിയിക്കാന്‍ നാട്ടുകാര്‍ അന്വേഷിച്ചപ്പോഴാണ് രാത്രി 10 മണിയോടെ ചിദംബരത്തെ തൂങ്ങിമരിച്ച നിലയില്‍ കണ്ടെത്തിയത്. സുജാതയെ ഇടിച്ച ബൈക്കില്‍ സഞ്ചരിച്ചിരുന്ന ദിലുവിനും അപകടത്തില്‍ സാരമായ പരിക്ക് പറ്റിയിട്ടുണ്ട്. കല, രതീഷ് എന്നിവരാണ് സുജാത ചിദംബരം ദമ്പതികളുടെ മക്കള്‍.

      കശുവണ്ടി ഫാക്ടറിയിൽ തൊഴിലാളിയെ അടിച്ചുകൊന്ന കേസിൽ ഡിഎംകെ എം.പി കീഴടങ്ങി

      ചെന്നൈ: കശുവണ്ടി ഫാക്ടറിയിൽ നടന്ന കൊലപാതകവുമായി ബന്ധപ്പെട്ട് കടലൂരിലെ ഡി.എം.കെ. എം.പി. ടി.ആർ.വി.എസ്. രമേഷ് കോടതിയിൽ കീഴടങ്ങി. കേസിൽ സിബിസിഐഡി അന്വേഷണം പുരോഗമിക്കുന്നതിനിടെയാണ് ടി.ആർ.വി.എസ്. രമേഷ് കോടതിയിൽ കീഴടങ്ങിയത്. രമേഷിന്റെ ഉടമസ്ഥതയിലുള്ള കടലൂരിലെ കശുവണ്ടി ഫാക്ടറിയിലെ ജീവനക്കാരനായ ഗോവിന്ദരാസു(55) ഇക്കഴിഞ്ഞ സെപ്റ്റംബറിലാണ് കൊല്ലപ്പെട്ടത്.

      ജോലി കഴിഞ്ഞ് വീട്ടിലെത്താൻ ഗോവിന്ദരാസു വൈകിയതോടെ ട്രക്ക് ഡ്രൈവറായ മകൻ സെന്തിൽവേൽ പൊലീസിൽ പരാതി നൽകിയിരുന്നു. അന്വേഷണം നടക്കുന്നതിനിടെ ഗോവിന്ദരാസുവിന്‍റെ ഫോണിൽ നിന്ന് എം.പിയുടെ പി.എ സെന്തിൽവേലിനെ വിളിച്ച് അച്ഛൻ വിഷം കഴിച്ചെന്നും ആശുപത്രിയിൽ എത്തിച്ചപ്പോഴേക്കും മരിച്ചതായും അറിയിച്ചു.

      മൃതദേഹം ഏറ്റുവാങ്ങാൻ പനരുതിയിലെ ജനറൽ ആശുപത്രിയിൽ എത്തിയപ്പോൾ, ഗോവിന്ദരാസിന്റെ ഇടത് കണ്ണിനും മുഖത്തിനും കഴുത്തിനും പല ഭാഗങ്ങളിലും പരിക്കുകൾ ഉണ്ടായിരുന്നതായും വസ്ത്രങ്ങളിലും ശരീരത്തിലും രക്തക്കറകൾ ഉണ്ടായിരുന്നുവെന്നും ബന്ധുക്കൾക്ക് മനസിലായി. ഇതോടെയാണ് എം.പിക്കെതിരെ ഗോവിന്ദരാസുവിന്‍റെ ബന്ധുക്കൾ പൊലീസിൽ പരാതി നൽകിയത്. കേസ് അന്വേഷണം നടക്കുന്നതിനിടെയാണ് ടി.ആർ.വി.എസ്. രമേഷ് കോടതിയിൽ കീഴടങ്ങിയത്.
      Published by:Karthika M
      First published:
      )}