ചിന്നക്കനാലിൽ വീണ്ടും കാട്ടാന ആക്രമണം; കാട്ടാനക്കൂട്ടം ഷെഡ് തകർത്തു

ഇടുക്കി: ചിന്നക്കനാലിൽ വീണ്ടും കാട്ടാന ആക്രമണം. പുലർ‌ച്ചെ അഞ്ചു മണിയോടെയായിരുന്നു കാട്ടാന കൂട്ടം ആക്രമണം നടത്തിയത്. വിലക്ക് മൗണ്ട് ഫോർട്ട് സ്കൂളിന് സമീപമുണ്ടായിരുന്ന ഷെ‍ഡ് പൂര്‍‌ണമായി തകർത്തു. രാജൻ എന്നയാളുടെ ഷെഡാണ് തകർത്തത്. ആളപായമില്ല.

ഇന്ന് പുലർച്ചെ 5 മണിയോടെയായിരുന്നു കാട്ടാനക്കൂട്ടത്തിന്റെ ആക്രമണം. ഷെഡിൽ ആരും ഉണ്ടായിരുന്നില്ല. ചക്കകൊമ്പൻ ഉൾപ്പെട്ട കൂട്ടമാണ് ആക്രമണം നടത്തിയത്. ചിന്നാക്കനാലില്‍ നാട്ടുകാരെ ഭീതിയിലാഴ്ത്തിയ കാട്ടാന അരിക്കൊമ്പനെ കാടുകടത്തിയതിന് പിന്നാലെയാണ് കാട്ടാനക്കൂട്ടത്തിൻ‌റെ ആക്രമണം ഉണ്ടാിരിക്കുന്നത്.

Also Read-അരിക്കൊമ്പൻ ഇന്ന് പൂര്‍ണമായി മയക്കം വിട്ടുണരും; ഇറക്കിവിട്ട സ്ഥലത്തുനിന്ന് മൂന്നു കിലോമീറ്റർ അകലെ സിഗ്നൽ ലഭിച്ചു

അരിക്കൊമ്പന്റെ ആക്രമണം വർധിച്ചതോടെയാണ് ചിന്നക്കനാലിൽ നിന്ന് മാറ്റാൻ തീരുമാനം എടുത്തിരുന്നത്. ശനിയാഴ്ച മയക്കുവെടി വെച്ചു പിടികൂടിയ അരിക്കൊമ്പനെ ഞായറാഴ്ച പുലർച്ചെ പെരിയാർ കടുവ സങ്കേതത്തില്‍ തുറന്നു വിട്ടിരുന്നു.