• HOME
  • »
  • NEWS
  • »
  • kerala
  • »
  • ആബിദ് അടിവാരത്തിന്‍റെ ഭാര്യ ഫാത്തിമയുടെ ഖബറടക്കം നാളെ

ആബിദ് അടിവാരത്തിന്‍റെ ഭാര്യ ഫാത്തിമയുടെ ഖബറടക്കം നാളെ

റോഡ് കരാറുകാരായ ശ്രീ ധന്യ കണ്‍സ്ട്രക്ഷന്‍ കമ്പനിയുടെ ടിപ്പറാണ് അപകടമുണ്ടാക്കിയത്. ടിപ്പര്‍ യുവതിയുടെ ശരീരത്തിലൂടെ കയറിയിറങ്ങുകയായിരുന്നു

  • Last Updated :
  • Share this:
    കോഴിക്കോട്: സോഷ്യൽ മീഡിയ ആക്ടിവിസ്റ്റ് ആബിദ് അടിവാരത്തിന്‍റെ ഭാര്യ ഫാത്തിമ വാഹനാപകടത്തിൽ മരിച്ചു. കുട്ടിയെ സ്കൂളിൽ ബസിൽ കയറ്റിവിടാൻ കാത്തുനിൽക്കുന്നതിനിടെയാണ് ഫാത്തിമ ടിപ്പർ ലോറി ഇടിച്ച് മരിച്ചത്. താമരശ്ശേരി ചുങ്കം പനംതോട്ടം ഓര്‍ക്കിഡ് ഹൗസിങ് കോളനിയിലെ ഫാത്തിമ സാജിത(30) ആണ് മരിച്ചത്. താമരശ്ശേരി ഫോറസ്റ്റ് ഓഫീസിന് സമീപം ഇന്ന് രാവിലെയാണ് അപകടം ഉണ്ടായത്. ഖബറടക്കം നാളെ നടക്കും. മലേഷ്യയിലുള്ള ആബിദ് അടിവാരം നാളെ പുലർച്ചെ മൂന്നു മണിയോടെ നാട്ടിലെത്തും.  മക്കൾ: സമാൻ, ദിയ, ദില്‍ഷാന്‍, ആരിഫ്.

    കുട്ടിയെ സ്‌കൂള്‍ ബസ്സില്‍ കയറ്റി വിടാനായി കാത്തുനില്‍ക്കുമ്പോഴായിരുന്നു അപകടം. റോഡ് കരാറുകാരായ ശ്രീ ധന്യ കണ്‍സ്ട്രക്ഷന്‍ കമ്പനിയുടെ ടിപ്പറാണ് അപകടമുണ്ടാക്കിയത്. ടിപ്പര്‍ യുവതിയുടെ ശരീരത്തിലൂടെ കയറിയിറങ്ങുകയായിരുന്നു. യുവതി തല്‍ക്ഷണം മരിച്ചു. ബാലുശേരി ഭാഗത്ത് നിന്ന് താമരശേരിയിലേക്ക് വന്ന ടിപ്പറാണ് അപകടം ഉണ്ടാക്കിയത്. മാധ്യമപ്രവര്‍ത്തകന്‍ ആബിദ് അടിവാരത്തിന്റെ ഭാര്യയാണ് മരിച്ച ഫാത്തിമ സാജിത.

    കഴിഞ്ഞ ദിവസം ഇതേ കമ്ബനിയുടെ മറ്റൊരു ടിപ്പര്‍ ലോറി പിന്നിലേക്ക് എടുത്തപ്പോള്‍ സ്‌കൂട്ടറിന് മേലെ കയറി ഇറങ്ങിയിരുന്നു. സ്കൂട്ടറിലുണ്ടായിരുന്ന യുവതി തലനാരിഴക്കാണ് രക്ഷപ്പെട്ടത്.

    ആലപ്പുഴ പുന്നപ്രയിൽ അടിപിടിക്കു പിന്നാലെ യുവാവ് ട്രെയിൻ തട്ടി മരിച്ചതിൽ ദുരൂഹതയെന്ന് ബന്ധുക്കൾ

    പുന്നപ്രയിൽ യുവാവ് ട്രെയിൻ തട്ടി മരിച്ച സംഭവത്തിൽ ഡിവൈഎഫ്ഐക്കെതിരെ പരാതിയുമായി കുടുംബം. പുന്നപ്ര പുതുവൽ ബൈജുവിന്റെയും സരിതയുടെയും മകൻ ശ്രീരാജാണ് (നന്ദു–20) ഞായറാഴ്ച രാത്രി 8. 10ന് മെഡിക്കൽ കോളജിന് സമീപം ട്രെയിൻ തട്ടി മരിച്ചത്. ഡിവൈഎഫ്ഐ പ്രവർത്തകർ പിന്തുടർന്നതിന് പിന്നാലെയാണ് നന്ദു മരിച്ചതെന്ന് ബന്ധുക്കൾ ആരോപിക്കുന്നു. മരിക്കുന്നതിന് തൊട്ട് മുമ്പ് നന്ദു സഹോദരിയുമായി നടത്തിയ ഫോൺ സംഭാഷണവും പുറത്തു വന്നു.

    ഞായറാഴ്ച വൈകിട്ട് പുന്നപ്ര പൂമീൻ പൊഴിക്ക് സമീപം മദ്യലഹരിയിൽ ഇരുകൂട്ടർ തമ്മിൽ അടിപി‌ടി നടന്നിരുന്നു. ഇവരെ പിടിച്ചു മാറ്റാൻ ശ്രീരാജ് പോയിരുന്നു. ഇതിന് ശേഷം നന്ദുവിനെ കാണാനില്ലായിരുന്നു. തുടർന്ന് പിതാവ് ബൈജു പുന്നപ്ര സ്റ്റേഷനിൽ പരാതി നൽകി.

    also read : കോഴിക്കോട് വൻ മയക്കുമരുന്ന് വേട്ട; പിടിയിലായത് ദിവസേന ഒന്നരലക്ഷം രൂപയുടെ ഇടപാട് നടത്തുന്നയാൾ

    കഴിഞ്ഞ ഞായറാഴ്ച നന്ദു മരിക്കുന്നതിന് മുമ്പ് സഹോദരിയുമായി നടത്തിയ ഫോൺ സംഭാഷണമാണ് പുറത്ത് വന്നത്. മുന്ന, ഫൈസൽ എന്നിവർ മർദ്ദിച്ചെന്നും അവർ നാളെ വീട്ടിൽ വരുമെന്നും നന്ദു സംഭാഷണത്തിനിടെ പറയുന്നുണ്ട്.വീടിന് സമീപമുള്ള സ്ഥലത്ത് ഇരിക്കുന്നതിനെ ചൊല്ലി നന്ദുവും ഇവരും തമ്മിൽ സംഘർഷമുണ്ടായിരുന്നു.

    see also: സ്വർണ്ണക്കടത്തിന് സഹായിച്ച കസ്റ്റംസ് സൂപ്രണ്ടിനെതിരെ സിബിഐക്കും ഡി.ആർ. ഐക്കും പോലീസ് റിപ്പോർട്ട് നൽകും

    ഇതിനു പിന്നാലെ നന്ദു മരിച്ചതിൽ ദുരൂഹതയുണ്ടെന്നാണ് ആരോപണം. സംഘർഷത്തിന്റെ ദൃശ്യങ്ങൾ സഹിതം പരാതി നൽകിയിട്ടും പൊലീസ് ഇടപെടുന്നില്ലെന്നും ആരോപണമുണ്ട്. നന്ദുവിന്റേത് ആത്മഹത്യയാണെന്ന് പുന്നപ്ര പൊലീസ് അറിയിച്ചു. അതേ സമയം അസ്വാഭാവിക മരണത്തിന് കേസെടുത്തിട്ടുണ്ടെന്നും ബന്ധുക്കളുടെ പരാതിയിൽ അന്വേഷണം തുടരുന്നുണ്ടെന്നാണ് പുന്നപ്ര പൊലീസിന്റെ വിശദീകരണം.
    Published by:Anuraj GR
    First published: