പൊലീസിനെ കണ്ട് ഭയന്ന് കായലിലേക്ക് ചാടിയ യുവാവ് മരിച്ചു

തിരുവനന്തപുരം: പൊലീസിനെ കണ്ട് ഭയന്ന് കായലിലേക്ക് ചാടിയ യുവാവ് മരിച്ചു. തിരുവനന്തപുരം അഞ്ചുതെങ്ങ് കായിക്കര പാലത്തിന് സമീപമാണ് സംഭവം. മീൻ പിടിച്ചുകൊണ്ടിരുന്ന പഴഞ്ചിറ സ്വദേശി സാജൻ (28) ആണ് മരിച്ചത്. പൊലീസിനെ കണ്ടതോടെ ഭയന്ന് ഓടുകയും കായലിലേക്ക് എടുത്തുചാടുകയുമായിരുന്നു എന്നാണ് വിവരം.

• തോക്ക് ചൂണ്ടി കവർച്ച; പ്രതി രക്ഷപ്പെടാന്‍ ശ്രമിച്ചു

പൊലീസ് തിരിച്ചുകയറാൻ പറഞ്ഞെങ്കിലും കൂട്ടാക്കാതെ യുവാവ് നീന്താൻ ശ്രമിക്കുകയും തുടർന്ന് കുഴഞ്ഞ് മുങ്ങിത്താഴുകയുമായിരുന്നു. നാട്ടുകാരെത്തി യുവാവിനെ കരക്കുകയറ്റി ഉടന്‍ ചിറയൻകീഴ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഈ മേഖലയിൽ മോഷണവും മദ്യപിച്ച് ബഹളമുണ്ടാക്കലും സംബന്ധിച്ച പരാതികളുണ്ടായതിനെ തുടർന്ന് അന്വേഷിക്കാൻ എത്തിയതായിരുന്നു കടയ്ക്കാവൂർ പൊലീസ്.