കുളത്തില്‍ മുങ്ങിയെന്ന് കരുതിയ ആള്‍ കിടക്കയില്‍ പൊങ്ങി; ഗുരുവായൂര്‍ ആറാട്ടിനിടെ പോലീസിനെയും ഫയര്‍ ഫോഴ്സിനെയും യുവാവ് വട്ടംകറക്കി

ഗു​രു​വാ​യൂ​ർ ക്ഷേ​ത്ര​ത്തി​ലെ ആ​റാ​ട്ട് ദി​വ​സം സഹപ്രവര്‍ത്തകന്‍  ക്ഷേ​ത്ര​ക്കു​ള​ത്തി​ൽ മു​ങ്ങി​പ്പോയെന്ന യു​വാ​വി​ന്‍റെ പ​രാ​തി​യില്‍ വട്ടം ചുറ്റി പോലീസും ഫയര്‍ഫോഴ്സും. യുവാവിനെ കണ്ടെത്താന്‍ പാതിരാത്രിയില്‍ ക്ഷേത്രക്കുളത്തില്‍ രക്ഷാപ്രവര്‍ത്തകര്‍ മു​ങ്ങി​ത്ത​പ്പു​മ്പോ​ൾ മു​ങ്ങി​യെ​ന്ന് പ​റ​ഞ്ഞ​യാ​ൾ സു​ര​ക്ഷി​ത​നാ​യി ത​ന്റെ താ​മ​സ​സ്ഥ​ല​ത്ത് കിടന്ന് ഉറങ്ങുകയായിരുന്നു.

ആ​റാ​ട്ടിനിടെ ക്ഷേ​ത്ര​ക്കു​ള​ത്തി​ൽ ഇറങ്ങിയ സ​ഹ​പ്ര​വ​ർ​ത്ത​ക​ൻ കുളത്തില്‍ നിന്ന് തിരിച്ചു ക​യ​റി​യി​ട്ടി​ല്ലെ​ന്നാണ് സു​ഹൃ​ത്ത് പ​രാ​തി​പ്പെ​ട്ട​ത്. തുടര്‍ന്ന് അ​ഗ്നി​ര​ക്ഷാ സേ​ന​യും പോ​ലീ​സും നാ​ട്ടു​കാ​രും  പലതവണ മുങ്ങി​ത്ത​പ്പി​യി​ട്ടും കാണാതായെന്ന് പറയുന്ന ആ​ളി​ന്റെ പൊ​ടി​പോ​ലും ക​ണ്ടെത്താനായില്ല. ഇ​തി​നി​ടെ​യാ​ണ്  മു​ങ്ങി​യെ​ന്ന് പറ​യു​ന്ന​യാ​ൾ തോ​ർ​ത്തു​ടു​ത്ത് പ​ടി​ഞ്ഞാ​റെ ന​ട​യി​ലൂ​ടെ പോ​കു​ന്ന​ത് ക​ണ്ടു​വെ​ന്ന് മറ്റൊരാള്‍ പ​റ​ഞ്ഞ​ത്.

Also Read- സിപിഎം മതത്തിനോ വിശ്വാസത്തിനോ എതിരായി പ്രവര്‍ത്തിക്കുന്ന പാര്‍ട്ടിയല്ല’; എം വി ഗോവിന്ദന്‍ പത്തനംതിട്ടയിൽ

പിന്നാലെ താ​മ​സ​സ്ഥ​ല​ത്തെത്തി ​നോ​ക്കി​യ​പ്പോ​ൾ കുളത്തില്‍ മുങ്ങിയെന്ന് പറഞ്ഞ ആ​ൾ ക​ട്ടി​ലി​ൽ സുഖമായി കി​ട​ന്നു​റ​ങ്ങു​ന്നു. ആ​റാ​ട്ട് ദി​വ​സം രാ​ത്രി പോലീ​സി​നെ​യും അ​ഗ്നി​ര​ക്ഷ സേ​ന​യേ​യും നാ​ട്ടു​കാ​രേ​യും തെറ്റിധരിപ്പിച്ചതിനും പരിഭ്രാന്തി പരത്തിയതിനും പൊ​തു​ഇ​ട​ത്തി​ൽ ശ​ല്യ​മു​ണ്ടാ​ക്കി​യെ​ന്ന വ​കു​പ്പി​ൽ ഇ​രു​വ​ർ​ക്കു​മെ​തി​രെ കേ​സെ​ടു​ത്തു.