ഫോട്ടോഗ്രാഫറെ വീടിനുളളിൽ മരിച്ച നിലയിൽ കണ്ടെത്തി; സംഭവം തിരുവനന്തപുരം കാട്ടാക്കടയിൽ

തിരുവനന്തപുരം: യുവാവിനെ മരിച്ച നിലയിൽ കണ്ടെത്തി. ഫോട്ടോഗ്രാഫർ കൂടിയായ ബിജു എന്നയാളെയാണ്
കാട്ടാക്കട മുതിയവിള പുല്ലുവിളാകത്തെ വീട്ടിൽ ബുധനാഴ്ച രാവിലെ മരിച്ച നിലയിൽ കണ്ടെത്തിയത്. 38 വയസായിരുന്നു.

മൃതദേഹത്തിന് രണ്ട് ദിവസത്തിലേറെ പഴക്കമുണ്ട്. അവിവാഹിതനായിരുന്നതിനാൽ ഒറ്റയ്ക്കായിരുന്നു ബിജു ഈ വീട്ടിൽ താമസിച്ചിരുന്നത്. രാവിലെ സംഭവം ശ്രദ്ധയിൽപ്പെട്ട നാട്ടുകാരിൽ ചിലർ പൊലീസിനെ വിവരം അറിയിക്കുകയായിരുന്നു.

You may also like:എട്ടുവർഷത്തിനൊടുവില്‍ സ്വർണ്ണ 'ബാധ' ഒഴിഞ്ഞു; മാലയിൽ കുടുങ്ങിയ അധ്യാപകർക്കും മോചനം [NEWS]തുടർച്ചയായ രണ്ട് വർഷത്തെ പ്രളയം ഇത്തവണയും ആവർത്തിക്കുമോ? [NEWS] പാരിജാതം നട്ടു; വെള്ളിശില പാകി; പ്രധാനമന്ത്രി നരേന്ദ്രമോദി രാമക്ഷേത്ര ശിലാന്യാസം നടത്തി [NEWS]

തുടർന്ന് സ്ഥലത്ത് എത്തിയ കാട്ടാക്കട പൊലീസ് കേസെടുത്ത് അന്വേഷണം ആരംഭിച്ചു. ബിജുവിന്റെ മരണത്തിൽ ദുരൂഹതയുണ്ടോ എന്നാണ് പൊലീസ് പ്രധാനമായും പരിശോധിക്കുന്നത്. ഇതിന്റെ ഭാഗമായി നാട്ടുകാരുടെയും ബന്ധുകളുടെയും മൊഴികൾ പൊലീസ് രേഖപ്പെടുത്തുന്നുണ്ട്.

ബിജുവിന് മറ്റ് പ്രശ്‍നങ്ങൾ ഉള്ളതായി ശ്രദ്ധയിൽപ്പെട്ടിട്ടില്ലെന്നാണ് നാട്ടുകാർ പൊലീസിന് മൊഴി നൽകിയത്. മൃതദേഹം ഇൻക്വസ്റ്റ് നടപടികൾ പൂർത്തിയാക്കിയ ശേഷം പോസ്റ്റ് മോർട്ടത്തിനായി ആശുപത്രിയിലേക്ക് മാറ്റി.