Numerology | നിങ്ങളുടെ ജന്മസംഖ്യ മൂന്നാണോ? ജന്മസംഖ്യകളായ ആറും ഒൻപതുമായുള്ള പൊരുത്തം അറിയാം
ആറ് ഉത്തരവാദിത്തത്തെയും പ്രതിബദ്ധതയെയും പ്രതിഫലിപ്പിക്കുന്നു. മൂന്ന് എന്ന ജന്മസംഖ്യയുള്ളവർ യാഥാർഥ്യബോധമുള്ളവരായിരിക്കും.
- News18 Malayalam
- Last Updated :
ഈ രണ്ട് സംഖ്യകളും സർഗ്ഗാത്മകതയെയും കഴിവുകളെയും പ്രതിനിധീകരിക്കുന്നവയാണ്. ആറ് ഉത്തരവാദിത്തത്തെയും പ്രതിബദ്ധതയെയും പ്രതിഫലിപ്പിക്കുന്നു. മൂന്ന് എന്ന ജന്മസംഖ്യയുള്ളവർ യാഥാർഥ്യബോധമുള്ളവരായിരിക്കും. ഉത്തരവാദിത്തങ്ങൾ ഏറ്റെടുക്കുന്നതിലും വാഗ്ദാനങ്ങൾ പാലിക്കുന്നതിലും ഇക്കൂട്ടർ പരാജയപ്പെട്ടേക്കാം. ഇവർ വളരെ മൃദുലഹൃദയരും മറ്റുള്ളവരെ അമിതമായി വിശ്വസിക്കുന്നവരുമാണ്. മൂന്നിന്റെ ഈ ഗുണം അവരെ സംഖ്യ 6-ന്റെ വിദൂര ബന്ധുവാക്കുന്നു. ഇത്തരം സന്ദർഭങ്ങളിൽ ഒന്നുകിൽ ആറ് മൂന്നിനെ പിന്തിരിപ്പിക്കും. അല്ലാത്തപക്ഷം ഇരുവർക്കും പൊതുവായ വിജയവും നേട്ടവും ലഭിക്കും. ഇവർ മികച്ച പ്രഭാഷകരായിരിക്കും അവരുടെ കഴിവുകൾ എങ്ങനെ പ്രകടിപ്പിക്കാമെന്ന് അവർക്കറിയാം. അതിനാൽ അവർ പൊതു പ്രഭാഷകരായി അംഗീകരിക്കപ്പെടുകയും അതുവഴി സാമ്പത്തിക നേട്ടമുണ്ടാക്കുകയും ചെയ്തേക്കാം. രണ്ടുപേർക്കും അങ്ങേയറ്റം സർഗ്ഗാത്മകതയുള്ളവരായതിനാൽ മികച്ച ഡിസൈനർമാരായും ചിത്രകാരന്മാരായും ഗായകരായും സംഗീതജ്ഞരായും കായികതാരങ്ങളായും രാഷ്ട്രീയക്കാരായും മാറാൻ കഴിയും. വീട്ടിലെ സ്ത്രീകൾ കുടുംബത്തിലെ എല്ലാവരുടെയും വിശ്വസ്തരും പ്രിയപ്പെട്ടവരുമാകും. ഏത് പ്രശ്‌നവും അവരുടേതായ രീതിയിൽ പരിഹരിക്കാൻ അവർ എപ്പോഴും മുൻകൈ എടുക്കും. ശ്രീകൃഷ്ണനെയും രാധയെയും ആരാധിക്കുന്നത് നല്ലതാണ്, ഗ്രഹദോഷ പരിഹാരം എന്ന നിലയ്ക്ക് തുളസിച്ചെടിയ്ക്ക് കൽക്കണ്ടം സമർപ്പിക്കുന്നത് നല്ലതാണ്.
ജന്മസംഖ്യകളായ മൂന്നും ഒൻപതും തമ്മിലുള്ള പൊരുത്തം അറിയാം
മൂന്നും ഒൻപതും ജന്മസംഖ്യകളുള്ളവർ നല്ല സുഹൃത്തുക്കളായിരിക്കും. വിപരീത ധ്രുവങ്ങൾ പോലെയായതിനാൽ ഇവർക്കിടയിൽ ആകർഷകത്വം നിലനിൽക്കുന്നു. മികച്ച ബിസിനസ്സ് പങ്കാളികളാകാനും ദമ്പതികളാകാനും ഇക്കൂട്ടർക്ക് സാധിക്കും. വിവാഹിതരായ ദമ്പതികളുടെ ജന്മസംഖ്യകൾ മൂന്നു ഒൻപതുമാണെങ്കിൽ ഒരുമിച്ച് ജോലി ചെയ്യാനോ ബിസിനസ്സ് ചെയ്യാനോ തടസ്സമുണ്ടാകില്ല. ശാസ്ത്രജ്ഞർ, ഡിസൈനിംഗ്, സ്റ്റോക്ക് മാർക്കറ്റ്, ഡോക്ടർമാർ തുടങ്ങിയ മേഖലകളിൽ ഇവർക്ക് പ്രശസ്തിയും പണവും നേടാനാകും. ഇവർ ഉദാരമനസ്കർ ആയിരിക്കും. പ്രധാനപ്പെട്ട മീറ്റിംഗുകളിൽ ചുവപ്പ് അല്ലെങ്കിൽ ഓറഞ്ച് നിറത്തിലുള്ള വസ്ത്രങ്ങൾ ധരിക്കുക.
സംഖ്യാശാസ്ത്രത്തില്‍ 9 വരെയുള്ള നമ്പറുകളെയാണ് പരാമര്‍ശിക്കുന്നത്. 9ന് ശേഷമുള്ള സംഖ്യകളുടെ ഫലങ്ങള്‍ സംഖ്യാശാസ്ത്രത്തില്‍ പറയുന്നില്ല. എന്തെന്നാല്‍, 9ന് ശേഷമുള്ള സംഖ്യ 1ന്റെയും 0-ത്തിന്റെയും സംയോജനമാണ്. അതായത്, 10. അങ്ങനെ പല പല സംഖ്യകള്‍ സംയോജിപ്പിച്ച് വിവിധ നമ്പറുകള്‍ ഉണ്ടാക്കി. അതിനിടയില്‍ പൂജ്യം ന്യൂട്രലായി നില്‍ക്കുന്നുണ്ട്. ഇത് ഗ്രഹങ്ങളെ കുറിച്ചുള്ള പഠനവുമായി ബന്ധിപ്പിക്കാവുന്നതാണ്.
സൗരയൂഥത്തില്‍ ആകെ 9 ഗ്രഹങ്ങളാണുള്ളത്. കുറച്ചുകൂടി ലളിതമായി പറഞ്ഞാല്‍, ഓരോ ഗ്രഹത്തിനും ഓരോ സംഖ്യ നല്‍കുകയും ആ നമ്പറില്‍ വിളിക്കുകയും ചെയ്യുന്നു. സംഖ്യകളെ പരാമര്‍ശിച്ചു കൊണ്ട് സൗരയൂഥത്തിലെ 9 ഗ്രഹങ്ങളെ കുറിച്ചുള്ള സമഗ്ര പഠനമാണ് യഥാര്‍ത്ഥത്തില്‍ സംഖ്യാശാസ്ത്രം എന്ന് അറിയപ്പെടുന്നത്.
ഗ്രഹങ്ങളെ ഏതൊക്കെ സംഖ്യകള്‍ കൊണ്ടാണ് വിശേഷിപ്പിക്കുന്നത് എന്ന് നോക്കാം.
- സൂര്യന്‍ – 1
- ചന്ദ്രന്‍ – 2
- വ്യാഴം – 3
- രാഹു (യുറാനസ്സ്) – 4
- ബുധന്‍ – 5
- ശുക്രന്‍ – 6
- കേതു (നെപ്റ്റിയൂണ്‍) – 7
- ശനി – 8
- ചൊവ്വ – 9
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
