Numerology April 30 | ഐപിഎൽ സൂപ്പർ താരം സഞ്ജു സാംസണിന്റെ ജന്മദിന സംഖ്യയുടെ പ്രത്യേകതകൾ

ഐപിഎൽ സൂപ്പർ താരവും രാജസ്ഥാൻ റോയൽസിന്റെ ക്യാപ്റ്റനുമായ സഞ്ജു സാംസൺ ജനിച്ചത് നവംബർ 11നാണ്. അതായത് രണ്ട് ഒന്നുകൾ അടങ്ങിയ സംഖ്യ. സൂര്യനെ പ്രതിനിധീകരിക്കുന്ന ഒന്ന് എന്ന സംഖ്യ രണ്ട് തവണ വരികയും രണ്ട് സംഖ്യകളും തമ്മിൽ കൂട്ടുമ്പോൾ (1+1=2) ചന്ദ്രനെ പ്രതിനിധീകരിക്കുന്ന 2 എന്ന സംഖ്യയായി മാറുകയും ചെയ്യുന്നു. ഇവിടെ, സൂര്യന്റെയും ചന്ദ്രന്റെയും ഗുണങ്ങൾ വ്യക്തിത്വത്തിൽ കൂടിച്ചേരും.

നിങ്ങൾ സഞ്ജു സാംസണെ നിരീക്ഷിച്ചിട്ടുണ്ടെങ്കിൽ അറിയാൻ സാധിക്കും അദ്ദേഹം വളരെ ലാളിത്യം നിറഞ്ഞ വ്യക്തിയാണെന്ന്. ഈ സ്വഭാവ സവിശേഷത അദ്ദേഹത്തിന്റെ വ്യക്തിത്വത്തെ ആകർഷകമാക്കുന്നു. വളരെ ലളിതവും ശാന്തവും ദയയുള്ളതുമായ വ്യക്തിയാണ് സഞ്ജു സാംസൺ. ഇത് ചന്ദ്രനെ പ്രതിനിധീകരിക്കുന്ന 2 എന്ന സംഖ്യയുടെ ഗുണഗണങ്ങളാണ്.

ഗ്രൗണ്ടിലെ പല കളിക്കാരെക്കാളും വളരെ മുകളിലാണ് അദ്ദേഹത്തിന്റെ ക്രിക്കറ്റ് സംബന്ധമായ അവബോധം. എന്നാൽ അദ്ദേഹം വളരെ ക്ഷമാശീലനാണ്. ആത്മവിശ്വാസവും ആത്മാഭിമാനവും നിറഞ്ഞ വ്യക്തിത്വമാണ്. അനുനയിപ്പിക്കാനുള്ള അതുല്യമായ കഴിവും സഞ്ജു സാംസണുണ്ട്. ഈ ഗുണങ്ങൾ അദ്ദേഹത്തെ മികച്ച ക്യാപ്റ്റനും ടീം ലീഡറുമാക്കി മാറ്റുന്നു. ആധിപത്യം സ്ഥാപിക്കാൻ സാധിക്കും. എന്നാൽ മറ്റുള്ളവർക്ക് പ്രചോദനമായും എല്ലാ ടീം അംഗങ്ങളുടെയും ആവശ്യം പരിഗണിച്ചുമായിരിക്കും പ്രവർത്തിക്കുക. മറ്റുള്ളവരെ വേദനിപ്പിക്കാതെ ആധിപത്യം സ്ഥാപിക്കാൻ കഴിയുന്ന ഈ ഗുണം സഞ്ജു സാംസണിനെപ്പോലെ നവംബർ 11 ന് ജനിച്ച വ്യക്തികൾക്ക് മാത്രമേ ഉണ്ടാകൂ.

ഐപിഎൽ സീസൺ 2023ൽ സഞ്ജു സാംസണിന്റെ പ്രകടം എങ്ങനെ ആയിരിക്കുമെന്ന് നോക്കാം..

ഈ സീസണിൽ മറ്റ് കളിക്കാരിൽ നിന്ന് ബാറ്റിംഗിൽ മികച്ച ഏകോപനമുണ്ടാക്കാൻ അദ്ദേഹം ശ്രമിക്കേണ്ടതുണ്ട്. ഇത് വിജയത്തിലേക്ക് നയിച്ചേക്കാം. അല്ലാത്തപക്ഷം 2024ലാകും ഒരു സുവർണ്ണ കാലം സഞ്ജുവിനെ കാത്തിരിക്കുന്നത്. ന്യൂമറോളജി പ്രകാരം അദ്ദേഹത്തിന് അനുയോജ്യമായ മികച്ച ജേഴ്‌സി നമ്പറാണ് ലഭിച്ചിട്ടുള്ളത്. 9 ആണ് സഞ്ജുവുന്റെ ജേഴ്സി നമ്പർ. എല്ലാ ക്രിക്കറ്റ് ഫോർമാറ്റുകൾക്കും എല്ലാ സീസണുകളിലും അദ്ദേഹത്തിന് ഈ നമ്പർ തികച്ചും അനുകൂലമാണ്.

ഭാഗ്യ നിറങ്ങൾ: നീല, പർപ്പിൾ ഭാഗ്യദിനം: തിങ്കൾ ഭാഗ്യ നമ്പർ: 2, 9 ദാനം ചെയ്യേണ്ടത്: അനാഥാലയത്തിൽ പഞ്ചസാരയോ പാലോ നൽകുക മൊബൈൽ കവർ ചുവപ്പ് നിറമുള്ളതായിരിക്കാൻ ശ്രദ്ധിക്കുക.

സംഖ്യാശാസ്ത്രം ( numerology ) എന്ന വാക്ക് നിങ്ങൾ പലപ്പോഴും കേട്ടുകാണും. എന്നാൽ യഥാർത്ഥത്തിൽ എന്താണ് സംഖ്യാശാസ്ത്രം? സൗരയൂഥത്തിൽ ആകെ 9 ഗ്രഹങ്ങളാണുള്ളത്. കുറച്ചുകൂടി ലളിതമായി പറഞ്ഞാൽ, ഓരോ ഗ്രഹത്തിനും ഓരോ സംഖ്യ നൽകുകയും ആ നമ്പറിൽ വിളിക്കുകയും ചെയ്യുന്നു. 9ന് ശേഷമുള്ള സംഖ്യ 1ന്റെയും 0ത്തിന്റെയും സംയോജനമാണ്. സംഖ്യകളെ പരാമർശിച്ചുകൊണ്ട് സൗരയൂഥത്തിലെ 9 ഗ്രഹങ്ങളെ കുറിച്ചുള്ള സമഗ്ര പഠനമാണ് യഥാർത്ഥത്തിൽ സംഖ്യാശാസ്ത്രം എന്ന് അറിയപ്പെടുന്നത്.