വീണയ്ക്കും വാണിയ്ക്കും പരീക്ഷ എഴുതാനാകുമോ? സംയോജിത ഇരട്ടസഹോദരിമാർക്ക് കടമ്പകളേറെ

വീണയെയും വാണിയെയും ഒരാളായി കാണണോ അതോ, രണ്ടാളായി കാണണമോയെന്ന സന്ദേഹത്തിലാണ് വിദ്യാഭ്യാസവകുപ്പ്. ഇവർക്ക് ഒരു ഹാൾ ടിക്കറ്റ് നൽകണോ അതോ രണ്ടെണ്ണം നൽകണമോയെന്ന കാര്യത്തിലാണ് ആശങ്ക...

News18 Malayalam | news18-malayalam
Updated: December 26, 2019, 6:02 PM IST
വീണയ്ക്കും വാണിയ്ക്കും പരീക്ഷ എഴുതാനാകുമോ? സംയോജിത ഇരട്ടസഹോദരിമാർക്ക് കടമ്പകളേറെ
veena-vani-twins
  • Share this:
ഹൈദരാബാദ്: ജനിച്ചതുമുതൽ അതിജീവനത്തിന് ബുദ്ധിമുട്ടുന്ന സംയോജിത ഇരട്ടസഹോദരിമാർക്ക് ഇപ്പോൾ പഠനം മുന്നോട്ടുകൊണ്ടുപോകുന്നതിനും കടമ്പകളേറെ. 2020 മാർച്ചിൽ നടക്കുന്ന പത്താം ക്ലാസ് പരീക്ഷ എഴുതാനുള്ള അനുമതി ലഭിക്കുമോയെന്ന ആശങ്കയാണ് ഹൈദരാബാദിലെ വീണയ്ക്കും വാണിയ്ക്കും ഉള്ളത്. വീണയെയും വാണിയെയും ഒരാളായി കാണണോ അതോ, രണ്ടാളായി കാണണമോയെന്ന സന്ദേഹത്തിലാണ് വിദ്യാഭ്യാസവകുപ്പ്. ഇവർക്ക് ഒരു ഹാൾ ടിക്കറ്റ് നൽകണോ അതോ രണ്ടെണ്ണം നൽകണമോയെന്ന കാര്യത്തിലാണ് ആശങ്ക.

'വീണ-വാണി' വിഷയത്തിൽ അനുമതിയും വ്യക്തതയും ആവശ്യപ്പെട്ട് ജില്ലാ വിദ്യാഭ്യാസ ഓഫീസർ എഴുതിയ കത്താണ് വിദ്യാഭ്യാസവകുപ്പിനെ ആശങ്കയിലാഴ്ത്തിയത്. നടപടിക്രമമനുസരിച്ച്, ഓപ്പൺ സ്കൂൾ സമ്പ്രദായത്തിൽ പരീക്ഷ എഴുതുന്ന വിദ്യാർത്ഥികൾ, ഏതെങ്കിലും സർക്കാർ സ്കൂളിലോ സ്വകാര്യ സ്കൂളിലോ സ്വയം പ്രവേശനം നേടേണ്ടതുണ്ട്. ഹൈദരാബാദിലെ വെംഗൽറാവു നഗറിലെ സർക്കാർ ഹൈസ്കൂളിലാണ് വീണയും വാണിയും പ്രവേശനം നേടി പഠനം തുടർന്നത്.

അതേസമയം, സ്ത്രീകളും ശിശുക്ഷേമ വകുപ്പും നടത്തുന്ന സ്റ്റേറ്റ് ഹോമിൽ അവരുടെ പഠനത്തിനായി തെലങ്കാന സർക്കാർ പ്രത്യേക ക്രമീകരണം നൽകി. അധ്യാപകരും വിഷയ വിദഗ്ധരും താമസസ്ഥലത്ത് എത്തി അവരെ പഠിപ്പിക്കാറുണ്ടായിരുന്നു. എന്നിരുന്നാലും, ഏഴ്, എട്ട്, ഒമ്പത് ഗ്രേഡുകളിൽ മികച്ച മാർക്ക് നേടിയാണ് ഇരുവരും പത്താം ക്ലാസിൽ എത്തിയത്. പത്താം ക്ലാസിലെ ടേം പരീക്ഷ ഇവർ എഴുതുകയും ചെയ്തിരുന്നു. അതിനുശേഷം പത്താം ക്ലാസിലെ പൊതുപരീക്ഷ എഴുതുന്നതിനെക്കുറിച്ച് ആശങ്കകൾ ഉയർന്നത്. ഹൈദരാബാദിലെ ഡി.ഇ.ഒ വെങ്കട നർസമ്മ സ്‌കൂൾ വിദ്യാഭ്യാസ കമ്മീഷണർക്ക് വിജയ് കുമാറിന് ഇതുസംബന്ധിച്ച് കത്തെഴുതിയത്. എന്നാൽ ഇതുസംബന്ധിച്ച് ഇനിയും ഒരു തീരുമാനത്തിൽ എത്താൻ സംസ്ഥാന വിദ്യാഭ്യാസവകുപ്പിന് സാധിച്ചിട്ടില്ല.

'ഞങ്ങൾ പരീക്ഷകൾക്ക് തയ്യാറെടുക്കുകയാണ്, സർക്കാരിന്റെ തീരുമാനമനുസരിച്ച് പരീക്ഷ എഴുതാം. പക്ഷേ ഞങ്ങൾ പ്രത്യേകം എഴുതാൻ ആഗ്രഹിക്കുന്നു. എല്ലാ വിഷയങ്ങളിലും ഇതുവരെ മികച്ച പ്രകടനം നടത്താനായി. അത് പത്താം ക്ലാസ് പരീക്ഷയിലും ആവർത്തിക്കാനാകുമെന്നാണ് പ്രതീക്ഷ'- ഒരു മാധ്യമത്തിന് നൽകിയ അഭിമുഖത്തിൽ വീണയും വാണിയും പറഞ്ഞു.

2002 ൽ മഹാബൂബാബാദ് ജില്ലയിലെ ദന്തലപ്പള്ളി മണ്ഡലത്തിലെ ബിയറിസെറ്റിഗുഡെം ഗ്രാമത്തിൽ മുരളിയുടെയും നാഗാലക്ഷ്മിയുടെയും മക്കളായാണ് സയാമീസ് ഇരട്ടകളായ വീണയും വാണിയും ജനിച്ചത്. കുട്ടിക്കാലം മുതൽ വിവിധ ആരോഗ്യപ്രശ്നങ്ങൾ നേരിടുന്ന രണ്ട് പെൺകുട്ടികളും ഹൈദരാബാദിലെ നിലോഫർ ആശുപത്രിയിൽ ചികിത്സ തേടിയിരുന്നു. 2017 ജനുവരിയിൽ സർക്കാർ സ്റ്റേറ്റ് ഹോം റണ്ണുകളിലേക്ക് മാറ്റി. പ്രത്യേക അദ്ധ്യാപകരുടെ പിന്തുണയോടെ വീണയും വാണിയും പഠിച്ചു.

ഇവരെ വേർപെടുത്തുന്നതിനുള്ള ശസ്ത്രക്രിയ അപകടകരമാകുമെന്ന് മെഡിക്കൽ വിദഗ്ധർ അഭിപ്രായപ്പെട്ടിരുന്നു. എന്നാൽ അത്യാധുനിക ചികിത്സയിലൂടെ പെൺകുട്ടികളെ വേർപെടുത്താൻ ശസ്ത്രക്രിയ നടത്തുന്നതിനുള്ള ചെലവ് വഹിക്കണമെന്ന് പെൺകുട്ടികളുടെ മാതാപിതാക്കൾ തെലങ്കാന സർക്കാരിനോട് ആവശ്യപ്പെട്ടിരുന്നു. വീണ-വാണിമാരുടെ അവസ്ഥയെ 'ക്രാനിയോപാഗസ്' എന്നാണ് വൈദ്യശാസ്ത്രം വിശേഷിപ്പിക്കുന്നത്. തലകൾ സംയോജിച്ചിരിക്കുന്ന ഇരട്ടകളെയാണ് ഇങ്ങനെ വിളിക്കുന്നത്.

12 വയസ്സിനു ശേഷം ആശുപത്രിയിൽ തുടരാൻ കഴിയില്ലെന്ന് ആശുപത്രി അധികൃതർ പറഞ്ഞു. വീട്ടിലെ ദാരിദ്ര്യം കാരണം കൂലിപണിയെടുക്കുന്ന മാതാപിതാക്കൾക്ക് അവരുടെ സംരക്ഷണം ബുദ്ധിമുട്ടേറിയതായിരുന്നു. ലണ്ടനിൽ നിന്നും സിംഗപ്പൂരിൽ നിന്നുമുള്ള അന്തർദ്ദേശീയ മെഡിക്കൽ, ശസ്ത്രക്രിയാ വിദഗ്ധർ കഴിഞ്ഞ നിരവധി വർഷങ്ങളായി വിവിധ സന്ദർഭങ്ങളിൽ വീണയെയും വാണിയെയും പരിശോധിച്ചിരുന്നു. എന്നാൽ ഏറ്റവും സങ്കീർണ്ണമായ ശസ്ത്രക്രിയയിലൂടെ മാത്രമെ ഇവരെ വേർപെടുത്താനാകൂവെന്നും അതിന് പത്ത് കോടി രൂപയെങ്കിലും ചെലവ് വരുമെന്നുമാണ് വിദേശത്തുനിന്നുള്ള ഡോക്ടർമാർ അഭിപ്രായപ്പെട്ടത്.
Published by: Anuraj GR
First published: December 26, 2019, 6:02 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading