കേരളത്തിലെ ഭക്തർക്ക് തിരുപ്പതി ദർശനം ഇനി എളുപ്പം; തിരുമല ദേവസ്ഥാനത്തിന്‌ എറണാകുളത്ത് ഇ സേവ & ഇൻഫർമേഷൻ കൗണ്ടർ വരുന്നു

തിരുമല തിരുപ്പതി ദേവസ്ഥാനത്തിന്‌ എറണാകുളത്ത് ഉടൻ ഇ സേവ ആൻഡ്  ഇൻഫർമേഷൻ കൗണ്ടർ ആരംഭിക്കും. എറണാകുളം ടിഡി അമ്പലത്തിനോടനുബന്ധിച്ചാണ്‌ ആരംഭിക്കു വാനുദ്ദേശിക്കുന്നത്. 300 വർഷം പഴക്കമുള്ള ബാലാജി പ്രതിഷ്ഠയുള്ള അമ്പലമാണ്‌ എറണാകുളത്തെ ടി ഡി അമ്പലം.

also read:സന്നിധാനത്ത് കോരിച്ചൊരിയുന്ന മഴ; അയ്യപ്പഭക്തർക്ക് കൈത്താങ്ങായി പൊലീസ്

ഇ സേവ ആൻഡ് ഇൻഫർമേഷൻ കൗണ്ടർ യാഥാർത്ഥ്യമാകുന്നതോടെ കേരളത്തിലെ ലക്ഷക്കണക്കിന്‌ വരുന്ന ബാലാജി ഭക്തർക്ക് തിരുപ്പതിയിലെ ദർശനം കൂടുതൽ സൗകര്യപ്രദമാകും.  എറണാകുളം തിരുമല ദേവസ്വം ഇതിന്‌ മുൻപ് ആന്ധ്ര പ്രദേശ് മുഖ്യമന്ത്രിക്കും മറ്റും അപേക്ഷ നല്കിയിരുന്നു.

ഈ സാഹചര്യത്തിൽ എറണാകുളം എം പി ഹൈബി ഈഡൻ തിരുമല തിരുപ്പതി ദേവസ്ഥാനം ചെയർമാൻ വൈ.വി സുബ്ബ റെഡ്ഡിയുമായി കൂടി ക്കാഴ്ച്ച നടത്തിയിരുന്നു. ചർച്ചകളുടെ അടിസ്ഥാനത്തിലാണ് കൗണ്ടറുടൻ തന്നെ ആരംഭിക്കുന്നതിനുള്ള നടപടികൾ സ്വീകരിക്കുമെന്ന് ചെയർമാൻ ഉറപ്പ് നല്കിയത്.