നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • life
    • »
    • Global Handwashing Day 2021 | കോവിഡ് സാഹചര്യത്തില്‍ കൈ കഴുകുന്നതിന്റേയും ശുചിയായി സൂക്ഷിക്കുന്നതിന്റേയും പ്രാധാന്യം

    Global Handwashing Day 2021 | കോവിഡ് സാഹചര്യത്തില്‍ കൈ കഴുകുന്നതിന്റേയും ശുചിയായി സൂക്ഷിക്കുന്നതിന്റേയും പ്രാധാന്യം

    ശരിയായി കൈ കഴുകുന്നതിലൂടെ കോവിഡ് -19 ബാധിതനാവാനുള്ള സാധ്യത 36% കുറയ്ക്കാനാകും

    • Share this:
      ഒക്ടോബര്‍ 15 അന്താരാഷ്ട്ര കൈകഴുകല്‍ കാമ്പെയ്ന്‍, ആഗോള കൈ കഴുകല്‍ ദിനമായി ആചരിക്കാന്‍ യുഎന്‍ ജനറല്‍ അസംബ്ലി തീരുമാനിച്ചത് 2008ലാണ്. 2021ലെ ആഗോള കൈകഴുകല്‍ ദിനത്തില്‍, കോവിഡ് -19 വ്യാപിച്ചു വരുന്ന ഈ സാഹചര്യത്തില്‍ കൈകഴുകുന്നതിന്റെ പ്രാധാന്യത്തെക്കുറിച്ച് കൂടുതലറിയാം.

      ഭക്ഷണം കഴിക്കുന്നതിന് മുമ്പ് കൈ കഴുകുന്നത് എല്ലായ്‌പ്പോഴും ശുചിത്വം നിലനിര്‍ത്താനുള്ള ഒരു മാര്‍ഗമാണ്. ഇപ്പോള്‍ പകര്‍ച്ചവ്യാധി വ്യാപിക്കുന്നതിനാല്‍, ഭക്ഷണത്തിന് മുമ്പ് മാത്രമല്ല, കണ്ണുകള്‍, മൂക്ക്, വായ, മുഖം എന്നിവ സ്പര്‍ശിക്കുന്നതിനുമുമ്പ് എല്ലായ്‌പ്പോഴും കൈ കഴുകുന്നത് നിര്‍ബന്ധമാണ്.

      നിങ്ങള്‍ സ്വയം ആരോഗ്യവാനായിരിക്കാനും കൊറോണ വൈറസ് ബാധിക്കാതിരിക്കാനും നിങ്ങള്‍ ആഗ്രഹിക്കുന്നുവെങ്കില്‍, നിങ്ങള്‍ വ്യക്തിപരമായ ശുചിത്വം പാലിക്കണ്ടേത് ആവശ്യമാണ്. ഇന്നത്തെ സാഹചര്യത്തില്‍ പ്രത്യേകിച്ചും ആശങ്കാജനകമായ വിഷയമായി മാറിയിരിക്കുകയാണ് ശുചിത്വം.

      നമുക്കറിയാവുന്നതുപോലെ, ഈ വൈറസ് മലിനമായ പ്രതലങ്ങളില്‍ സ്പര്‍ശിക്കുന്നതിലൂടെ പടരുന്നു. അതുകൊണ്ടാണ് മാസ്‌കുകള്‍ ധരിക്കുക, കൈകള്‍ വൃത്തിയാക്കുക, സോപ്പ് ഉപയോഗിച്ച് 20 സെക്കന്‍ഡ് കൈകഴുകുക എന്നത് ഒരു പ്രോട്ടോക്കോളായി മാറിയത്.

      നല്ല ശീലങ്ങളായി കണ്ടിരുന്ന ഇതെല്ലാം 2019 മുതല്‍ നിര്‍ബന്ധമായും പാലിക്കേണ്ട ശീലങ്ങളായി മാറുകയും ഇപ്പോള്‍ ഒരു ദിനചര്യായാകുകയും ചെയ്തു.

      credit: shutterstock


      ആഗോള പ്രചരണത്തിന്റെ ആരംഭത്തില്‍, നല്ല ശുചിത്വത്തിലൂടെ ശ്വാസകോശ, കുടല്‍ രോഗങ്ങള്‍ 25-50%വരെ ലഘൂകരിക്കാനാകുമെന്ന് തിരിച്ചറിഞ്ഞതിനാല്‍ സോപ്പ് ഉപയോഗിച്ച് കൈകഴുകുന്നതിന്റെ ആവശ്യകതയെക്കുറിച്ചും പ്രയോജനത്തെക്കുറിച്ചും അവബോധം വളര്‍ത്തുന്നതിലാണ് ശ്രദ്ധ കേന്ദ്രീകരിച്ചിരുന്നത്. ലോകാരോഗ്യ സംഘടനയുടെ അഭിപ്രായത്തില്‍, രോഗാണുക്കള്‍ പടരുന്നതിനുള്ള ആദ്യ വഴിയാണ് കൈകള്‍.

      ശരിയായി കൈ കഴുകുന്നതിലൂടെ കോവിഡ് -19 ബാധിതനാവാനുള്ള സാധ്യത 36% കുറയ്ക്കാനാകുമെന്ന് യൂണിസെഫ് പറയുന്നു. പകര്‍ച്ചവ്യാധികള്‍ പടരാതിരിക്കാനും രോഗം വരാതിരിക്കാനുമുള്ള ഏറ്റവും ഫലപ്രദമായ മാര്‍ഗം കൂടിയാണിത്.

      ടോയ്ലറ്റ് ഉപയോഗിച്ചതിന് ശേഷം, ഭക്ഷണം തയ്യാറാക്കുന്നതിനുമുമ്പ്, ഭക്ഷണം കഴിച്ചതിന് ശേഷം, മുഖത്ത് സ്പര്‍ശിക്കുക, ചുമയ്ക്കുകയോ തുമ്മുകയോ ചെയ്യ്തതിന് ശ്ഷം, ഒരു പൊതു ഇടം സന്ദര്‍ശിച്ചതിന് ശേഷം (പബ്ലിക്ക് റോഡുകള്‍, മാര്‍ക്കറ്റുകള്‍, ആരാധനാലയങ്ങള്‍), പുറം പ്രതലങ്ങളില്‍ സ്പര്‍ശിച്ചതിന് ശേഷം (പണം, ചവറുകള്‍, പാക്കേജുകള്‍, മെയിലുകള്‍, പലചരക്ക്, ബാഗുകള്‍) 20 സെക്കന്‍ഡ് സോപ്പ് ഉപയോഗിച്ച് കൈ കഴുകുന്നത് കോവിഡ് -19 വ്യാപിക്കുന്ന ഈ സമയങ്ങളിലെ നിശ്ചിത ഇടവേളകളില്‍ നിര്‍ബന്ധമാണ്.

      കൈ കഴുകുന്നതിലൂടെ ശുചിത്വവും പ്രതിരോധശേഷിയും വര്‍ദ്ധിപ്പിക്കാമെന്നും അതിന്റെ ആവശ്യകതയും കോവിഡ് 19ലൂടെ ലോകം മനസ്സിലാക്കി. നമ്മുടെ ആരോഗ്യവും സുരക്ഷയും പരിപാലിക്കാന്‍ നാം ഇത് പാലിക്കോണ്ടത് വളരെ ആവശ്യമാണ്.

      കൈകഴുകലിന്റെ സമ്പൂര്‍ണ്ണ ആവശ്യകതയെക്കുറിച്ച് അറിയുവാനും മനസ്സിലാക്കുവാനും ഈ ആഗോള കൈകഴുകല്‍ ദിനത്തിനായി തിരഞ്ഞെടുത്ത വിഷയം 'നമ്മുടെ ഭാവി കൈകളിലാണ്- നമുക്ക് ഒരുമിച്ച് മുന്നേറാം' എന്നതാണ്.
      Published by:Karthika M
      First published:
      )}