നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • life
    • »
    • കോവിഡ് 19: ആഘോഷം, കൺവെൻഷൻ, തീർത്ഥാടനം നിയന്ത്രിക്കുമെന്ന് ബിഷപ്പ് കൗൺസിൽ

    കോവിഡ് 19: ആഘോഷം, കൺവെൻഷൻ, തീർത്ഥാടനം നിയന്ത്രിക്കുമെന്ന് ബിഷപ്പ് കൗൺസിൽ

    Corona Virus | വിശ്വാസികൾ കൂടുതൽ എത്തുന്ന ദുഃഖ വെള്ളി, ഈസ്റ്റർ ദിവസങ്ങളിൽ കൂടുതൽ കരുതൽ വേണമെന്നു സർക്കുലറിൽ എടുത്തു പറയുന്നു

    കെസിബിസി

    കെസിബിസി

    • Share this:
    കൊച്ചി: കോവിഡ് 19 രോഗത്തിനെതിരെ മാർഗ്ഗ നിർദ്ദേശങ്ങളുമായി കേരള കാത്തലിക് ബിഷപ്പ് കൗൺസിൽ (കെസിബിസി). രോഗ വ്യാപനം  തടയാൻ ഉചിതവും യുക്തവുമായ നടപടികൾ സ്വീകരിക്കാൻ കെസിബിസി നിർദ്ദേശം നൽകി. ഇതിനായി  മാർഗ നിർദ്ദേശം നൽകുന്ന സർക്കുലറും  പുറത്തിറക്കി.

    ആഘോഷങ്ങൾ, കൺവെൻഷൻ, തീർത്ഥാടനം എന്നിവയ്ക്ക് നിയന്ത്രണം ഏർപ്പെടുത്താനാണ്  നിർദ്ദേശം.കോവിഡ് കൂടുതൽ റിപ്പോർട്ട്‌ ചെയ്ത സ്ഥലത്തു കർശന നിയന്ത്രണം വേണം. സ്ഥിതിഗതികൾ പഠിച്ച ശേഷം കൂടുതൽ നിയന്ത്രണം കൊണ്ടുവരും.അതു ഓരോ പ്രദേശത്തെയും സാഹചര്യം വിലയിരുത്തിയാകും തീരുമാനം. അതാതു പള്ളിയിലെ ഇടവക വികാരിമാർക്ക് ഇക്കാര്യത്തിൽ ഉചിതമായ തീരുമാനമെടുക്കാം. ഇത് സംബന്ധിച്ച കെസിബിസി നിർദേശം പള്ളികളിൽ വായിച്ചു.



    മുംബൈ ആർച് ബിഷപ്പും കാത്തലിക് ബിഷപ്പ് കൗൺസിൽ ഓഫ് ഇന്ത്യ പ്രസിഡന്റുമായ കർദിനാൾ ഒസ്വാൾ ഗ്രേഷ്യസ് മുംബൈയിലുള്ള പള്ളികൾക്ക് നൽകിയ നിർദ്ദേശവും സർക്കുലറിനൊപ്പമുണ്ട്.
    You may also like:നടിയെ ആക്രമിച്ച കേസിൽ നടി ബിന്ദു പണിക്കരും മൊഴി മാറ്റി [NEWS]പശുവിനെ ലൈംഗികമായി പീഡിപ്പിച്ചു കൊന്ന യുവാവ് അറസ്റ്റിൽ; നിഷ്ഠൂര ക്രൂരകൃത്യമെന്ന് പൊലീസ് [NEWS]കൊറോണ മറച്ച സൂര്യോദയം ആസ്വദിക്കുന്ന മുത്തച്ഛൻ; ഹൃദയത്തിൽ തൊടുന്ന ചിത്രം ഏറ്റെടുത്ത് സോഷ്യൽ മീഡിയ [NEWS]
    വിശ്വാസികൾ കൂടുതൽ എത്തുന്ന ദുഃഖ വെള്ളി, ഈസ്റ്റർ ദിവസങ്ങളിൽ കൂടുതൽ കരുതൽ വേണമെന്നു സർക്കുലറിൽ എടുത്തു പറയുന്നു. ഈ ദിവസങ്ങളിൽ കുരിശു ചുംബനം ഒഴിവാക്കി വണക്കം മാത്രമാക്കുക, ദിവ്യകാരുണ്യം  വിശ്വാസികൾക്ക് നേരിട്ട് നാവിൽ നൽകാതെ  കൈകളിൽ നൽകുക, ദേവാലയത്തിൽ കണ്ടുമുട്ടുമ്പോൾ ഹസ്തദാനം ഒഴിവാക്കി നമസ്തേ പറയുന്ന ശൈലിയാക്കുക തുടങ്ങിയ നിർദ്ദേശങ്ങളും  സർക്കുലറിൽ ഉണ്ട്.

    അസുഖ ബാധിതർക്കായും ചികിത്സാരംഗത്തു പ്രവർത്തിക്കുന്നവർക്കു വേണ്ടിയും പ്രത്യേകം പ്രാർത്ഥിക്കാനും സർക്കുലർ വിശ്വാസികളോട് പറയുന്നു.
    First published:
    )}