• HOME
  • »
  • NEWS
  • »
  • life
  • »
  • High Cholesterol | എന്താണ് ഉയർന്ന കൊളസ്ട്രോൾ? ശരീരം നൽകുന്ന മുന്നറിയിപ്പുകൾ

High Cholesterol | എന്താണ് ഉയർന്ന കൊളസ്ട്രോൾ? ശരീരം നൽകുന്ന മുന്നറിയിപ്പുകൾ

എൽഡിഎൽ (ലോ-ഡെൻസിറ്റി ലിപ്പോപ്രോട്ടീൻ) അല്ലെങ്കിൽ ചീത്ത കൊളസ്ട്രോൾ ഹൃദയാഘാതം പോലുള്ള ആരോഗ്യപ്രശ്നങ്ങളിലേക്ക് നയിച്ചേക്കാം

(പ്രതീകാത്മക ചിത്രം)

(പ്രതീകാത്മക ചിത്രം)

  • Share this:
    മനുഷ്യശരീരത്തിൽ കരൾ ഉൽപ്പാദിപ്പിക്കുന്ന കൊഴുപ്പ് പോലെയുള്ള പദാർത്ഥമാണ് കൊളസ്ട്രോൾ (Cholesterol). കോശ സ്തരങ്ങൾ, ഹോർമോണുകൾ, വിറ്റാമിൻ ഡി എന്നിവയുടെ രൂപീകരണത്തിന് ഇത് സഹായിക്കുന്നു. കൊളസ്ട്രോൾ വെള്ളത്തിൽ ലയിക്കാത്തതിനാൽ ശരീരത്തിൽ സ്വന്തമായി സഞ്ചരിക്കാൻ കഴിയില്ല. രക്തപ്രവാഹത്തിലൂടെ കൊളസ്ട്രോൾ കൊണ്ടുപോകാൻ ലിപ്പോപ്രോട്ടീനുകൾ സഹായിക്കുന്നു, അവ രണ്ട് പ്രധാന തരത്തിലാണ്; എൽഡിഎൽ, എച്ച്ഡിഎൽ.

    എൽഡിഎൽ (ലോ-ഡെൻസിറ്റി ലിപ്പോപ്രോട്ടീൻ) അല്ലെങ്കിൽ ചീത്ത കൊളസ്ട്രോൾ ഹൃദയാഘാതം പോലുള്ള ആരോഗ്യപ്രശ്നങ്ങളിലേക്ക് നയിച്ചേക്കാം. ധമനികളിൽ എൽഡിഎൽ അടിഞ്ഞുകൂടുകയും അവയിൽ തടസ്സം സൃഷ്‌ടിക്കുകയും ചെയ്യുന്നു. HDL (ഉയർന്ന സാന്ദ്രതയുള്ള ലിപ്പോപ്രോട്ടീനുകൾ) നല്ല കൊളസ്ട്രോൾ എന്ന് വിളിക്കപ്പെടുന്നു. അവ ശരീരത്തിൽ നിന്ന് നീക്കം ചെയ്യുന്നതിനായി അധിക എൽഡിഎൽ കരളിലേക്ക് തിരികെ കൊണ്ടുവരാൻ സഹായിക്കുന്നു.

    കൊഴുപ്പ് കൂടിയ ഭക്ഷണങ്ങളുടെ ഉപഭോഗം മൂലം നിങ്ങളുടെ രക്തത്തിൽ എൽഡിഎൽ വർദ്ധിക്കുമ്പോൾ, ഈ അവസ്ഥയെ ഉയർന്ന കൊളസ്ട്രോൾ എന്ന് വിളിക്കുന്നു. ഇത് ഹൈപ്പർ കൊളസ്‌ട്രോളീമിയ അല്ലെങ്കിൽ ഹൈപ്പർലിപിഡെമിയ എന്നും അറിയപ്പെടുന്നു. ഉയർന്ന കൊളസ്‌ട്രോളിനെ ധമനികളിൽ കൊഴുപ്പ് അടിഞ്ഞുകൂടാൻ കാരണമാകുന്ന അസാധാരണമായ ഉയർന്ന അളവിലുള്ള എൽഡിഎൽ, അല്ലെങ്കിൽ അസാധാരണമായ കുറഞ്ഞ അളവിലുള്ള എച്ച്‌ഡിഎൽ എന്നിവയാൽ തരം തിരിച്ചിരിക്കുന്നു. ഇത് ധമനികളിൽ തടസ്സം സൃഷ്ടിക്കുകയും രക്തയോട്ടം തടസ്സപ്പെടുത്തുകയും ഹൃദയത്തിലും തലച്ചോറിലും മാരകമായ പ്രശ്നങ്ങൾ ഉണ്ടാക്കുകയും ചെയ്യുന്നു.

    ഹെൽത്ത്‌ലൈൻ പറയുന്നതനുസരിച്ച്, നിങ്ങൾക്ക് ഉയർന്ന കൊളസ്ട്രോൾ ഉണ്ടോയെന്ന് അറിയാനുള്ള ഏക മാർഗം രക്തപരിശോധനയാണ്. രോഗലക്ഷണങ്ങൾ തുടക്കത്തിൽ തന്നെ പ്രകടമാകില്ലെങ്കിലും, നിങ്ങൾ ശ്രദ്ധിക്കേണ്ട ചില സൂചനകൾ ഇവയാണ്:

    ഉയർന്ന രക്തസമ്മർദ്ദം: ഉയർന്ന എൽഡിഎൽ അളവിലേക്ക് ധമനികൾ തടയപ്പെടുമ്പോൾ, രക്തം കടന്നുപോകുന്നത് ബുദ്ധിമുട്ടാണ്. ഇത് നിങ്ങളുടെ രക്തസമ്മർദ്ദം വർദ്ധിപ്പിക്കും. നിങ്ങൾക്ക് ഉയർന്ന രക്തസമ്മർദ്ദം ഉള്ളതായി നിരീക്ഷിച്ചാൽ, ഒരു ഡോക്ടറെ സന്ദർശിക്കുക.

    അമിതഭാരം: കൊഴുപ്പുള്ള ഭക്ഷണം കഴിക്കുന്നത് ശരീരഭാരം വർദ്ധിപ്പിക്കും. എൽഡിഎൽ അളവ് വളരെ കൂടുതലാകുമ്പോൾ, വ്യക്തികളിൽ അസാധാരണമായി ശരീരഭാരം വർദ്ധിക്കുന്നത് കാണാം.

    രാത്രിയിൽ കാൽ വെള്ളയിലെ തണുപ്പും, മാംസപേശിയുടെ വലിവും: ഉയർന്ന കൊളസ്ട്രോൾ നിങ്ങളുടെ കാലുകളിൽ ​​​​വർഷം മുഴുവനും തണുപ്പ് അനുഭവപ്പെടാൻ കാരണമാകും. ഇത് രാത്രികാലങ്ങളിൽ കാലിലെ തീവ്രമായ പേശിവലിവിനൊപ്പം ഉണ്ടാവാം. ഇത് ഉയർന്ന കൊളസ്ട്രോളിന്റെ സൂചകങ്ങളാണ്. ഇവ അനുഭവപ്പെടുകയാണെങ്കിൽ ഏത്രയും വേഗം നിങ്ങൾ രക്തപരിശോധന നടത്തണം.

    Summary: Here is everything you need to know about high cholesterol levels. There are warning signs one shall not ignore and go for a medical check up if needed. High levels of cholesterol can lead to various health problems later
    Published by:user_57
    First published: