• HOME
  • »
  • NEWS
  • »
  • life
  • »
  • Food Allergy | ചില ഭക്ഷണങ്ങൾ നിങ്ങൾക്ക് അലർജി ഉണ്ടാക്കാറുണ്ടോ? ജീവതത്തിൽ ഒരിയ്ക്കലും ഈ അലർജി വിട്ടുമാറില്ലേ? അറിയേണ്ട കാര്യങ്ങൾ

Food Allergy | ചില ഭക്ഷണങ്ങൾ നിങ്ങൾക്ക് അലർജി ഉണ്ടാക്കാറുണ്ടോ? ജീവതത്തിൽ ഒരിയ്ക്കലും ഈ അലർജി വിട്ടുമാറില്ലേ? അറിയേണ്ട കാര്യങ്ങൾ

ഭക്ഷണത്തോടുള്ള ഈ അലർജി ചിലപ്പോൾ ജീവൻ തന്നെ അപകടത്തിലാകാൻ കാരണമാകുന്നു.

  • Share this:
    ചിലർക്ക് ചില ഭക്ഷണങ്ങൾ ഇഷ്ടമാണെങ്കിൽ കൂടി അവ കഴിക്കാൻ സാധിക്കില്ല. കാരണം അവർക്ക് ആ പ്രത്യേക ഭക്ഷണത്തോട് (Food) അലർജി (allergy) ഉണ്ടായിരിക്കാം. നമ്മുടെ രോഗപ്രതിരോധ സംവിധാനം (immune system) പുറത്ത് നിന്നുള്ള ശരീരത്തിന് അനുയോജ്യമല്ലാത്ത ഒരു ഘടകം പ്രവേശിക്കുന്നതിനെ തടയുമ്പോഴാണ് അലർജി ഉണ്ടാവുന്നത്. ഇത്തരത്തിലുള്ള ഭക്ഷണങ്ങൾ കഴിക്കുമ്പോൾ രോഗപ്രതിരോധ സംവിധാനം അതിവേഗം ഇമ്മ്യൂണോഗ്ലോബുലിൻ ഇ എന്ന ആന്റിബോഡികൾ ( immunoglobulin E antibodies) സൃഷ്ടിക്കുന്നു. ഇത് ശരീരത്തിലെ വിവിധ അവയവങ്ങളെ തമ്മിൽ ബന്ധിപ്പിച്ചശേഷം ശരീരത്തിന് ഹാനികരമായ പുറത്തു നിന്നുള്ള ഘടകങ്ങളെ കണ്ടെത്താനായി ഹിസ്റ്റമിൻ (histamine) പുറപ്പെടുവിക്കുന്നു.

    നിങ്ങളുടെ ശരീരത്തിന്റെ രോഗപ്രതിരോധ സംവിധാനം വിവിധ ഭക്ഷണങ്ങളിൽ അടങ്ങിയിരിക്കുന്ന പ്രോട്ടീനുകളെ ശരീരത്തിന് ഹാനികരമായ ഘടകങ്ങളായി പരിഗണിക്കുമ്പോഴാണ് ഇങ്ങനെ സംഭവിക്കുന്നത്. എന്നാൽ ഭക്ഷണത്തോടുള്ള ഈ അലർജി ചിലപ്പോൾ ജീവൻ തന്നെ അപകടത്തിലാകാൻ കാരണമാകുന്നു. പാൽ (milk), മുട്ട (egg), നിലക്കടല (peanut), മത്സ്യം (fish) മുതലായ സാധാരണ ഭക്ഷണപദാർത്ഥങ്ങൾ കഴിക്കുമ്പോഴും ചിലർക്ക് അലർജി ഉണ്ടാകാം.

    ഒരു വ്യക്തിക്ക് ചില ഭക്ഷണത്തിനോട് മാത്രം ഇങ്ങനെ അലർജി ഉണ്ടെങ്കിൽ അവരുടെ ജീവിതകാലം മുഴുവൻ ആ ഭക്ഷണം കഴിക്കാൻ സാധിക്കാതെ വരാറാണ് പതിവ്. എങ്കിലും ചില ആളുകൾക്ക് അവരുടെ ഭക്ഷണ അലർജിയെ വിജയകരമായി തോൽപ്പിക്കാൻ കഴിയാറുമുണ്ട്. പിഞ്ചുകുഞ്ഞായിരിക്കുമ്പോൾ മുതൽ ജീവിതത്തിന്റെ വിവിധ ഘട്ടങ്ങളിൽ വരെ ഭക്ഷണത്തോടുള്ള ഈ അലർജി ഉണ്ടാകാനും വളരാനും ഇടയുണ്ട്.

    ഷാലിമാർ ബാഗിലെ മാക്സ് സൂപ്പർ സ്പെഷ്യാലിറ്റി ഹോസ്പിറ്റലിലെ ഇഎൻടി കൺസൾട്ടന്റ് ഡോ. സുവെൻ കൽറ ഇന്ത്യൻ എക്സ്പ്രസിന് നൽകിയ അഭിമുഖത്തിൽ ശിശുക്കൾക്ക് എങ്ങനെയാണ് അലർജിയുണ്ടാക്കുന്ന ഇമ്മ്യൂണോഗ്ലോബുലിൻ ലഭിക്കുന്നതെന്നും അമ്മയുടെ പാലിൽ നിന്ന് ഈ ആന്റിബോഡികൾ എങ്ങനെയാണ് കുഞ്ഞിലേക്ക് എത്തുന്നതെന്നും വിശദീകരിച്ചിട്ടുണ്ട്. ഈ പ്രക്രിയ പിനോസൈറ്റോസിസ് അല്ലെങ്കിൽ സെൽ ഡ്രിങ്കിങ് എന്നറിയപ്പെടുന്നു.

    ചിലപ്പോൾ കുഞ്ഞുങ്ങളുടെ ശൈശവകാലത്ത് അലർജി ഉണ്ടാക്കുന്ന ചില പ്രോട്ടീനുകൾ അവ ദഹിക്കുന്നതിന് മുമ്പ് അല്ലെങ്കിൽ അമിനോ ആസിഡുകളായി വിഘടിക്കുന്നതിന് മുമ്പ് ശിശുവിന്റെ വയറിലേക്ക് ആഗിരണം ചെയ്യപ്പെടുന്നു. "സാധാരണ വളർച്ചാ പ്രക്രിയയുടെ ഭാഗമായി അമ്മയിൽ നിന്ന് ലഭിക്കുന്ന റെഡിമെയ്ഡ് ആന്റിബോഡി കുഞ്ഞുങ്ങൾ ആശ്രയിക്കുന്നത് കുറഞ്ഞു വരും. അപ്പോൾ പിനോസൈറ്റോസിസ് അവസ്ഥ നിൽക്കുകയും കുട്ടികളുടെ അലർജി അവർ വളരുന്നതിന് അനുസരിച്ച് ഇല്ലാതാകുകയും ചെയ്യുമെന്ന് " ഡോ. കൽറ പറഞ്ഞു.

    കൽറയുടെ അഭിപ്രായത്തിൽ, ഒരാൾക്ക് അവരുടെ അലർജിയിൽ നിന്ന് മുക്തമാകാൻ കഴിയുന്ന ചില മാർഗങ്ങൾ കൂടി ഉണ്ട്. ഓറൽ ഇമ്മ്യൂണോതെറാപ്പിയാണ് ഒരു രീതി. ഈ പ്രക്രിയയിൽ ഒരു വ്യക്തിക്ക് അലർജിയുണ്ടാക്കുന്ന ഭക്ഷണം ചെറിയ അളവിൽ നൽകുന്നു.

    കുറച്ച് കാലത്തിന് ശേഷം അവരുടെ ശരീരത്തിലെ രോഗപ്രതിരോധ സംവിധാനം ഡി-സെൻസിറ്റൈസ് ചെയ്യപ്പെടുകയും ആ വ്യക്തിക്ക് അവരുടെ അലർജിയെ മറികടക്കാൻ കഴിയുകയും ചെയ്യുന്നു. എന്നാൽ ഈ രീതി വിദഗ്ധരുടെ മേൽനോട്ടത്തിൽ മാത്രമേ ചെയ്യാവൂ. കാരണം ചിലപ്പോൾ ഉടനടി വൈദ്യസഹായം ആവശ്യമായി വന്നേക്കാവുന്ന കഠിനമായ പ്രതികരണങ്ങൾ ശരീരത്തിൽ ഉണ്ടാകാൻ ഇടയുണ്ട്.
    Published by:Jayesh Krishnan
    First published: