World Liver Day | ഇന്ന് ലോക കരള്‍ ദിനം: കരളിന്റെ ആരോഗ്യത്തിന് ചെയ്യേണ്ടതും ചെയ്യാന്‍ പാടില്ലാത്തതും
കരളിന്റെ ആരോഗ്യം സംരക്ഷിക്കാന്‍ ചെയ്യേണ്ടതും ചെയ്യാന്‍ പാടില്ലാത്തതുമായ കാര്യങ്ങള്‍ എന്തൊക്കെയെന്ന് അറിയാം
- News18 Malayalam
- Last Updated :
ഇന്ന് ലോക കരള്‍ ദിനം. ശരീരത്തിലെ ഏറ്റവും പ്രധാനപ്പെട്ട അവയവമാണ് കരള്‍ (liver). ശരീരത്തിന്റെ മൊത്തത്തിലുള്ള ആരോഗ്യത്തില്‍ കരളിന്റെ പങ്കിനെക്കുറിച്ച് അവബോധം വളര്‍ത്തുന്നതിനും കരളുമായി ബന്ധപ്പെട്ട രോഗങ്ങളെയും അവസ്ഥകളെയും കുറിച്ച് ആളുകളെ കൂടുതല്‍ ബോധവാന്മാരാക്കുന്നതിനുമാണ് എല്ലാ വര്‍ഷവും ഏപ്രില്‍ 19 ലോക കരള്‍ ദിനമായി (world liver day ) ആചരിക്കുന്നത്.
കരള്‍ ശരീരത്തിലെ വളരെ സങ്കീര്‍ണ്ണമായ ഒരു അവയവമാണ്. മനുഷ്യ ശരീരത്തിന്റെ പ്രതിരോധശേഷി, ദഹനം, മെറ്റബോളിസം എന്നിവയെ പ്രതിഫലിപ്പിക്കുന്നതും ശരീരത്തിലെ വിവിധ നിര്‍ണായക പ്രവര്‍ത്തനങ്ങള്‍ക്കുള്ള കരളിന്റെ പങ്കും വളരെ വലുതാണ്. സാധാരണയായി, ഹെപ്പറ്റൈറ്റിസ് ബി, സി, മദ്യം അല്ലെങ്കില്‍ മയക്കുമരുന്ന് ഉപയോഗം എന്നിവ കരളിനെ പ്രതികൂലമായി ബാധിക്കാറുണ്ട്. 2022ലെ ലോക കരള്‍ ദിനത്തില്‍ കരളിന്റെ ആരോഗ്യം (healthy liver) സംരക്ഷിക്കാന്‍ ചെയ്യേണ്ടതും ചെയ്യാന്‍ പാടില്ലാത്തതുമായ കാര്യങ്ങള്‍ എന്തൊക്കെയെന്ന് അറിയാം.
കരളിന്റെ ആരോഗ്യം സംരക്ഷിക്കാന്‍ ചെയ്യേണ്ട കാര്യങ്ങള്‍
ചെയ്യാന്‍ പാടില്ലാത്ത കാര്യങ്ങള്‍:
കരള്‍ ശരീരത്തിലെ വളരെ സങ്കീര്‍ണ്ണമായ ഒരു അവയവമാണ്. മനുഷ്യ ശരീരത്തിന്റെ പ്രതിരോധശേഷി, ദഹനം, മെറ്റബോളിസം എന്നിവയെ പ്രതിഫലിപ്പിക്കുന്നതും ശരീരത്തിലെ വിവിധ നിര്‍ണായക പ്രവര്‍ത്തനങ്ങള്‍ക്കുള്ള കരളിന്റെ പങ്കും വളരെ വലുതാണ്. സാധാരണയായി, ഹെപ്പറ്റൈറ്റിസ് ബി, സി, മദ്യം അല്ലെങ്കില്‍ മയക്കുമരുന്ന് ഉപയോഗം എന്നിവ കരളിനെ പ്രതികൂലമായി ബാധിക്കാറുണ്ട്. 2022ലെ ലോക കരള്‍ ദിനത്തില്‍ കരളിന്റെ ആരോഗ്യം (healthy liver) സംരക്ഷിക്കാന്‍ ചെയ്യേണ്ടതും ചെയ്യാന്‍ പാടില്ലാത്തതുമായ കാര്യങ്ങള്‍ എന്തൊക്കെയെന്ന് അറിയാം.
കരളിന്റെ ആരോഗ്യം സംരക്ഷിക്കാന്‍ ചെയ്യേണ്ട കാര്യങ്ങള്‍
- ചീര, ബ്രോക്കോളി തുടങ്ങിയ ഇലക്കറികള്‍ ധാരാളം കഴിക്കുക. ഈ പച്ചക്കറികള്‍ ശരീരത്തിന്റെ ശുദ്ധീകരണ പ്രക്രിയയെ സഹായിക്കുന്നു.
- നല്ല കൊഴുപ്പ് ധാരാളമായി അടങ്ങിയ വാള്‍നട്ട്, അവോക്കാഡോ, ഒലിവ് ഓയില്‍ എന്നിവ ഭക്ഷണത്തിന്റെ ഭാഗമാക്കുക.
- കരളിനെ ആരോഗ്യകരമായി സംരക്ഷിക്കണമെങ്കില്‍ ശരീരത്തില്‍ എപ്പോഴും ജലാംശം നിലനിര്‍ത്തേണ്ടതുണ്ട്. വെള്ളം ശരീരത്തിലെ മാലിന്യങ്ങള്‍ നീക്കം ചെയ്യാന്‍ കരളിനെ സഹായിക്കും.
- ഭക്ഷണത്തില്‍ പഴങ്ങള്‍ കൂടുതല്‍ ഉള്‍പ്പെടുത്തുക. കൂടാതെ വിറ്റാമിന്‍ സി അടങ്ങിയ പഴങ്ങൾ ധാരാളം കഴിക്കാൻ ശ്രദ്ധിക്കുക. ഓറഞ്ച്, പേരക്ക തുടങ്ങിയ സിട്രസ് പഴങ്ങള്‍ കഴിക്കുന്നതിലൂടെ കരളില്‍ കൊഴുപ്പ് അടിഞ്ഞുകൂടുന്നത് തടയാന്‍ സാധിക്കും.
- ചായയില്‍ ധാരാളമായി ആന്റി ഓക്സിഡന്റുകള്‍ അടങ്ങിയിട്ടുണ്ട്. ഇത് കരളിന്റെ ആരോഗ്യം വര്‍ധിപ്പിക്കാന്‍ സഹായിക്കും. ബ്ലാക്ക് ടീ, ഗ്രീന്‍ ടീ എന്നിവ കരളിലെ എന്‍സൈമുകളുടെയും കൊഴുപ്പിന്റെയും അളവ് മെച്ചപ്പെടുത്തും. ഇവ പതിവായി കഴിക്കുന്നത് കരളിന്റെ ആരോഗ്യം നിലനിര്‍ത്താന്‍ സഹായിക്കും. ഗ്രീന്‍ ടീ കരളിലെ കൊഴുപ്പ് കുറയ്ക്കുകയും ഓക്‌സിഡേറ്റീവ് സ്‌ട്രെസ് കുറയ്ക്കുകയും ചെയ്യുന്നു.
- പതിവായി വ്യായാമം ചെയ്യുക.
ചെയ്യാന്‍ പാടില്ലാത്ത കാര്യങ്ങള്‍:
- സംസ്‌ക്കരിച്ച ഭക്ഷണങ്ങള്‍ക്ക് കരളിലെ കൊഴുപ്പിന് കാരണമാകുന്ന ഉയര്‍ന്ന ഗ്ലൈസെമിക് സൂചിക ഉണ്ട്. അതിനാല്‍ അത്തരം ഭക്ഷണങ്ങള്‍ പരമാവധി ഒഴിവാക്കുക. കൂടാതെ ഈ ഭക്ഷണങ്ങള്‍ ശരീരത്തിലെ പഞ്ചസാരയുടെ അളവ് വര്‍ദ്ധിപ്പിക്കും.
- പൂരിത കൊഴുപ്പുകളും ട്രാന്‍സ് ഫാറ്റുകളും ഒഴിവാക്കുക. വറുത്ത ഭക്ഷണങ്ങളും ഇതില്‍ ഉള്‍പ്പെടുന്നു.
- മദ്യപാനം ഒഴിവാക്കുക. മദ്യം ഒരു നിര്‍ജ്ജലീകരണ ഏജന്റായി പ്രവര്‍ത്തിക്കുകയും ശരീരത്തിലെ വിഷാംശം പുറന്തള്ളാന്‍ കരളിന് ബുദ്ധിമുട്ടുണ്ടാക്കുകയും ചെയ്യുന്നു.
- ഇറച്ചിയുടെ അമിത ഉപയോഗം ഒഴിവാക്കുക. കാരണം ഇത്കരളില്‍ കൂടുതൽ കൊഴുപ്പ് അടിഞ്ഞു കൂടാൻ കാരണമാകും.
- ഉയർന്നഅളവില്‍ പഞ്ചസാര അടങ്ങിയ ചോക്ലേറ്റുകള്‍, മിഠായികള്‍, ശീതള പാനീയങ്ങള്‍ തുടങ്ങിയവ ഒഴിവാക്കുക.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
