• HOME
  • »
  • NEWS
  • »
  • life
  • »
  • Caffeine | ഒരു ദിവസം എത്രത്തോളം കഫീന്‍ കഴിക്കുന്നതാണ് സുരക്ഷിതം? പാർശ്വഫലങ്ങൾ എന്തൊക്കെ?

Caffeine | ഒരു ദിവസം എത്രത്തോളം കഫീന്‍ കഴിക്കുന്നതാണ് സുരക്ഷിതം? പാർശ്വഫലങ്ങൾ എന്തൊക്കെ?

അമിതമായ അളവില്‍ കഫീന്‍ കഴിക്കുന്നത് ആരോഗ്യത്തിന് ഭീഷണിയാകുമെന്നും മുന്നറിയിപ്പ് നല്‍കുന്നുണ്ട്.

(പ്രതീകാത്മക ചിത്രം)

(പ്രതീകാത്മക ചിത്രം)

  • Share this:
    ഒരു കപ്പ് ചായയോ (Tea) കാപ്പിയോ (Coffee) ഇല്ലാതെ ഒരു ദിവസം ആരംഭിക്കുക എന്നത് നമ്മളില്‍ പലര്‍ക്കും അസാധ്യമായ കാര്യമാണ്. ഊര്‍ജ്ജസ്വലതയോടെ ഒരു ദിവസം ആരംഭിക്കാന്‍ കാപ്പി കുടിക്കുന്ന ശീലം പലരെയും സഹായിക്കുന്നു. കുറഞ്ഞതും മിതമായതുമായ അളവില്‍ കഫീന്‍ (Caffeine) കഴിക്കുന്നത് ആരോഗ്യകരമാണെന്നാണ് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷനിലെ ശാസ്ത്രജ്ഞര്‍ അവകാശപ്പെടുന്നത്. എന്നാല്‍ അമിതമായ അളവില്‍ കഫീന്‍ കഴിക്കുന്നത് ആരോഗ്യത്തിന് ഭീഷണിയാകുമെന്നും അവര്‍ മുന്നറിയിപ്പ് നല്‍കുന്നുണ്ട്.

    ചായയും കാപ്പിയും കുടിക്കുന്നവര്‍ അറിഞ്ഞിരിക്കേണ്ട ചില വസ്തുതകള്‍ ഡയറ്റീഷ്യന്‍ മനീഷ മേത്ത തന്റെ ഇന്‍സ്റ്റഗ്രാം അക്കൗണ്ടിലൂടെ പങ്കുവെച്ചിട്ടുണ്ട്. നിങ്ങളുടെ ശരീരത്തിലെ എപിനെഫ്രിന്‍ (Epinephrine) പുറത്തുവിടാന്‍ സഹായിക്കുന്ന ഉത്തേജകങ്ങളാണ് ചായയും കാപ്പിയും എന്നാണ് അവര്‍ വെളിപ്പെടുത്തിയത്.

     Also Read- ഏറെക്കാലം കാത്തിരുന്ന് പിറന്ന കുഞ്ഞിന് രണ്ട് തലയും മൂന്ന് കൈകളും

    കഫീന്‍ അമിതമായി കഴിക്കുന്നതിന്റെ പാര്‍ശ്വഫലങ്ങള്‍ എന്തൊക്കെയെന്ന് നോക്കാം

    • - കഫീന്‍ കൊഴുപ്പിനെ ഇല്ലാതാക്കാന്‍ സഹായിക്കുമെന്ന് പല പഠനങ്ങളും കണ്ടെത്തിയിട്ടുണ്ട്. എന്നാല്‍ കഫീന്‍ ആത്യന്തികമായി നിങ്ങളുടെ മെറ്റബോളിസത്തെ കുറയ്ക്കുമെന്ന വസ്തുത ആ പഠനങ്ങള്‍ അവഗണിക്കുന്നു.

    • - ഉയര്‍ന്ന അളവില്‍ കഫീന്‍ ഉപയോഗിക്കുന്നത് ഉത്കണ്ഠയ്ക്കും അസ്വസ്ഥതയ്ക്കും കാരണമാകുന്നു.

    • - കഫീന്റെ ഏറ്റവും മികച്ച ഗുണം അത് നമ്മളെ ഉണര്‍ന്നിരിക്കാന്‍ സഹായിക്കുന്നു എന്നതാണ്. എന്നാല്‍ കഫീന്റെ അമിതമായ ഉപയോഗം ഉറക്കമില്ലായ്മയ്ക്ക് കാരണമാകും. അല്ലെങ്കില്‍ നിലവിൽ ഉറക്കമില്ലായ്മ നേരിടുന്നുണ്ടെങ്കിൽ അതിനെ കൂടുതൽ വഷളാക്കും.

    • - ഭാഗ്യവശാൽ, കഫീന്‍ മിക്ക ആളുകളിലും ഹൃദ്രോഗ സാധ്യത വര്‍ദ്ധിപ്പിക്കുന്നതായി കാണുന്നില്ല. എന്നാല്‍ നാഡീവ്യവസ്ഥയെ ഉത്തേജിപ്പിക്കാൻ കഴിയുന്നതിനാൽ കഫീന്‍ രക്തസമ്മര്‍ദ്ദം വര്‍ദ്ധിപ്പിക്കുമെന്ന് പല പഠനങ്ങളും തെളിയിച്ചിട്ടുണ്ട്.


     Also Read- നിങ്ങളുടെ കുട്ടി ഇടയ്ക്കിടെ നാവ് പുറത്തിടാറുണ്ടോ? ഇതാണ് കാരണം!

    ഒരു ദിവസംഎത്രത്തോളം കഫീൻ ഉപയോഗിക്കാം?

    •  ഒരു ദിവസം രണ്ട് കപ്പ് ചായയോ കാപ്പിയോ കഴിച്ചാല്‍ മതിയാകും. അതില്‍ കൂടുതല്‍ കഴിക്കരുതെന്ന് മനീഷ മേത്ത നിർദ്ദേശിക്കുന്നു.

    • ഭക്ഷണത്തിനു ശേഷം ചായയോ കാപ്പിയോ കുടിക്കരുത്. മേത്തയുടെ അഭിപ്രായത്തില്‍ ഭക്ഷണം കഴിച്ച് ഒരു മണിക്കൂര്‍ എങ്കിലും കഴിഞ്ഞതിനു ശേഷമേ കഫീന്‍ ഉപയോഗിക്കാവൂ.

    • ഉച്ചയ്ക്ക് ശേഷം കഫീന്റെ ഉപയോഗം കുറയ്ക്കാന്‍ ശ്രമിക്കുക

    • ഏതെങ്കിലും തരത്തിലുള്ള ഇന്‍ഫ്ലമേറ്ററി പ്രശ്‌നങ്ങള്‍ ഉള്ള വ്യക്തികൾ കഫീന്റെ ഉപയോഗം പൂര്‍ണമായും ഒഴിവാക്കണം.


    എന്നാല്‍, നിങ്ങളുടെ ജീവിതത്തില്‍ നിന്ന് കോഫി പൂർണമായും ഒഴിവാക്കുന്നതിനെക്കുറിച്ച് ചിന്തിക്കേണ്ടതില്ല. കാരണം കാപ്പി കുടിക്കുന്നവര്‍ക്ക് അതുകൊണ്ട് പല ഗുണങ്ങളും ലഭിക്കുന്നുണ്ട്. കഫീന്‍ കൂടാതെ കാപ്പിയില്‍ ആന്റിഓക്‌സിഡന്റുകളും മറ്റ് സജീവ പദാര്‍ത്ഥങ്ങളും അടങ്ങിയിട്ടുണ്ട്. ഈ ആന്റിഓക്‌സിഡന്റുകള്‍ ആന്തരിക വീക്കം കുറയ്ക്കാനും രോഗങ്ങളില്‍ നിന്ന് സംരക്ഷിക്കാനും നിങ്ങളെ സഹായിക്കും. നിങ്ങളുടെ കരളിലെ എന്‍സൈമിനെ നിലനിര്‍ത്താനും കാപ്പി സഹായിക്കും.
    Published by:Arun krishna
    First published: