International Yoga Day | അയഞ്ഞ വസ്ത്രം, കുളി, വിശ്രമം;യോ​ഗക്കു മുൻപും ശേഷവും ചെയ്യേണ്ട കാര്യങ്ങൾ

ഇന്ന് അന്താരാഷ്ട്ര യോഗ ദിനമാണ് (International Yoga). ഇന്ത്യയിൽ 5,000 വർഷങ്ങൾക്ക് മുൻ‌പേ യോ​ഗ നിലവിലുണ്ടെങ്കിലും അതിന്റെ പ്രധാന്യം മനസിലാക്കി, ലോകമെമ്പാടും ഉള്ളവർ ഇപ്പോൾ യോ​ഗ അഭ്യസിക്കാറുണ്ട്. ശാരീരിക ക്ഷമത വർധിപ്പിക്കുക മാത്രമല്ല, മനസും ശരീരവും തമ്മിലുള്ള സന്തുലിതാവസ്ഥ നിലനിർത്താനും യോ​ഗ സഹായിക്കുന്നു. മറ്റ് തരത്തിലുള്ള വ്യായാമങ്ങളിൽ നിന്ന് വ്യത്യസ്തമായി യോ​ഗക്ക് ഒരു തരത്തിലുള്ള വാം അപ്പ് സെഷനും (warm-up) ആവശ്യമില്ല. എന്നാൽ യോഗയുടെ ​ഗുണങ്ങൾ പൂർണമായും ലഭിക്കാൻ യോ​ഗ ചെയ്യുന്നതിനു മുൻപും ചെയ്തതിനു ശേഷവും ചില കാര്യങ്ങൾ ശ്രദ്ധിക്കേണ്ടതുണ്ട്. അവ ഏതൊക്കെയാണെന്നു നോക്കാം.

യോ​ഗക്കു മുൻപ് എന്തൊക്കെ ചെയ്യണം?

1. ലഘു ഭക്ഷണം - വെറും വയറ്റിലോ അല്ലെങ്കിൽ മിതമായി അളവിലുള്ള ഭക്ഷണം കഴിച്ച് അൽപ സമയത്തിനു ശേഷമോ ആയിരിക്കണം യോ​ഗ പരിശീലിക്കേണ്ടത്. യോഗ പരിശീലിക്കുന്നതിനു തൊട്ടു മുൻപ് ഭക്ഷണം കഴിക്കരുത്. യോഗ ചെയ്യുന്നതിനു മുൻപുള്ള മൂന്ന് മണിക്കൂറിൽ വയറു നിറച്ച് ഭക്ഷണം കഴിക്കരുത്.

2. വെള്ളം കുടിക്കുക - എല്ലാ ദിവസവും ധാരാളം വെള്ളം കുടിക്കേണ്ടത് അത്യാവശ്യമാണ്. പക്ഷേ നിങ്ങൾ യോ​ഗ ചെയ്യുന്നതിനു മുൻപുള്ള സമയത്ത് ഒരുപാട് വെള്ളം കുടിക്കുന്നത് ഒഴിവാക്കുക. വ്യായാമത്തിന് മുൻപ് വയർ നിറഞ്ഞിരുന്നാൽ ചില യോഗാസനങ്ങൾ ചെയ്യുമ്പോൾ അസ്വസ്ഥത ഉണ്ടായേക്കാം.

Also Read- ഇന്ന് അന്താരാഷ്ട്ര യോഗാ ദിനം; ദിവസവും സൂര്യ നമസ്കാരം ചെയ്യുന്നത് കൊണ്ടുള്ള ഗുണങ്ങൾ

3. യോ​ഗ ചെയ്യാൻ അനുയോജ്യമായ വസ്ത്രം ധരിക്കുക - യോ​ഗ ചെയ്യുമ്പോൾ അയഞ്ഞ വസ്ത്രം ധരിക്കുക. പക്ഷേ ഒരുപാട് അയഞ്ഞത് ആയിരിക്കരുത്. എന്തെങ്കിലും അസ്വസ്ഥത ഉണ്ടാക്കുന്ന തരത്തിലുള്ള ആഭരണങ്ങളും യോ​ഗ ചെയ്യുമ്പോൾ ധരിക്കരുത്. നിങ്ങൾക്ക് നീളമുള്ള മുടിയാണ് ഉള്ളതെങ്കിൽ യോ​ഗ ചെയ്യുന്ന സമയത്ത് അത് കെട്ടി വെയ്ക്കാനും ശ്രദ്ധിക്കുക

യോ​ഗക്കു ശേഷം എന്തൊക്കെ ചെയ്യണം?

1. വിശ്രമം - യോഗ ചെയ്തതിനു ശേഷം, നിങ്ങൾ 10 മിനിറ്റ് ശവാസനം ചെയ്യുകയോ അല്ലെങ്കിൽ ചെറുതായൊന്ന് മയങ്ങുകയോ ചെയ്യാം. വിശ്രമാവസ്ഥയിലുള്ള, എന്നാൽ നമ്മൾ ചുറ്റുപാടുകളെക്കുറിച്ച് പൂർണ അവബോധത്തോടെ ഇരിക്കുന്ന പോസ് ആണിത്.

2. കുളിക്കുക - യോ​ഗ ചെയ്തു കഴിഞ്ഞ് 20-30 മിനിറ്റു നേരം കഴിഞ്ഞ് ഒന്നു കുളിച്ച് ശരീരം തണുപ്പിക്കാം. അതിനു മുൻപ് വിയർപ്പ് ഉണങ്ങാൻ അനുവദിക്കുക. ശരീരം സാധാരണ താപനിലയിലേക്ക് എത്തിയതിനു ശേഷം മാത്രം കുളിക്കുക.

3. വെള്ളം കുടിക്കുക - യോഗ ചെയ്തതിനു ശേഷം നിങ്ങൾ ധാരാളം വെള്ളം കുടിക്കുന്നുണ്ട് എന്ന് ഉറപ്പാക്കുക. സാധാരണ വെള്ളമോ അല്ലെങ്കിൽ തേങ്ങാ വെള്ളമോ കുടിക്കുന്നത് നല്ലതാണ്.

4. യോ​ഗ ചെയ്ത് അൽപ സമയത്തിനു ശേഷം ഭക്ഷണം കഴിക്കുക - യോഗ ചെയ്തതിനു ശേഷം ഉടൻ തന്നെ ഭക്ഷണം കഴിക്കരുത്. യോഗയ്ക്ക് ശേഷം പതിനഞ്ചോ മുപ്പതോ മിനിറ്റ് കഴിഞ്ഞ് ലഘുഭക്ഷണം കഴിക്കാം.