Numerology March 15 | നിങ്ങളുടെ ജന്മസംഖ്യ നാലാണോ? ജന്മസംഖ്യകളായ എട്ടും ഒൻപതുമായുള്ള പൊരുത്തം അറിയാം

ജന്മസംഖ്യകളായ നാലും എട്ടും തമ്മിലുള്ള പൊരുത്തം

ജോലിയിൽ ഉന്നത പദവി വഹിക്കുന്നവരായിരിക്കും നാല്, എട്ട് എന്നീ ജന്മസംഖ്യകളുള്ളവർ. ഈ രണ്ട് ജന്മസംഖ്യകളിൽപ്പെട്ടവർ ഒരുമിച്ച് പ്രവർത്തിച്ചാൽ തന്ത്രപ്രധാനമായ സ്ഥാനങ്ങൾ വരെ നേടാൻ സാധിക്കും. അച്ചടക്കം, നിയന്ത്രണം എന്നിവയുള്ളവരായിരിക്കും ഇക്കൂട്ടർ. ഈ സംഖ്യകളിലൊന്ന് പങ്കാളികളിൽ ഒരാൾക്ക് എങ്കിലും ഉണ്ടെങ്കിൽ അവരിൽ ആരാണ് കൂടുതൽ പെർഫെക്ഷനിസ്റ്റ് എന്ന താരതമ്യം ഇരുവർക്കുമിടിയിൽ ഉണ്ടാകും. പരസ്പരം വാദങ്ങളിൽ ഏർപ്പെട്ടില്ലെങ്കിലും ഇവർ പരസ്പരം മുൻവിധികളുള്ളവരായിരിക്കും. വളരെ ചിട്ടയായ ജീവിതം ആയിരിക്കും ഇക്കൂട്ടർ നയിക്കുക.

സഹായം, ദാനധർമ്മം, ആരോഗ്യകരമായ ജീവിതശൈലി, ആത്മീയത, ഉയർന്ന വിദ്യാഭ്യാസം എന്നിവ ഇവർ പഠിക്കേണ്ടതുണ്ട്. ഏത് ജോലികളും ചെയ്ത് തീർക്കുന്നവരായിരിക്കും ഈ ജന്മസംഖ്യയുള്ളവർ. ആരോഗ്യത്തിന് പ്രത്യേക ശ്രദ്ധ നൽകണം. സിട്രസ് ഫ്രൂട്ട്സ് ഭക്ഷണത്തിന്റെ ഭാഗമാക്കണം. ഹാർഡ്‌വെയർ, സോഫ്റ്റ്‌വെയർ, മെറ്റൽ, നിർമ്മാണം, യന്ത്രങ്ങൾ, കൃഷി, മരുന്ന്, ധനകാര്യം, ഫർണിച്ചർ, ഇലക്ട്രോണിക്സ് എന്നീ മേഖലകളിൽ ശോഭിക്കും. 4ഉം 8ഉം ജന്മസംഖ്യകളുള്ള നിരവധി പ്രശസ്ത രാഷ്ട്രീയക്കാർ ഇന്ത്യയിലും ലോകമെമ്പാടുമുണ്ട്. അതിനാൽ രാഷ്ട്രീയത്തിലും തിളങ്ങാൻ സാധിക്കും.

ഭാഗ്യ നിറങ്ങൾ: പച്ച, നീല
ഭാഗ്യ ദിനം: വെള്ളി
ഭാഗ്യ സംഖ്യ: 6
ദാനം ചെയ്യേണ്ടത്: പാവപ്പെട്ടവർക്ക് ഇലക്കറികൾ ദാനം ചെയ്യുക.

ജന്മസംഖ്യകളായ നാലും ഒൻപതും തമ്മിലുള്ള പൊരുത്തം

4 എന്ന ജന്മസംഖ്യക്കാരുടെ ഭാഗ്യം വർധിപ്പിക്കുന്ന ജന്മസംഖ്യയാണ് 9. ഇവർ പരസ്പരം വിശ്വസ്തരായിരിക്കും. 4 നും 9 നും ഇടയിൽ ആകർഷണീയത കൂടുതലായിരിക്കും. ഈ ജന്മസംഖ്യകളുള്ള ദമ്പതികൾ സത്യസന്ധരും വിശ്വസനീയരും സ്നേഹമുള്ളവരുമായിരിക്കും. ഇവർ യോഗ അല്ലെങ്കിൽ ജിമ്മിൽ പോയുള്ള ശാരീരിക വ്യായാമങ്ങൾ എന്നിവ നിർബന്ധമായും ചെയ്യണം. തക്കാളി അല്ലെങ്കിൽ മാതളനാരകം പോലുള്ള ചുവന്ന പഴങ്ങൾ കഴിക്കുന്നത് ഗുണം ചെയ്യും. കൗൺസിലിംഗ്, വിദ്യാഭ്യാസം, സ്റ്റോക്ക് എന്നിവ നിർബന്ധമാണ്. മാർക്കറ്റ്, പാത്രങ്ങൾ, കായികം എന്നീ മേഖലകളിൽ പ്രവർത്തിക്കുന്നവർക്ക് ഭാഗ്യാനുഭവമുണ്ടാകും.

ഭാഗ്യ നിറങ്ങൾ: ചുവപ്പ്, പർപ്പി
ഭാഗ്യദിനം: ചൊവ്വ
ഭാഗ്യ നമ്പർ: 9
സംഭാവനകൾ: അനാഥാലയത്തിൽ തണ്ണിമത്തൻ ദാനം ചെയ്യുക

സംഖ്യാശാസ്ത്രത്തില്‍ 9 വരെയുള്ള നമ്പറുകളെയാണ് പരാമര്‍ശിക്കുന്നത്. 9ന് ശേഷമുള്ള സംഖ്യകളുടെ ഫലങ്ങള്‍ സംഖ്യാശാസ്ത്രത്തില്‍ പറയുന്നില്ല. എന്തെന്നാല്‍, 9ന് ശേഷമുള്ള സംഖ്യ 1ന്റെയും 0-ത്തിന്റെയും സംയോജനമാണ്. അതായത്, 10. അങ്ങനെ പല പല സംഖ്യകള്‍ സംയോജിപ്പിച്ച് വിവിധ നമ്പറുകള്‍ ഉണ്ടാക്കി. അതിനിടയില്‍ പൂജ്യം ന്യൂട്രലായി നില്‍ക്കുന്നുണ്ട്. ഇത് ഗ്രഹങ്ങളെ കുറിച്ചുള്ള പഠനവുമായി ബന്ധിപ്പിക്കാവുന്നതാണ്.

സൗരയൂഥത്തില്‍ ആകെ 9 ഗ്രഹങ്ങളാണുള്ളത്. കുറച്ചുകൂടി ലളിതമായി പറഞ്ഞാല്‍, ഓരോ ഗ്രഹത്തിനും ഓരോ സംഖ്യ നല്‍കുകയും ആ നമ്പറില്‍ വിളിക്കുകയും ചെയ്യുന്നു. സംഖ്യകളെ പരാമര്‍ശിച്ചു കൊണ്ട് സൗരയൂഥത്തിലെ 9 ഗ്രഹങ്ങളെ കുറിച്ചുള്ള സമഗ്ര പഠനമാണ് യഥാര്‍ത്ഥത്തില്‍ സംഖ്യാശാസ്ത്രം എന്ന് അറിയപ്പെടുന്നത്.